Mphaniɔ 6:16 - Ɔngana á Kɛ̌kɛ

¹⁶ Ɓáɔyɔnga na mamba, na okanga te: «Ósoguiani, ɔ́sɔsɔmɛani k'íso á mmbé aoika ka kankaanga á koɓoamɛ, na ɔ́sɔsɔmɛani ka esúia ndea Muna-Mɔgɔgɔ.

Mphaniɔ 6:16 Iomraidhean Croise

Matáyɔ 26:64

Mpɔ Yéso áongoɗea te: «O ye yɔngi ú. Nekongoɗi gea, kpanga á kɛ̌kɛnde ɓɔmɔnande Muna-Nkpa n'aiki ka njaga á mǔku á Mɛna-ɓukpɛkpɛ, n'asɛnɛki k'égugu á na koba.»

Málikɔ 3:5

Yéso áǒtimba n'íso áǒenga n'esúia, áoɓá na ɓɔmbɛ ka nyɔngɔ á měma aɓɔ akpɛ. Áongoɗea nɗɔti te: «Cɔ, nanoa njaga akɔ.» Áonanoa njaga akɛ, áoama.

Lóka 23:30

 goto ɔyɔnga, ɓakpa ɓákpangande ngoɗea á mamba gea: ‹Ósóguia!› Na ngoɗea etondoo: ‹Ɔ́sɔ́sɔmɛa!›

Mphaniɔ 10:6

Áɔɔpha k'ína á Mokonga mmbé aoenda mɛyɔ, mmbé aconji koba na kema bui nde ana koba, mmbé aconji mokonda na kema bui nde a ka mokonda, mmbé aconji oɓenge na kema bui nde asuɓi í, na kema nde a suɓi í bui. Malaéka ndea Mokonga ndɔ áɔyɔnga gea: «Mbenɔ nna ye ɓei.

Mphaniɔ 19:15

Píndí á ophea áojuana k'aphenɔkɔ akɛ, nnde amanisande nji ně. Yɛ, amameande nji ka ɓukpɛkpɛ á ngɔa na akámande mbuka ka kasangɔ n'esúia ndea Mokonga Mɛna-ɓukpɛkpɛ bui.

Mphaniɔ 20:11

Mpɔ, nɛ́ɔɔna kankaanga ángbó á kɔkɔta ábu na mmbé ɗáikiɗíí. Koba na mokonda, áondia mosá akɛ kaɔnɛkanɛ ye,

Mphaniɔ 4:2

Kɛ̌kɛndɔ tɔ, Měma á Mokonga áɔmɔgɔna. Nɛ́ɔɔna kankaanga á koɓoamɛ na koba, nkpa n'aiki gǔ í.

Mphaniɔ 4:5

Ka kankaanga á koɓoamɛ ndɔ, ɗáojuana phenua, gbungbua, na ɓaoka á mbua. Mosá á kankaanga á koɓoamɛ ndɔ, ɔbɛa ngianjaga iɓɛ (7) á koola ɗáɔbɛnya, n'ande Měma ngianjaga iɓɛ (7) ndea Mokonga.

Mphaniɔ 4:9

Ka mbenɔ bui ɓamakɛlúbi ndɔ ɓáombeba, ɓáonɗokomisa, na ɓáonsega mmbé aiki ka kankaanga á koɓoamɛ, n'aoenda mɛyɔ,

Mphaniɔ 5:1

Cɔ, nɛ́ɔɔna ɓuku ka njaga á mǔku á mmbé ɗáiki ka kankaanga á koɓoamɛ. Ɓuku ndɔ, ɗáɓáɗundu ka ngɔngɔ í na suɓi í, na ɓáɓɛti ú na mutúti ngianjaga iɓɛ (7).

Mphaniɔ 6:10

Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»

Mphaniɔ 9:6

Cɔ, ka matú ndɔ, ɓakpa ɓákáɓáeka kukuwa, kukuwa káɓɛku ye gǎkɛ. Ɓákondaeka kukuwa, kukuwa ěteande gǎkɛ ɗanga.