Mphaniɔ 7:15 - Ɔngana á Kɛ̌kɛ

¹⁵ Kaɓondɔ unge, Ɓámamege mosá á kankaanga á koɓoamɛ ndea Mokonga. Báɔmbɛɗaneaga keiphe n'esa k'éndu nɛkɛ. Mmbé aiki gǔ á kankaanga á koɓoamɛ ěambande.

Mphaniɔ 7:15 Iomraidhean Croise

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

1 Ɓakɔlítɔ 3:16

Cɔ, ɓókóoúba gea, ɓonde endu ndea Mokonga, na Měma á Mokonga a suɓi anu?

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

Ɓaɛbulanía 12:2

Ɓéntúmiɛni tɔ Yéso n'íso. Yɛ aámbé ande mbomi-aphe na ntɔtɔkisi á ɓeekea nɛsu. Cɔ, ka nyɔngɔ á maseye nde Mokonga ɗámbisíí, aunge ɗáɓeeki kukuwa ka moyangɔ kángá á bisa mɔphɛ akɛ ka soni. Kɛ̌kɛnde, aiki ka njaga á mǔku á kankaanga á kɔkɔta ndea Mokonga.

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

Mphaniɔ 11:19

Mbusa, endu ndea Mokonga áoúkukana na koba, sanduku á iyɔnga áɔsɛnɛka. Mpɔ, phɛnua á mbua, ndu, ɓáoka á mbua, ɓaningina na mbua ángbó á matanda áoɓá ɓei.»

Mphaniɔ 13:6

Nyama ndɔ, áoikia yɔnga á nyɔngɔ ájeɗe-jeɗe ka phɔa Mokonga, áobóma ina akɛ n'ɔma á ɓoiki nɛkɛ na bóma á ɓɔbu ɓunde ɓáiki na koba.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 21:22

Ɗɛ́kɛ́ɔni gǎkɛ endu ɛ́mɛmi ka ntanga-nji ndɔ nga, Mɔkɔta Mokonga, Mɛna-ɓukpɛkpɛ na Muna-mɔgɔgɔ ɓáunge ɓánde ú.

Mphaniɔ 22:3

Ka kema ka Mokonga sɛmɛaga í ka ntanga-nji ndɔ, kaɓɛku ye. Kankaanga á kɔkɔta ndea Mokonga na nnde á Muna-mɔgɔgɔ aɓande suɓi á ntanga-nji ndɔɔ. Ɓabɛɗanigi ndea Mokonga ɓámbebande.

Mphaniɔ 22:5

Keiphe káɓɛeka ye na ɓákáɓɛku ye na siki á owanga á maní n'índe á ɔbɛa nga, Mɔkɔta Mokonga aɛmbisande owanga nɛkɛ gǔ aɓɔ. Ɓámameande nji ka saga na saga.

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 4:8

Ɓamakɛlúbi gena ndɔ, moci-moci áoɓá na kepupe ngianjaga (6), nnde atúmi na iso, gǔ á kepupe na kusi í. Ɓáɔyɔnga keiphe n'esa kángá á ɗeketa gea: «Nto á kanga ɓojeɗe, Nto á kanga ɓojeɗe, Nto á kanga ɓojeɗe, Mɔkɔta Mokonga, Mɛna-ɓukpɛkpɛ, mmbé ɗátú, mmbé a ɓei na mmbé aobika.»

Mphaniɔ 4:9

Ka mbenɔ bui ɓamakɛlúbi ndɔ ɓáombeba, ɓáonɗokomisa, na ɓáonsega mmbé aiki ka kankaanga á koɓoamɛ, n'aoenda mɛyɔ,

Mphaniɔ 7:9

Mbusa á nyɔngɔ ndɔ, nɛ́ɔɔna usɛsɛ ángbó á ɓakpa, nnde nkpa nnaɔtɔka nětangi. Ɓakpa ndɔ ɗáɓátóki ka nji bui, k'ekuna bui, k'ététe á ɓakpa ɓɔbu, na k'ététe á ɛyɔngi bui. Ɗáɓámamege mosá á kankaanga á koɓoamɛ na mosá á Muna-Mɔgɔgɔ. Ɗáɓáɔ́li bɔngɔ éndǎ ábu na ɓábɛɗigi kasa á mbia.