Mphaniɔ 8:5 - Ɔngana á Kɛ̌kɛ

⁵ Mpɔ, malaéka áɔbɛɗa mbeka á láté ndɔ, áotúmisa n'eká nde ɗátú k'ɛ́tɛ-ɔ́phɛ́ɔ, áomaka ka mokonda gbu! Mpɔ, ɓáoka á mbua áoɓá, eongo, phenua á mbua, na ɓaningina.

Mphaniɔ 8:5 Iomraidhean Croise

Matáyɔ 24:7

Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Monganya na ɓaningina aɓande ka nji ɗanga-ɗanga.

Lóka 12:49

Cɔ, nebiki ka mokonda k'aphe á makea nsa. Nekondi étoɓoɛ ye tɔ.

Ekuma á ɓateki 16:26

Mɔngɔ moci, ɓaningina akpɛ áoɗengisa nsimbiɔ éndu á mekakɔ. Kɛ̌kɛndɔ tɔ, kǐo bui á mekakɔ áoúkukanaga. Ngoi á ngɔa bui ndea ɓato á mekakɔ, áokoɗokanaga.

Ekuma á ɓateki 4:31

Ɓî ɓágɔɓi ye ɛmɛmi, ɔma nde ɓádondanigi aoémanaga. Wa, ɓáotúma ɓɔbu na Měma á kanga ɓojeɗe, mpɔ ɓáɔtɔmiaga nyɔngɔ á Mokonga kángá kɔɓɔɓɔkɔ.

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 11:19

Mbusa, endu ndea Mokonga áoúkukana na koba, sanduku á iyɔnga áɔsɛnɛka. Mpɔ, phɛnua á mbua, ndu, ɓáoka á mbua, ɓaningina na mbua ángbó á matanda áoɓá ɓei.»

Mphaniɔ 4:5

Ka kankaanga á koɓoamɛ ndɔ, ɗáojuana phenua, gbungbua, na ɓaoka á mbua. Mosá á kankaanga á koɓoamɛ ndɔ, ɔbɛa ngianjaga iɓɛ (7) á koola ɗáɔbɛnya, n'ande Měma ngianjaga iɓɛ (7) ndea Mokonga.

Mphaniɔ 6:12

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ngianjaga (6), ɓaningina akpɛ phɛɛ áoɓá, maní áoinda ɓea bɔngɔ á kekusa, songe áotaneaga ɓea magia.

Mphaniɔ 8:3

Malaéka ndea Mokonga ɓaangbo áobika, áomama gǔ ɛ́tɛ-ɔ́phɛ́ɔ, n'abɛɗi mbeka na ɓáconji na láté. Ɓáomopha nkoki ásii, ásiɗisɛ ú gǔ ɛ́tɛ-ɔ́phɛ́ɔ, ka gea maki í átaiɛ mosá á Mokonga. Nndɔ ande aphe moci á mɛma á Mokonga ka phɔa á ɓato á kanga ɓojeɗe ɓɔbu.