Mphaniɔ 6:10 - Ɔngana á Kɛ̌kɛ

¹⁰ Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»

Mphaniɔ 6:10 Iomraidhean Croise

Lóka 2:29

«Mɔkɔta! Mpɔ ye tɔ eme mbɛɗanigi nɛkɔ ómoɗeketa négɛ ka ɓujɛjɛ. Nga, mɔkɔ nɛkɔ atɔtɔkɛani.

Lóka 21:22

Nga, esa ndɔ aɓáeka esa nde Mokonga agisiande na tɔtɔkisa nyɔngɔ bui nde a suɓi á Ɓuku á Mokonga.

Ɓalɔ́ma 12:19

Ɓadani ékondi, ɓókógisianɛmbɛ ngǔngu anu. Ɗeketani ndiu esúia ndea Mokonga ka gisia nga, Ɓuku á Mokonga agi te: «Eme aámbé nena ekuma á gisia. Eme aámbé negisiande ɓojeɗe.» Mɔkɔta aámbé ayɔngi.

Ɓaɛbulanía 12:24

Ɓombîmisi Yéso, mmbé ande mɔɔnganisi á ɔngana á kɛ̌kɛ. Yɛ aámbé asokosei měma asu na magia akɛ nga, ɗǔkana á magia ndɔ aosóphangia kema ánjá kɔnyɛ́nya magia á Abɛ́li.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

Mphaniɔ 11:18

Ɓato á k'ékuna bui ɗáɓáɓɛí, oɓɛ ǒphangisi gǎkɛ esúia nɛkɔ. A ye tɔ mbenɔ ka tena nyɔngɔ á ɓasí, ɓakpa nde ɓaku ɓâ gǎkɛ oɓá na ɓukpɛkpɛ. Óphenda ɓakpa nɛkɔ á kanga ɓojeɗe, kimɔci na ɓaɔtu-nyɔngɔ nɛkɔ ɓunde ɗáɓákɔbɛɗaneigi phɔtɔ, óphendɛ ɓakpa ɓɔbu, ɓunde ɗáɓáɔkɔɔ́ka, nanga ɓagbɛga na ɓaniki, ande mbenɔ á kɔndɔkisa ɓunde ɓátúkatúki mokonda.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 18:24

Ɓáɔɔna mɔtɛ-akɔ, magia á ɓaɔtu-nyɔngɔ ndea Mokonga, ɓato á kanga ɓojeɗe na á ɓɔbu ɓunde ɗáɓáemowe ka mokonda.

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe: