Mphaniɔ 4:7 - Ɔngana á Kɛ̌kɛ

⁷ Kɛlúbi ɓa k'ama mosá-mosá, ɗákengeani na simba. Mmbé ɓa ko baɓɛ, ɗákengeani na mponjɔ á ngɔmbɛ. Kɛlúbi ɓa ko ɓasaɔ, ɗákengeani na nkpa. Mmbé ɓa ko gena, áokengeana na ndia n'aoyaa.

Mphaniɔ 4:7 Iomraidhean Croise

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

Mphaniɔ 4:6

Mosá á kankaanga á koɓoamɛ ndɔ, ɗátú na kema ɓea oɓenge á kiyɔa, phɔtɔ ɓea ngaɛ́. Suɓi á kankaanga á koɓoamɛ ndɔ na mpɛphɛ í, ɓamakɛlúbi gena, ɓáotimba, na ɓá n'íso mosá na mbusa aɓɔ.

Mphaniɔ 6:3

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko iɓɛ, nɛ́ɔmɔ́ka makɛlúbi ɓa ko ɓaɓɛ n'aogea: «Bika!»

Mphaniɔ 6:5

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko isaɔ, nɛ́ɔmɔ́ka makɛlúbi ɓa ko ɓasaɔ n'aogea: «Bika!» Nɛɔmɔna mponda á emani ɓa ko ɓasaɔ n'aphíphí. Mmbé ɗákǎmbi gǔ akɛ ɗábɛɗi kilɔ ka njaga.

Mphaniɔ 6:7

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko gena, nɛ́ɔɔ́ka ɛsɔ á makɛlúbi ɓa ko gena, n'aogea: «Bika!»