Mphaniɔ 5:9 - Ɔngana á Kɛ̌kɛ

⁹ Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 5:9 Iomraidhean Croise

Matáyɔ 20:28

Kaɓondɔ unge, eme Muna-Nkpa kébiki ka gea ɓakpa ɓámɔbɛɗaneɛgɛ, nebiki ndiu ka bɛɗaneaga á ɓɔ na bisa á enda ani k'ophendɔ ka amisa á ɓakpa ɓásii.»

Matáyɔ 26:28

nga, nnde ande magia ani, magia á ɔngana nnde aɗǔkani ka nyɔngɔ á ima ɓojeɗe á ɓakpa ɓásii.

Ekuma á ɓateki 20:28

Cɔ, engani tambea anu sasanu n'índe á ɓaɓêki ɓɔbu ɓundɔ Měma á kanga ɓojeɗe anophi ka amba aɓɔ. Ambani kanisa ndea Mokonga nnde ɗásombi na magia akɛ sasakɛ.

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

1 Ɓakɔlítɔ 7:23

Mokonga ɗánósombi k'ésombi akpɛ. Ɓî a ɓó, ɓókoɓɛmbɛ ka kɔkɔɓɛ ndea ɓakpa.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 5:19

Yɔngɛanagani nyɔngɔ nde a suɓi á Jabúi. Embɔ á suɓi á měma, némbeani Mɔkɔta embɔ á ɓuku á Jabúi ka beba akɛ suɓi á měma anu.

Ɓakɔlɔsái 1:14

K'aphe ndea Kiísito aunge Mokonga aími ɓojeɗe nɛsu.

Ɓakɔlɔsái 1:23

Cɔ, Akeni tɔ ɓósuiɛ ɓeekea, ɓóodokoɗeɛ ka měma kángá á ɗeketa á nseɓeɔ nde ɗɔ́ɓɔtɔí mbenɔ nde ɗɔ́ɓɔɔ́ki Mbino-Ánjá. Eme Pɔ́lɔ, nende mbɛɗanigi ka tɔ̌miaga í ka mokonda bui.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 11:14

Cɔ, ɓakpa ɓáɔyɔnga ɓó, ámbé ɓáphangisi base gea ɓáokáɓa nji nde ɓáendande kau ɓea nji nɛɓɔ á ɓɔkɔtɛana.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.

1 Yoáni 2:2

Nga, Yéso sasakɛ ɗěbisi ka phɛ́a ka gea, Mokonga áímɛ ɓojeɗe nɛsu. Nna tɔndɔ ɓojeɗe nɛsu sisasu, phɔtɔ nnde á ka mokonda bui.

Mphaniɔ 10:11

Mpɔ, ɓáomongoɗea: «Akeni ɔ́ɔtɔɛ nyɔngɔ mosá á ɓakpa ɓásii, nji ásii, mosá á ɓato á k'ekuna, ɛyɔngi bui na ɓaamɛ ɓɔbu.»

Mphaniɔ 11:9

Cɔ, ɓakpa ɓɔbu, ɓato á k'ekuna bui, ɛyɔngi bui, na ɓato á ka nji bui, ɓáɔnjiande mǒnda aɓɔ ka esa isaɔ na gbútuka. Ɓákakondɛ úmba á mǒnda aɓɔ.

Mphaniɔ 13:7

Ɗáɓánsosei nyama ndɔ gea te, áemanisɛ ɓato á Mokonga na kínda aɓɔ. Áɔtɔa ɓukpɛkpɛ gǔ ékuna bui, ɓakpa ɓɔbu, etéte á ɛyɔngi bui na nji bui á ka mokonda.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 14:6

Mbusa, nɛ́ɔmɔna malaéka ndea Mokonga ɓaangbo n'aoyaa ka mpɛna phɛɛ. Ɗábiki ɔtɔmia Mbino-Ánjá á Mɛyɔ ka ɓakpa ɓɔbu á ka mokonda, ka nji bui, ekuna bui, etéte á ɛyɔngi bui, na ketoto bui.

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 17:15

Malaéka ndea Mokonga â goto ɔmɔtɔmia gea: «Iɓo ndɔ ɔɔnima, kuɓî nke nde mambɔ ampháki aiki, ande ɓakpa, usɛsɛ á ɓakpa, ɓato á ka mokonda na ɛyɔngi ɗanga-ɗanga.

Mphaniɔ 4:11

«Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»

Mphaniɔ 5:12

Ɗáɓáoemba n'ɛsɔ akpɛ gea: «Muna-mɔgɔgɔ, mmbé ɗáɓámowe, akeni áɓɛ na okuu, ɛtɔi, kɔɓɔɔngɛ na ɓukpɛkpɛ ɓokutú, ɓoombia na obebɔ!»

Mphaniɔ 5:6

Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.