Mphaniɔ 8:1 - Ɔngana á Kɛ̌kɛ

¹ Mbenɔ nde Muna-Mɔgɔgɔ ɗákoɗigi ngoi á mutúti á ko ngianjaga iɓɛ (7), koba áodakana phio! Ka gbútuka á mbenɔ moci.

Mphaniɔ 8:1 Iomraidhean Croise

Matáyɔ 27:66

Ɓáoga ka bóta, ɓáoamba ú, mbusa ɓáophembeketea bóta n'etae ángbó, ɓáǒbisa ɓato émani ka amba á bóta ndɔɔ.

Mphaniɔ 5:1

Cɔ, nɛ́ɔɔna ɓuku ka njaga á mǔku á mmbé ɗáiki ka kankaanga á koɓoamɛ. Ɓuku ndɔ, ɗáɓáɗundu ka ngɔngɔ í na suɓi í, na ɓáɓɛti ú na mutúti ngianjaga iɓɛ (7).

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 6:1

Mbusa, Nɛɔmɔna Muna-Mɔgɔgɔ, n'akoɗi ngoi á mutúti á k'ama mosá-mosá ka mutúti ngianjaga iɓɛ (7) ndɔɔ. Wa, nɛ́ɔmɔ́ka ka ɓamakɛlúbi gena ndɔ, n'aɔyɔnga n'ɛsɔ ɓea ɓáoka á mbua: «Bika!»

Mphaniɔ 6:12

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ngianjaga (6), ɓaningina akpɛ phɛɛ áoɓá, maní áoinda ɓea bɔngɔ á kekusa, songe áotaneaga ɓea magia.

Mphaniɔ 6:3

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko iɓɛ, nɛ́ɔmɔ́ka makɛlúbi ɓa ko ɓaɓɛ n'aogea: «Bika!»

Mphaniɔ 6:5

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko isaɔ, nɛ́ɔmɔ́ka makɛlúbi ɓa ko ɓasaɔ n'aogea: «Bika!» Nɛɔmɔna mponda á emani ɓa ko ɓasaɔ n'aphíphí. Mmbé ɗákǎmbi gǔ akɛ ɗábɛɗi kilɔ ka njaga.

Mphaniɔ 6:7

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko gena, nɛ́ɔɔ́ka ɛsɔ á makɛlúbi ɓa ko gena, n'aogea: «Bika!»

Mphaniɔ 6:9

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ɓɔku, nɛ́ɔɔna kusi ɛ́tɛ-ɔ́phɛ́ɔ, měma á ɓakpa nde ɗáɓětenigi ka nyɔngɔ á tɔ̌miaga á Nyɔngɔ á Mokonga, na ka nyɔngɔ á ɗigimisa nde ɓakpa ɗáɓáoɗigimisa ka phɔakɛ.