Mphaniɔ 7:16 - Ɔngana á Kɛ̌kɛ

¹⁶ Ɓɔ, ɓákákuwɛku ye na nja. Ɛnyɔta káɛbɛɗɛku ye. Maní káɛɓɛtɛku ye. Ɓákáɛyɔkɛku ye ɓojó.

Mphaniɔ 7:16 Iomraidhean Croise

Matáyɔ 13:21

Nyɔngɔ kau kaɓɛ gǎkɛ na mǐgi suɓi aɓɔ. Ɓá tɔ ǒyamea ka Nyɔngɔ ndɔ ka mbenɔ ábɔa. Aoɓá ka mbenɔ á tambaga na ea á minyɔ ka phɔa Nyɔngɔ á Mokonga, ɓáogua mɔngɔ ímoci.

Matáyɔ 13:6

Ɓî maní aɓɛti akpɛ, áɔɔmɔkakisa ú, áosiɗisa nga, mǐgi í ɗákásɛi.

Matáyɔ 5:6

Maseye ka ɓunde ɓá na nja n'ɛnyɔta á koɗoni, ka nyɔngɔ nde ɓákutande.

Málikɔ 4:17

Aoɓá ka mbenɔ á kpǎ á minyɔ na tambaga ka Nyɔngɔ á Mokonga, ɓâ ndiu okamba ú. Ɓáogua nga, Nyɔngɔ á Mokonga ɗákángisi mǐgi suɓi aɓɔ.

Málikɔ 4:6

Mbenɔ nde maní aɓɛti ye akpɛ, áotoɓoa ú. Mbó kau áɔɔmɔkaka nga, ɗákátú na mǐgi.

Lóka 1:53

Ěkutisi ɓato á nja na kema ánjá, â gǎkɛ ǒjisa ɓatɔi kángá á kema.

Lóka 6:21

Maseye ka ɓenu íɓundɔ ɓookuwa na nja kɛ̌kɛnde nga, ɓokutande. Maseye ka ɓenu íɓunde ɓoogáma kɛ̌kɛnde nga, ɓɔtɛbande.

Yoáni 4:14

Mmbé a ndiu onoa iɓo nde neomopha, kákuwɛku ye tanda n'ɛnyɔta. Nga, iɓo nde neomopha, aɓande suɓi akɛ ɓea ntoɔ nde aophúphutisa enda á mɛyɔ.»

Yakɔ́ɓɔ 1:11

Nga, maní aojuana, áɔmɓɛta me ndɔ akpɛ, mayá na kasa í áɔɔmɔkaka, áotitikana. Ɓonjánja akɛ, áosia. A phɔtɔ ɓó ka ntɔi nga, akuwande n'a phɔ́tɔ suɓi á ekuma nɛkɛ.

Mphaniɔ 21:4

Akɔmbɛande iɓo á ngamɔ bui á k'íso aɓɔ. Kukuwa, oiɔ, ngamɔ, ɛyɔka káɓɛku ye nga, mokonda á kala ɗándǐ.»