Mphaniɔ 7:3 - Ɔngana á Kɛ̌kɛ

³ Áǒngoɗea te: «Ɓókotúkatúkɛmbɛ mokonda, n'oɓenge, na ɓame, na ka ɓî ɓɛɓɛtande mutúti k'éndóndó á ɓabɛɗanigi ndea Mokonga nɛsu.»

Mphaniɔ 7:3 Iomraidhean Croise

Matáyɔ 24:22

Atú oɓá Mokonga na kángbîmisi mbenɔ kau, ámbé ka ɓakpa kátóamɛeka. Angbîmisande gǎkɛ ú ka nyɔngɔ á ɓakpa ndɔ ɗáɛsɔmbu.

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 3:33

Mmbé aɓeeki nyɔngɔ nde aɗigimisi, aɓeeki phɔtɔ gea, Mokonga ande nto á ɗoni.

Ɓalɔ́ma 6:22

Kɛ̌kɛnde ɓókó ye ɓakɔɓɛ á ɓojeɗe, ɓo ye ndiu ɓabɛɗanigi ndea Mokonga. Ɓɔɔtɔtɔkisa kema nde aɔmɓɔngɛa Mokonga, sungiaga anu ande enda á mɛyɔ kimoci na Mokonga.

Mphaniɔ 13:16

Nyama ndɔ, áǒsosea ɓakpa ɓɔbu, ɓaniki na ɓagbɛga, ɓatɔi na ɓaúki, ɓakɔɓɛ na ɓunde ɓáná ɓakɔɓɛ gea, ɓábisɛ mphaniɔ kaɓɛ k'éndóndó kaɓɛ ka njaga á mǔku.

Mphaniɔ 13:17

Ka ɓakpa ɗákáɔtɔka somba kaɓɛ sombisa á kema, na nna na mphangiɔ nde ɗátú n'ina á nyama kaɓɛ mɔɔmba nde aingimiani n'ina akɛ.

Mphaniɔ 14:1

Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 14:9

Malaéka ndea Mokonga ɓa ko ɓasaɔ, áǒɓea ɓundɔ ɓaɓɛ á k'ama mosá-mosá, áɔyɔnga k'ɛ́sɔ akpɛ te: «Nkpa buakɛ mmbé aogbúka muanku mosá á nyama na tɔnkɛngɛ nɛkɛ n'ana mphangiɔ k'éndóndó na ka njaga akɛ,

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»

Mphaniɔ 20:4

Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 22:4

Ɓáɔnande keongi akɛ. Ɓáɗunduande ina akɛ k'éndóndó aɓɔ.

Mphaniɔ 6:6

Nɛ́ɔɔ́ka ɓea ɛsɔ n'aotóka sɔsɔɓɛ á ɓamakɛlúbi gena ndɔ, n'aogea: «Kilɔ moci á nganɔ ande ophendɔ á ekuma á esa moci. Kilɔ isaɔ á saíli ande ophendɔ á ekuma á esa moci. Cɔ, ɓókotúkatúkɛmbɛ gǎkɛ gamba na divai.»

Mphaniɔ 7:1

Mbusa á nyɔngɔ ndɔ, nɛ́ɔ̌ɓɔna ɓamalaéka ndea Mokonga gena na ɓámamege nkɛkɛɔ gena á mokonda. Ɗáɓádungi maphopho á ka nkɛkɛɔ gena á ka mokonda ka gea, ka maphopho kasindɛmbɛ ka mokonda, k'óɓenge, na ka ɓame.

Mphaniɔ 7:2

Nɛ́ɔmɔna malaéka ɓaangbo n'aoɗapha nci á n'okomo, n'abɛɗi mutúti ndea Mokonga Mɛyɔ. Áɔyɔnga n'ɛsɔ akpɛ ka ɓamalaéka ndea Mokonga gena ndɔ, ɗáɓěɓophi ɓukpɛkpɛ á túkatúka á mokonda n'oɓenge.

Mphaniɔ 9:4

Ɓáǒngoɗea te, ɓákátúkatúkɛmbɛ ka kasa, ka me ángbóngbó na me ábɔbɔbɔa á ka mokonda. Ɓáetoɛ ndiu tɔndɔ ɓakpa nde, ɓáná na mutúti ndea Mokonga k'éndóndó aɓɔ.