Mphaniɔ 8:2 - Ɔngana á Kɛ̌kɛ

² Mpɔ, nɛ́ɔ̌ɓɔna ɓamalaéka ndea Mokonga ngianjaga iɓɛ (7) na ɓámamege mosá á Mokonga, ɓáǒɓopha mbengu ngianjaga iɓɛ (7).

Mphaniɔ 8:2 Iomraidhean Croise

Matáyɔ 18:10

Cɔ, ɛ́ngɛphani! Ɓókomɓɛnjiɛgɛmbɛ ka ɓaniki ábɔbɔa ndɔɔ, ka nyɔngɔ nde, nenóngoɗi ɗoni gea, ɓamalaéka nɛɓɔ ɓá tɔ esa bui mosá á Abɛ na koba. [

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Lóka 1:19

Malaéka áonsikisia: «Eme nende Gabiliɛ́li, neomamaga mosá á Mokonga ka bɛɗaneaga akɛ. Yɛ, aámbé amoteki ka ngoɗea akɔ nyɔngɔ ánjá ndee.

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

1 Ɓakɔlítɔ 15:52

ka mbenɔ moci ɓea nkpa n'aogbeɗua, ɓî ɓásúande mbengu á sungiaga. Nga, ɓɛɔ́kande ɛsɔ á mbengu, ɓasí ɓɔbu ɓájujukande ka kukuwa, ɓáoɓá na nyama, nnde kákuwɛku. Ɓesu ɓɔbu ɓěgaiande.

1 Ɓatɛsalɔníka 4:16

Nga, ɓɛɔ́kande ɛsɔ ángbó, á mɔphani, ɛsɔ á malaéka, n'ɛsɔ á mbengu ndea Mokonga. Mpɔ, Mɔkɔta sasakɛ atókande na koba, áodida. Mbusa, ɓakpa nde ɗáɓásí na ɗáɓámɓeeki Kiísito, ɓájujukande ka kukuwa mosá-mosá.

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 15:1

Mbusa, nɛ́ɔɔna mphangiɔ ángbó á ketangaɔ na koba: Ɓamalaéka ndea Mokonga ngianjaga iɓɛ (7) na tambaga ngianjaga iɓɛ (7) á sungiaga. Tambaga ndɔ ɗátú á sungiaga ka gɔɓa ésúia ndea Mokonga.

Mphaniɔ 16:1

Mpɔ nɛ́ɔɔ́ka ɛsɔ akpɛ n'atóki k'éndu á Mokonga áǒgea ɓamalaéka ndea Mokonga ngianjaga iɓɛ (7) te: «Gǎni, ɓóɗukiɛ ka mokonda cǎ ngianjaga iɓɛ (7) ésúia ndea Mokonga.»

Mphaniɔ 8:13

Nê goto ɔɔna na ɔ́ka ndu á yaa á ndia ka mpɛna phɛɛ, n'aɔyɔnga akpɛ te: «Ngomi ee! Ngomi ee! Ka ɓato á ka mokonda! Ngomi ka ɓɔ mbenɔ nde ɓamalaéka ndea Mokonga ɓunɛngbo ɓasaɔ ɓágeande ɓásuɛ mbengu nɛɓɔ.»

Mphaniɔ 8:6

Mbusa, ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi mbengu ngianjaga iɓɛ (7), ɓáɔ̌ɓɔngisaga ka sua í.

Mphaniɔ 9:1

Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.