Mphaniɔ 6:4 - Ɔngana á Kɛ̌kɛ

⁴ Mpɔ, mponda á emani ɓa ko ɓaɓɛ, n'anjɛnjɛ ɓea nsa áokiɗiana. Mmbé ɗákǎmbi gǔ akɛ, ɗáɓámophi píndí ángbó na kɔkɔta á ɓikisa emani ka mokonda gea te, ɓakpa ɓámowanɛgɛ ngǔngu aɓɔ.

Mphaniɔ 6:4 Iomraidhean Croise

Matáyɔ 10:34

«Ɓókokanisiɛ mɔnɔ gea, nebiki ka mokonda k'aphe á bisa ɓujɛjɛ. Kébiki ka aphe á bisa ɓujɛjɛ. Nebiki ndiu ka aphe émani.

Matáyɔ 24:6

Ɓoɔ́kande ndu émani bíbí, na mbino émani á ɗanga. Ɓókoɓángɛ mɔnɔ gǎkɛ. Nga, nndɔ bui akeni átɔtɔkɛanɛ. Káɓɛku gǎkɛ sungiaga á mokonda ungɔ.

Yoáni 19:11

Yéso áonsikisia: «Kóná ka kɔkɔta gǔ ani, na nna tɔndɔ nnde ɓákophi ka toka na koba. Kaɓondɔ unge, nkpa nde amobisi ka njaga akɔ, ɓojeɗe ínɛkɛ anyɛ́nyɛi nɛkɔ.»

Mphaniɔ 12:3

Mpɔ, mphangiɔ nɛngbo áɔsɛnɛka na koba: Njɔka angbóngbó ánjɛ n'ana mɔ̌ ngianjaga iɓɛ (7) na ndeka nkama (10). Mɔ̌ ngianjaga iɓɛ (7) ndɔ bui ɗátú na kekombó moci-moci.

Mphaniɔ 13:10

Kaɓɛ nkpa n'akeni ngia ka mekakɔ, angiande ka mekakɔ. Kaɓɛ nkpa n'akeni kuwa na mɓɛngɛ, akuwande na mɓɛngɛ. Ɓɔndɔ unge akeni ɓato á Mokonga ɓáɓɛ na měma á phiphia á tambaga na ɓeekea.

Mphaniɔ 17:3

Malaéka ndea Mokonga ndɔ, ɗámokumbi ka Měma á Mokonga, áomoga ně ka nkanda. Nɛ́ɔmɔna nke n'aiki gǔ á nyama ánjɛ na ɓáɗundu gǔ akɛ nyɔngɔ á bóma á Mokonga. Nyama ndɔ ɗátú na mɔ̌ ngianjaga iɓɛ (7) na ndeka nkama (10).

Mphaniɔ 17:6

Nɛ́ɔɔna gea, magia á ɓato á kanga ɓojeɗe n'índɔ á ɓunde ɗáɓátú ɓaɗigimisi ndea Yéso ambɛɗi. Ɓî nɛmɔni nke ndɔ, néoyayama phɛɛ.