Mphaniɔ 7:4 - Ɔngana á Kɛ̌kɛ

⁴ Mpɔ, nɛ́ɔɔ́ka mɔɔmba á ɓunde ɗáɓáɓɛti mutúti ndea Mokonga k'éndóndó aɓɔ. Ɗáɓátú ɓakpa ɛlɛphu moci mia gena nkama gena na gena (144.000), k'ékuna bui ndea Ɓaisilaɛ́li.

Mphaniɔ 7:4 Iomraidhean Croise

Matáyɔ 19:28

Yéso áǒngoɗea: «Nenóngoɗi ɗoni gea, mbenɔ nde Muna-Nkpa aikande ka kankaanga á ɓoombia ka mokonda nde abikande, ɓenu íɓunde ɗóɓomoɓǐ, ɓoikande phɔtɔ ka kankaanga nkama na iɓɛ (12) ka tena á nyɔngɔ á ekuna nkama na iɓɛ (12) ndea Isilaɛ́li.

Lóka 14:22

Mbusa, mbɛɗanigi áongoɗea: ‹Mɔkɔta, nɛtɔtɔkisi kema nde otósosí. Cɔ, ɔma a phɔ́tɔ ɓei.›

Lóka 22:30

Ka gea, ɓóeɛgɛ na noa ka mɛja nɛmɔ suɓi á koɓoamɛ nɛmɔ, phɔtɔ ɓoikande ka kankaanga á kɔkɔta ka tena nyɔngɔ á ekuna nkama na iɓɛ (12) á Ɓaisilaɛ́li.»

Ekuma á ɓateki 26:7

Ɓato á k'ékuna nɛsu nkama na iɓɛ (12), ɓáseɓei ɔna á tɔtɔkɛana á mɔkɔ kau. Kaɓondɔ unge, ɓáɔmɛma Mokonga na moíngí keiphe n'esa. Moamɛ Agiípa, nyɔngɔ ndɔ ungɔ Ɓayúda ɓámɔtɔngi kau!

Ɓalɔ́ma 9:27

Isáya áɔɔ́tɔa nyɔngɔ akpɛ ka phɔa Ɓaisilaɛ́li gea: «Nanga Ɓaisilaɛ́li ɓáɓika ɓea mbúme á k'óɓenge, ka ɓɔ moci-moci tɔ ɓáunge ɓáamande ka měma.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

Mphaniɔ 14:1

Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 14:3

Ɓakpa ɛlɛphu mia moci nkama gena na gena (144.000) ndɔ ɗáɓáoemba embɔ á kɛ̌kɛ mosá á kankaanga á Mokonga na mosá á econji gena nde aoenda na mosá á ɓagbɛga. Nna na nkpa nde ɗátɔki goaga embɔ ndɔ, na nna tɔndɔ ɓakpa ɛlɛphu mia moci nkama gena na gena (144.000) ɓunde ɗáɓěsombi ka mokonda.

Mphaniɔ 7:5

Ka ketoto ndea Yúda, ɓunde ɗáɓɛ̌ɓɛti ně, ɗáɓátú ɓakpa ɛlɛphu nkama na ɓaɓɛ (12.000). Ka ketoto ndea Lubɛ́ni, ɓunde ɗáɓɛ̌bɛti ně, ɗáɓátú ɓakpa ɛlɛphu nkama na ɓaɓɛ (12.000). Ka ketoto ndea Gádi ɓunde ɗáɓɛ̌bɛti ně, ɗáɓátú ɓakpa ɛlɛphu nkama na ɓaɓɛ (12.000).

Mphaniɔ 9:16

Mpɔ, ɓáomongoɗea mɔɔmba á ɓato-émani na ɓákǎmbi gǔ á ɓamponda á emani. Ɗáɓátú ɓakpa miliɔni mia iɓɛ (200.000.000).