Mphaniɔ 9:1 - Ɔngana á Kɛ̌kɛ

¹ Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.

Mphaniɔ 9:1 Iomraidhean Croise

Lóka 10:18

Mpɔ, Yéso áǒgea: «Ɗɛ́mɔni Sɛtáni n'agú ka toka na koba ɓea phenua á mbua.

Lóka 8:31

Ɓansombo ɓáonɗengemisaga Yéso te: Aoɓá n'osóɓǐgi, kǒsososeɛmbɛ ɓégɛ ka Mininga.

Ɓalɔ́ma 10:7

Goto, koianɛgɛmbɛ sisakɔ gea: ‹Ani mmbé adidande ka nji á ɓasí?›» (Ande gea, táísa á Kiísito ka toka sɔsɔɓɛ á ɓasí?)

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).

Mphaniɔ 11:7

Cɔ, ɓá ye gǎkɛ ɔgɔɓa ɗigimisa á nyɔngɔ nɛɓɔ, nyama atáiande ka mininga, amanande na ɓɔ, aekíndande na aemowande.

Mphaniɔ 17:8

Nyama ndɔ ɔmɔnima, ɗátú na enda mosá, nna ye gǎkɛ ɓei. Ajuanande suɓi á mininga, â gǎkɛ oga oɓúngaga. Ɓato á ka mokonda ɓunde ina á ɓɔ nna suɓi á ɓuku á enda kpanga á ɓî ɗáɓáconji mokonda, ɓáyayamande ka ɔna nyama nga, yɛ ɗátúoenda, áokuwa n'asɛnɛkande goto!

Mphaniɔ 20:1

Mpɔ, Nɛɔmɔna malaéka ndea Mokonga n'aodida ka toka na koba, n'abɛɗi phembekete á mininga na ngoi á ngɔa átete.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 6:13

Ɓasɛɛngɔa ɓáogua ka oɗo ka toka na koba ɓea mbuka á me mtini na kámɔtimbɛ nnde sumbu aoemisaga me í.

Mphaniɔ 8:10

Malaéka ndea Mokonga ɓa ko ɓasaɔ áosúa mbengu. Sɛɛngɔa angbóngbó n'aǒtoɓoaga ɓea ɛɛmbɛ á nsa, áogua n'atóki na koba. Áogua ka phaeka isaɔ á ɔɓa na ntogɔ.

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 8:2

Mpɔ, nɛ́ɔ̌ɓɔna ɓamalaéka ndea Mokonga ngianjaga iɓɛ (7) na ɓámamege mosá á Mokonga, ɓáǒɓopha mbengu ngianjaga iɓɛ (7).

Mphaniɔ 9:2

Sɛɛngɔa áoúkuwa n'etia á mininga, mpɔ, maki áoma k'étia ndɔ n'aɓea maki á ɛɛmbɛ á nsa ángbó. Maní na mpɛna áoinda ka nyɔngɔ á maki nde atóki k'étia ndɔɔ.