Mphaniɔ 5:5 - Ɔngana á Kɛ̌kɛ

⁵ Mpɔ, ka ɓagbɛga ndɔ, moci â gǎkɛ omongoɗea: «Kógámɛmbɛ. Ɔna: simba ndea k'ekuna ndea Yúda, nto á k'ɛɓɔkɔti ndea Moamɛ Daúdi, akíndi. Yɛ, akeni na úkuwa á ngoi á mutúti ngianjaga iɓɛ (7) ndɔɔ, na úkuwa á ɓuku.»

Mphaniɔ 5:5 Iomraidhean Croise

Lóka 23:28

Mpɔ Yéso áǒpháia nci nde ɓake ɓáɔ, na ngoɗea ɓɔ gea: «Ɓaseka á ka Yɛusalɛ́ma ɓókogámɛmbɛ ka phɔani, ógámeani ndiu ɓɛnu sisanu na ɓaniki nɛnu!

Lóka 7:13

Mɔkɔta Yéso áɔmɔna nke ndɔ, áonkuia ngomi, áongoɗea te: «Kogámɛmbɛ!»

Lóka 8:52

Ɓî ɓakpa ɓɔbu ɗáɓáongámea miki na ika ka kekusa akɛ, Yéso áǒngoɗea: «Ɓókógámɛmbɛ! Nga, káku. A ndiu ka tɔ̌.»

Yoáni 20:13

Ɓamalaéka ndɔ ɓáomúsia Malía: «Nke nde ca! Ekende oogámea?» Áǒsikisia: «Neogáma nga, ɓámphúi Mɔkɔta nɛmɔ. Cɔ, kéoúba ɔma nde ɓámbisi.»

Ɓalɔ́ma 1:3

Mbino ndɔ a ka phɔa anakɛ mmbé ka kokpa akɛ ɗáɓɔkɔtɛani k'ékombo ndea moamɛ Daúdi;

Ɓalɔ́ma 15:12

Isáya ayɔngi phɔtɔ gea: «Ka ɓato á k'ékombo ndea Yɛ́sɛ akiɗianande na motumbɔ á kɔkɔta gǔ á ɓunde ɓáná Ɓayúda. Ɓɔ, ɓábisande nseɓeɔ nɛɓɔ ka yɛ.»

Ɓaɛbulanía 7:14

Eya, Mɔkɔta nɛsu aúbikani gea aɓɔkɔtɛani k'ékuna ndea Yúda, nnde Mósa ɗákayɔngi ka kema ka phɔa í mbenɔ nde ɗáɔyɔnga nyɔngɔ á ɓatoɓeigi-phɛ́a.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.

Mphaniɔ 4:10

ɓagbɛga nkama iɓɛ na gena (24) ndɔ, ɓáogbúka muanku mosá á mmbé aiki ka kankaanga á koɓoamɛ, ɓáombeba mmbé aoenda mɛyɔ. Ɓáophúia kekombó nɛɓɔ mosá á kankaanga, ɓáɔyɔnga gea:

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 5:4

Kaɓondɔ, néogáma phɛɛ ka nyɔngɔ nde, ɗɛ́kɛ́mɔni nkpa nde akeni ka ukuwa á ɓuku ndɔ na ɔnjia á suɓi í.

Mphaniɔ 6:1

Mbusa, Nɛɔmɔna Muna-Mɔgɔgɔ, n'akoɗi ngoi á mutúti á k'ama mosá-mosá ka mutúti ngianjaga iɓɛ (7) ndɔɔ. Wa, nɛ́ɔmɔ́ka ka ɓamakɛlúbi gena ndɔ, n'aɔyɔnga n'ɛsɔ ɓea ɓáoka á mbua: «Bika!»

Mphaniɔ 7:13

Mpɔ, ka ɓagbɛga ndɔ, moci áomúsia: «Cɔ, ɓunde ɓáɔ́li bɔngɔ éndǎndandǎ ábu ɓánde ɓa ani? Ɓátóki wani?»