Mphaniɔ 7:1 - Ɔngana á Kɛ̌kɛ

¹ Mbusa á nyɔngɔ ndɔ, nɛ́ɔ̌ɓɔna ɓamalaéka ndea Mokonga gena na ɓámamege nkɛkɛɔ gena á mokonda. Ɗáɓádungi maphopho á ka nkɛkɛɔ gena á ka mokonda ka gea, ka maphopho kasindɛmbɛ ka mokonda, k'óɓenge, na ka ɓame.

Mphaniɔ 7:1 Iomraidhean Croise

Matáyɔ 24:31

Ɛsɔ á mbengu ángbó aɔ́kɛkanande, n'aetekande ɓamalaéka nci gena á ka mokonda: Ɓáedondanisande ɓundɔ Mokonga ɗáɛsɔmbu ka mokonda bui.

Málikɔ 13:27

Mpɔ, áǒteka ɓamalaéka ka nkɛkɛɔ gena á mokonda. Kó, áǒdondanisaga ɓakpa nde aɛsɔmbu. Ande gea, ɓunde aɛsɔmbu ka mokonda bui.

Mphaniɔ 20:8

Yɛ, agande k'aphe á tombaga ɓakpa ɓunde ɓá nkɛkɛɔ gena á mokonda ande gea te: Gogi na Magogi. Aedondanisagande ɓakpa ndɔ ka nyɔngɔ émani na ɓáɓikande ɓea mbúme á k'óɓenge.

Mphaniɔ 6:6

Nɛ́ɔɔ́ka ɓea ɛsɔ n'aotóka sɔsɔɓɛ á ɓamakɛlúbi gena ndɔ, n'aogea: «Kilɔ moci á nganɔ ande ophendɔ á ekuma á esa moci. Kilɔ isaɔ á saíli ande ophendɔ á ekuma á esa moci. Cɔ, ɓókotúkatúkɛmbɛ gǎkɛ gamba na divai.»

Mphaniɔ 7:3

Áǒngoɗea te: «Ɓókotúkatúkɛmbɛ mokonda, n'oɓenge, na ɓame, na ka ɓî ɓɛɓɛtande mutúti k'éndóndó á ɓabɛɗanigi ndea Mokonga nɛsu.»

Mphaniɔ 8:7

Malaéka ndea Mokonga ɓa k'ama mosá-mosá áosúa mbengu. Mpɔ, mbua á matanda á nsa, nnde adaɗokeani na magia, ɓáomaka ka mokonda. Phaeka moci á isaɔ á mokonda áɔɛkɛkanaga, phaeka moci á isaɔ á ɓame áɔɛkɛkanaga, na kasa bui á dɛka â phɔtɔ ɔɛkɛkanaga.

Mphaniɔ 9:14

Ɛsɔ ndɔ áongoɗea malaéka á ko ngianjaga (6) mmbé ɗátú na mbengu ndɔ gea: «Ókoɗa ɓamalaéka ndea Mokonga gena nde ɓá ka mekakɔ ka motii á oɓenge Ɛphuláti.»

Mphaniɔ 9:4

Ɓáǒngoɗea te, ɓákátúkatúkɛmbɛ ka kasa, ka me ángbóngbó na me ábɔbɔbɔa á ka mokonda. Ɓáetoɛ ndiu tɔndɔ ɓakpa nde, ɓáná na mutúti ndea Mokonga k'éndóndó aɓɔ.