Mphaniɔ 8:10 - Ɔngana á Kɛ̌kɛ

¹⁰ Malaéka ndea Mokonga ɓa ko ɓasaɔ áosúa mbengu. Sɛɛngɔa angbóngbó n'aǒtoɓoaga ɓea ɛɛmbɛ á nsa, áogua n'atóki na koba. Áogua ka phaeka isaɔ á ɔɓa na ntogɔ.

Mphaniɔ 8:10 Iomraidhean Croise

Matáyɔ 25:1

Koɓoamɛ á na koba aɓande ɓea eganí á ɓaseka nkama (10) ɓundɔ ɗáɓábɛɗi ɔbɛa nɛɓɔ ka gǎ dondanisa á mǒko éyamani.

Lóka 10:18

Mpɔ, Yéso áǒgea: «Ɗɛ́mɔni Sɛtáni n'agú ka toka na koba ɓea phenua á mbua.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).

Mphaniɔ 12:4

Moci ka isaɔ á ɓasɛɛngɔa, nkondo á njɔka angbóngbó ndɔ, áoɓota, áomaka ú ka mokonda. Yɛ, áomama mosá á nke á ɓoaé ka ɓondea miá á mɔɛmba mbenɔ nde aɓɔkɔtɛanande.

Mphaniɔ 14:7

Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 16:4

Malaéka ndea Mokonga ɓa ko ɓasaɔ, áoɗukia nɛkɛ cǎ ésúia ndea Mokonga ka ɔɓa na ka ntoɔ á iɓo. Aǒgaia magia.

Mphaniɔ 6:13

Ɓasɛɛngɔa ɓáogua ka oɗo ka toka na koba ɓea mbuka á me mtini na kámɔtimbɛ nnde sumbu aoemisaga me í.

Mphaniɔ 8:7

Malaéka ndea Mokonga ɓa k'ama mosá-mosá áosúa mbengu. Mpɔ, mbua á matanda á nsa, nnde adaɗokeani na magia, ɓáomaka ka mokonda. Phaeka moci á isaɔ á mokonda áɔɛkɛkanaga, phaeka moci á isaɔ á ɓame áɔɛkɛkanaga, na kasa bui á dɛka â phɔtɔ ɔɛkɛkanaga.

Mphaniɔ 9:1

Mbusa, malaéka ɓa ko ɓɔku, áosúa mbengu. Nɛ́ɔɔna sɛɛngɔa moci n'atóki na koba, áogua ka mokonda. Ɗáɓámophi yɛ phembekete á etia á mininga.

Mphaniɔ 9:15

Ɓáǒkoɗa ɓamalaéka ndea Mokonga gena ndɔ, ɓunde ɗáɓěɓɔngisigi ka mbenɔ, esa, songe na saga gea te, ɓaémɛ phaeka moci ka isaɔ á ɓakpa.

Mphaniɔ 9:18

Phaeka moci ka isaɔ á ɓakpa, ɓáokuwa ka nyɔngɔ á tambaga isaɔ ndɔɔ: ɛɛmbɛ, maki, na mpusu á ɔmiɔ nnde ɗáotóka k'aphenɔkɔ á ɓamponda ndɔɔ.