Mphaniɔ 9:2 - Ɔngana á Kɛ̌kɛ

² Sɛɛngɔa áoúkuwa n'etia á mininga, mpɔ, maki áoma k'étia ndɔ n'aɓea maki á ɛɛmbɛ á nsa ángbó. Maní na mpɛna áoinda ka nyɔngɔ á maki nde atóki k'étia ndɔɔ.

Mphaniɔ 9:2 Iomraidhean Croise

Ekuma á ɓateki 2:19

Negeande ketangaɔ na koba k'égo, nê phɔtɔ ogea mphangiɔ kusi á maní. Magia, nsa n'eɓundu á maki aɓande ɓei.

Mphaniɔ 14:11

Maki á nsa á tambisaga aɓɔ, aojuana ka saga na saga. Ɓunde ɓáombeba nyama na tɔnkɛngɛ akɛ na nkpa buakɛ mmbé ana mphangiɔ á ina akɛ ɓákáɓɛku na múmbiɔ kaɓɛ sɔmani kaɓɛ kǐpha.

Mphaniɔ 16:10

Malaéka ndea Mokonga ɓa ko ɓɔku, áoɗukia nɛkɛ cǎ ésúia ndea Mokonga gǔ á kankaanga á kɔkɔta ndea nyama na koɓoamɛ nɛkɛ áongia suɓi á kaiphiɔ. Ɓakpa ɓáokoka eɗáka ka nyɔngɔ á kokae.

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 9:1

Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.

Mphaniɔ 9:11

Moamɛ nɛɓɔ ande malaéka á mininga, ina akɛ ka Kiɛbulanía ande «Abidáni», ka Kigiíki, ande «Apɔliɔ́ni», n'ande gea: «Ntúkatuki».

Mphaniɔ 9:17

Suɓi á mphaniɔ nɛmɔ, ɓato-émani na ɓamponda émani na ɓá ɓe: ɗáɓátú na ngɔ́mbɛ á k'égogo ɓea nguɓa, ánjɛ ɓea nsa, nɛngbo n'aíndi ɓea ego, nɛngbo ɓea mpusu á ɔmiɔ. Mɔ̌ á ɓamponda ndɔ, ɗákengeani na mɔ̌ á ɓasimba. Ɛɛmbɛ, maki, mpusu á ɔmiɔ, áotóka k'aphenɔkɔ aɓɔ.