Mphaniɔ 5:6 - Ɔngana á Kɛ̌kɛ

⁶ Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.

Mphaniɔ 5:6 Iomraidhean Croise

Lóka 1:69

Asóphi Namisi angbóngbó k'ékombo ndea mbɛɗanigi nɛkɛ Daúdi.

Yoáni 1:29

Mama í, Yoáni áɔmɔna Yéso n'ambikíí, áogea: «Mmbé ande Muna-Mɔgɔgɔ ndea Mokonga. Yɛ aámbé aophúia ɓojeɗe á ka mokonda.

Yoáni 1:36

Ɗámɔni ye Yéso n'aɔnyɛ́nya áogea: «Cɔ, Muna-Mɔgɔgɔ ndea Mokonga aámbé.»

Ekuma á ɓateki 8:32

Nkpa ndɔ ɗátú otanga k'ɔ́ma nde ɓáɗundu ɓe: «Ɗátú ɓea mɔgɔgɔ mmbé ɓáogaontena, áɔkɔɓa ɓea muna-mɔgɔgɔ mosá á nkpa nde aonkangaɗua. Kayɔngɛ gǎkɛ ka kema.

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.

Mphaniɔ 14:1

Ɓî ɗɛ́nɛɛnji goto, Nɛ́ɔmɔna Muna-Mɔgɔgɔ n'amame gǔ á mamba á Sayúni, kimoci na ɓakpa ɛlɛphu mia moci nkama gena na gena (144.000). Ɗáɓáɗundu ina akɛ n'índe á Abakɛ k'éndóndó aɓɔ.

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 21:22

Ɗɛ́kɛ́ɔni gǎkɛ endu ɛ́mɛmi ka ntanga-nji ndɔ nga, Mɔkɔta Mokonga, Mɛna-ɓukpɛkpɛ na Muna-mɔgɔgɔ ɓáunge ɓánde ú.

Mphaniɔ 21:23

Ntanga-nji ndɔ, ɗákátú na ɓuyɛnɛ á maní na songe nga, ɓophombia ndea Mokonga aunge ɗáojegia na Muna-Mɔgɔgɔ áɔbɛnya ɓea ɔbɛa.

Mphaniɔ 22:1

Mpɔ, malaéka ndɔ, aómophangia oɓenge á enda n'aophénuaga ɓea ngaɛ́, áojuana ka kankaanga ndea Mokonga na Muna-mɔgɔgɔ.

Mphaniɔ 22:3

Ka kema ka Mokonga sɛmɛaga í ka ntanga-nji ndɔ, kaɓɛku ye. Kankaanga á kɔkɔta ndea Mokonga na nnde á Muna-mɔgɔgɔ aɓande suɓi á ntanga-nji ndɔɔ. Ɓabɛɗanigi ndea Mokonga ɓámbebande.

Mphaniɔ 4:8

Ɓamakɛlúbi gena ndɔ, moci-moci áoɓá na kepupe ngianjaga (6), nnde atúmi na iso, gǔ á kepupe na kusi í. Ɓáɔyɔnga keiphe n'esa kángá á ɗeketa gea: «Nto á kanga ɓojeɗe, Nto á kanga ɓojeɗe, Nto á kanga ɓojeɗe, Mɔkɔta Mokonga, Mɛna-ɓukpɛkpɛ, mmbé ɗátú, mmbé a ɓei na mmbé aobika.»

Mphaniɔ 5:11

Ɗɛ́ɔnji, na ɗɛ́ɔ́ki ɛsɔ á usɛsɛ á ɓamalaéka ndea Mokonga ɓunde ɓátimbi kankaanga á koɓoamɛ, na ɓamakɛlúbi ndɔ gena na ɓagbɛga ndɔɔ. Mɔɔmba aɓɔ ɗátú ɛlɛphu na ɛlɛphu, miliɔni na miliɔni.

Mphaniɔ 5:12

Ɗáɓáoemba n'ɛsɔ akpɛ gea: «Muna-mɔgɔgɔ, mmbé ɗáɓámowe, akeni áɓɛ na okuu, ɛtɔi, kɔɓɔɔngɛ na ɓukpɛkpɛ ɓokutú, ɓoombia na obebɔ!»

Mphaniɔ 5:13

Nê phɔtɔ kɔ ɔ́ka ecɔnji bui nde ana koba, ka mokonda, suɓi á oɗo na suɓi á oɓenge, econji bui na ɓáoemba gea: «Ka mmbé aiki ka kankaanga á koɓoamɛ, na ka Muna-mɔgɔgɔ, ambe áɓɛ n'obebɔ, ɓokutú, ɓoombia, na ukuu ka saga na saga!»

Mphaniɔ 5:14

Mpɔ, ɓamakɛlúbi gena ndɔ, ɓáogea: «Áɓɛ ɓó!» Ɓagbɛga ndɔ, ɓáogbúka muanku aɓɔ, ɓáobeba.

Mphaniɔ 6:16

Ɓáɔyɔnga na mamba, na okanga te: «Ósoguiani, ɔ́sɔsɔmɛani k'íso á mmbé aoika ka kankaanga á koɓoamɛ, na ɔ́sɔsɔmɛani ka esúia ndea Muna-Mɔgɔgɔ.