Mphaniɔ 6:5 - Ɔngana á Kɛ̌kɛ

⁵ Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko isaɔ, nɛ́ɔmɔ́ka makɛlúbi ɓa ko ɓasaɔ n'aogea: «Bika!» Nɛɔmɔna mponda á emani ɓa ko ɓasaɔ n'aphíphí. Mmbé ɗákǎmbi gǔ akɛ ɗábɛɗi kilɔ ka njaga.

Mphaniɔ 6:5 Iomraidhean Croise

Matáyɔ 24:7

Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Monganya na ɓaningina aɓande ka nji ɗanga-ɗanga.

Mphaniɔ 5:5

Mpɔ, ka ɓagbɛga ndɔ, moci â gǎkɛ omongoɗea: «Kógámɛmbɛ. Ɔna: simba ndea k'ekuna ndea Yúda, nto á k'ɛɓɔkɔti ndea Moamɛ Daúdi, akíndi. Yɛ, akeni na úkuwa á ngoi á mutúti ngianjaga iɓɛ (7) ndɔɔ, na úkuwa á ɓuku.»

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 6:1

Mbusa, Nɛɔmɔna Muna-Mɔgɔgɔ, n'akoɗi ngoi á mutúti á k'ama mosá-mosá ka mutúti ngianjaga iɓɛ (7) ndɔɔ. Wa, nɛ́ɔmɔ́ka ka ɓamakɛlúbi gena ndɔ, n'aɔyɔnga n'ɛsɔ ɓea ɓáoka á mbua: «Bika!»