Mphaniɔ 8:13 - Ɔngana á Kɛ̌kɛ

¹³ Nê goto ɔɔna na ɔ́ka ndu á yaa á ndia ka mpɛna phɛɛ, n'aɔyɔnga akpɛ te: «Ngomi ee! Ngomi ee! Ka ɓato á ka mokonda! Ngomi ka ɓɔ mbenɔ nde ɓamalaéka ndea Mokonga ɓunɛngbo ɓasaɔ ɓágeande ɓásuɛ mbengu nɛɓɔ.»

Mphaniɔ 8:13 Iomraidhean Croise

Ɓaɛbulanía 1:14

Cɔ, ɓamalaéka ɓánde ɓaani? Ɓɔbu ɓá tɔ ɔmbɛɗaneaga Mokonga. Yɛ aǒteka ka enga ɓakpa nde ɓátɔande ɓoamia á ka měma.

Mphaniɔ 11:14

Cɔ, tambaga á ko iɓɛ anyɛ́nyi. Nnde á ko isaɔ a ye tɔ bíbí á bika.

Mphaniɔ 12:12

Kaɓondɔ, maseye áɓɛ na koba, ɓáni n'iyoma ɓunde ɓoiki na koba. Ande gǎkɛ ngomi ka mokonda n'oɓenge! Ka nyɔngɔ nde, Sɛtáni adidi ko. Yɛ, atúmi n'esúia nga, aúbi gea, mbenɔ nɛkɛ nna ye ásii.»

Mphaniɔ 14:3

Ɓakpa ɛlɛphu mia moci nkama gena na gena (144.000) ndɔ ɗáɓáoemba embɔ á kɛ̌kɛ mosá á kankaanga á Mokonga na mosá á econji gena nde aoenda na mosá á ɓagbɛga. Nna na nkpa nde ɗátɔki goaga embɔ ndɔ, na nna tɔndɔ ɓakpa ɛlɛphu mia moci nkama gena na gena (144.000) ɓunde ɗáɓěsombi ka mokonda.

Mphaniɔ 14:6

Mbusa, nɛ́ɔmɔna malaéka ndea Mokonga ɓaangbo n'aoyaa ka mpɛna phɛɛ. Ɗábiki ɔtɔmia Mbino-Ánjá á Mɛyɔ ka ɓakpa ɓɔbu á ka mokonda, ka nji bui, ekuna bui, etéte á ɛyɔngi bui, na ketoto bui.

Mphaniɔ 19:17

Mbusa, Nɛɔmɔna malaéka ndea Mokonga moci n'amame ka maní. Áǒkogea akpɛ ɓambǔ ɓɔbu ɓunde ɗáɓáoyaa ka mpɛna k'égo phɛɛ te: «Bikani, ɓódondanɛgɛ ka jaí ángbó ndea Mokonga.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 8:2

Mpɔ, nɛ́ɔ̌ɓɔna ɓamalaéka ndea Mokonga ngianjaga iɓɛ (7) na ɓámamege mosá á Mokonga, ɓáǒɓopha mbengu ngianjaga iɓɛ (7).

Mphaniɔ 9:1

Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.

Mphaniɔ 9:12

Cɔ, nyɔngɔ á ngomi á k'ama mosá-mosá, anyɛ́nyi, mbusa í, iɓɛ abikande goto.