Mphaniɔ 9:11 - Ɔngana á Kɛ̌kɛ

¹¹ Moamɛ nɛɓɔ ande malaéka á mininga, ina akɛ ka Kiɛbulanía ande «Abidáni», ka Kigiíki, ande «Apɔliɔ́ni», n'ande gea: «Ntúkatuki».

Mphaniɔ 9:11 Iomraidhean Croise

Lóka 8:31

Ɓansombo ɓáonɗengemisaga Yéso te: Aoɓá n'osóɓǐgi, kǒsososeɛmbɛ ɓégɛ ka Mininga.

Yoáni 12:31

Kɛ̌kɛnde unge Mokonga atenande nyɔngɔ á ka mokonda. Kɛ̌kɛnde, amɓeagande phɔtɔ moamɛ á ka mokonda ndee.

Yoáni 14:30

Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani,

Yoáni 16:11

Aěengekisiande ɓato á ka mokonda tena á nyɔngɔ, ka nyɔngɔ nde, ɓá ye teni nyɔngɔ ndea moamɛ á ka mokonda ndee.

Yoáni 5:2

Cɔ, na Yɛusalɛ́ma, bíbí á kǐo nde ɓáɔɔphana kǐo á ɓamɔgɔgɔ, ɗátú na ntogɔ moci nnde ɗáɓátúɔɔphana ka Kiɛbulanía Bɛtɛsaída. Kó, ɗáɓáphɛ̌ki mɔɛɓa ɓɔku, á ngeɔ.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

1 Yoáni 4:4

Ɓaniki amɔ, ɓana-Mokonga, ɓǒkíndí ye tɔ ɓaɔtu-nyɔngɔ á mbɛa ndɔ, ka nyɔngɔ nde Měma nde a suɓi anu, anyɛ́nyi nnde á ka mokonda.

1 Yoáni 5:19

Ɓeoúba gea, ɓende ɓana-Mokonga, mokonda bui a gǎkɛ kusi á kɔkɔta ndea Nto-ajeɗe.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 16:16

Ɓansombo ɓáǒdondanisa ɓaamɛ k'ɔ́ma nde ɓáɔɔphana ka Kiɛbulanía, Amaagɛdɔ́ni.