Mphaniɔ 6:12 - Ɔngana á Kɛ̌kɛ

¹² Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ngianjaga (6), ɓaningina akpɛ phɛɛ áoɓá, maní áoinda ɓea bɔngɔ á kekusa, songe áotaneaga ɓea magia.

Mphaniɔ 6:12 Iomraidhean Croise

Matáyɔ 11:21

«Ngomi ka ɓato á ka Koajíni! Ngomi ka ɓato á ka Bɛtɛsaída! Nga, ɗátúoɓá ketangaɔ ndɔ ɗágeani mɔtɛ-anu, ɗátú ogeana ka Tílɔ na Sidɔ́na, ámbé ɓakpa á ka nji ndɔ ɗáɓáɔ́li ngɔ́mbɛ á kekusa na bisa á ebǔ ka mɔ̌ aɓɔ ka phangia base gea ɓákěti tambea aɓɔ ájeɗe.

Matáyɔ 24:29

Cɔ, mɔngɔ ímoci mbusa á matú á tambaga, maní aɓande kaiphiɔ, songe kábɛnyɛku, ɓasɛɛngɔa ɓáguande. Na kema ákpɛkpɛ bui nnde á na koba, aɗengande.

Matáyɔ 24:7

Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Monganya na ɓaningina aɓande ka nji ɗanga-ɗanga.

Matáyɔ 27:45

Kpangá ka kantende, keiphe ɗágbukumi mokonda bui ka mbenɔ isaɔ.

Matáyɔ 27:54

Moamɛ á ɓato émani na ɓundɔ ɗáɓátú na yɛ ka amba á Yéso, ɓî ɓáɔni ɓaningina na kema bubui nde ɗágeani, ɓáoɓá na kɔɓɔɓɔkɔ phɛɛ, ɓáogea: «Ɗoni nkpa nde ɗátú Muna-Mokonga ɗoni!»

Matáyɔ 28:2

Mɔngɔ moci, ɓaningina akpɛ áobika nga, malaéka nde ɓa Mɔkɔta ɗádidi ka toka na koba, áobika otiɓa ɛtɛ ndɔ ka mpɛphɛ, áoika gǔ í.

Málikɔ 15:33

Ajú ye ka kantende, keiphe ɗágbukumi mokonda bui ka mbenɔ isaɔ.

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 16:18

Phénua, gbungbua áoɓá, ɓáoka á mbua na ɓaningina akpɛ nde kágeanimbɛ mɔnɔ kpanga ɓî nkpa áɓɛ ka mokonda.

Mphaniɔ 16:8

Mbusa, malaéka ɓa ko gena áoɗukia nɛkɛ cǎ ésúia ndea Mokonga ka maní. Maní áoɓá na ɓukpɛkpɛ á siɗisa á ɓakpa.

Mphaniɔ 8:12

Malaéka ndea Mokonga ɓa ko gena áosúa mbengu. Phaeka moci ka isaɔ á maní, songe na ɓasɛɛngɔa, áǒjujia. Phaeka moci ka isaɔ á maní, na sɛɛngɔa áǒjujia. Phaeka moci ka isaɔ ka owanga ésa na keiphe â phɔtɔ ǒjujia.

Mphaniɔ 8:5

Mpɔ, malaéka áɔbɛɗa mbeka á láté ndɔ, áotúmisa n'eká nde ɗátú k'ɛ́tɛ-ɔ́phɛ́ɔ, áomaka ka mokonda gbu! Mpɔ, ɓáoka á mbua áoɓá, eongo, phenua á mbua, na ɓaningina.