Mphaniɔ 7:2 - Ɔngana á Kɛ̌kɛ

² Nɛ́ɔmɔna malaéka ɓaangbo n'aoɗapha nci á n'okomo, n'abɛɗi mutúti ndea Mokonga Mɛyɔ. Áɔyɔnga n'ɛsɔ akpɛ ka ɓamalaéka ndea Mokonga gena ndɔ, ɗáɓěɓophi ɓukpɛkpɛ á túkatúka á mokonda n'oɓenge.

Mphaniɔ 7:2 Iomraidhean Croise

Matáyɔ 16:16

Simɔ́ni-Pɛ́tɛɛ áonsikisia: «Oɓɛ, onde Kiísito, Muna-Mokonga mmbé aoenda.»

Matáyɔ 26:63

Yéso áɔphɔnga, phioo! Ngbɛga á ɓatoɓeigi-phɛ́a áongoɗea Yéso te: «K'ína á Mokonga mmbé aoenda, ósongoɗea phɔ́ aoɓá n'ɔmɔ̂ Masíya Muna-Mokonga ɗoni.»

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

2 Ɓakɔlítɔ 1:22

Asóbisíí epe nɛkɛ nnde aoɗigimisa gea, ɓende ɓakpa nɛkɛ n'ande Měma á kanga ɓojeɗe suɓi asu nnde ande moéma á kema bubui nde asóbisi.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

Ɓaɛphɛ́sɔ 4:30

Ɓókóɓɛisɛmbɛ Měma á kanga ɓojeɗe nnde Mokonga anophi. Nga, Měma ndɔ unge a ɓea moéma ndea Mokonga ka ɓenu ka koɗaga anu ka ɓojeɗe esa ndɔ abikande.

1 Ɓatɛsalɔníka 1:9

Nga, ɓáɔsɔ́tɔmiaga sasaɓɔ ɓî ɗóɓosósesi ka kiɗia asu mɔtɛ-anu, na ɓî ɗóɓoɗu nkumba ésomba ájeɗe, ɓóǒpháia ka Mokonga, ɓóoɓá ɓabɛɗanigi nɛkɛ. Nga, Mokonga aámbé aoenda mɛyɔ n'ande Mɔkɔta á ɗoni á na koba.

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

Ɓaɛbulanía 12:22

Cɔ, ɓenu, ɓobîmisi ndiu mamba nde ɓáɔɔphana Sayúni, nji ndea Mokonga mmbé aoenda. Ina á nji ndɔ ande Yɛusalɛ́ma nnde á na koba. Ɓamalaéka ɓásii phɛɛ ɓáogua jaí kó.

Mphaniɔ 1:3

Cɔ, maseye ka nkpa nde aotanga ɓuku ndee, maseye ka ɓunde ɓáɔɔ́ka na tɔtɔkisa á nyɔngɔ nde Mokonga ɗáyɔngi, nnde ɓáɗundu wani. Nga, mbenɔ á tɔtɔkɛana á nyɔngɔ ndɔ bui a ye tɔ bíbí.

Mphaniɔ 10:1

Mbusa á wa, Nɛɔmɔna malaéka ɓaangbo akpɛkpɛ, n'aodida ka toka na koba. Egugu n'angbukumi ɓea bɔngɔ, akema n'atimbi mɔ̌ akɛ. Keongi akɛ áophenuaga ɓea maní, ecinji akɛ ɗátú ɓea ngeɔ á nsa.

Mphaniɔ 10:4

Mbusa á ɔ́kɛkana á ɛsɔ á ɓaoka á mbua ngianjaga iɓɛ (7) ndɔ, néogea néɗunduɛ nyɔngɔ ndɔɔ. Nê gǎkɛ ɔɔ́ka ɛsɔ, n'atóki na koba, gea: «Koɗunduɛmbɛ nyɔngɔ ndɔ ɓáoka á mbua ngianjaga iɓɛ (7) ayɔngi, áɓɛ ndiu kema á ɓɔsɔmɛa.»

Mphaniɔ 16:12

Malaéka ndea Mokonga ɓa ko ngianjaga áoɗukia nɛkɛ cǎ ésúia ndea Mokonga k'óɓenge angbóngbó Ɛphuláti, Oɓenge áophúa ka ɗeketa aphɛ nde ɓaamɛ ɓunde ɓátóki n'okomo ɓájabande kau.

Mphaniɔ 5:2

Mpɔ, Nɛɔmɔna malaéka akpɛkpɛ n'aɔyɔnga n'ɛsɔ akpɛ ɓe: «Ani mmbé akeni koɗa á ngoi á mutúti nde na úkuwa á ɓuku ndee?»

Mphaniɔ 8:3

Malaéka ndea Mokonga ɓaangbo áobika, áomama gǔ ɛ́tɛ-ɔ́phɛ́ɔ, n'abɛɗi mbeka na ɓáconji na láté. Ɓáomopha nkoki ásii, ásiɗisɛ ú gǔ ɛ́tɛ-ɔ́phɛ́ɔ, ka gea maki í átaiɛ mosá á Mokonga. Nndɔ ande aphe moci á mɛma á Mokonga ka phɔa á ɓato á kanga ɓojeɗe ɓɔbu.

Mphaniɔ 9:14

Ɛsɔ ndɔ áongoɗea malaéka á ko ngianjaga (6) mmbé ɗátú na mbengu ndɔ gea: «Ókoɗa ɓamalaéka ndea Mokonga gena nde ɓá ka mekakɔ ka motii á oɓenge Ɛphuláti.»

Mphaniɔ 9:4

Ɓáǒngoɗea te, ɓákátúkatúkɛmbɛ ka kasa, ka me ángbóngbó na me ábɔbɔbɔa á ka mokonda. Ɓáetoɛ ndiu tɔndɔ ɓakpa nde, ɓáná na mutúti ndea Mokonga k'éndóndó aɓɔ.