Mphaniɔ 4:6 - Ɔngana á Kɛ̌kɛ

⁶ Mosá á kankaanga á koɓoamɛ ndɔ, ɗátú na kema ɓea oɓenge á kiyɔa, phɔtɔ ɓea ngaɛ́. Suɓi á kankaanga á koɓoamɛ ndɔ na mpɛphɛ í, ɓamakɛlúbi gena, ɓáotimba, na ɓá n'íso mosá na mbusa aɓɔ.

Mphaniɔ 4:6 Iomraidhean Croise

Mphaniɔ 14:3

Ɓakpa ɛlɛphu mia moci nkama gena na gena (144.000) ndɔ ɗáɓáoemba embɔ á kɛ̌kɛ mosá á kankaanga á Mokonga na mosá á econji gena nde aoenda na mosá á ɓagbɛga. Nna na nkpa nde ɗátɔki goaga embɔ ndɔ, na nna tɔndɔ ɓakpa ɛlɛphu mia moci nkama gena na gena (144.000) ɓunde ɗáɓěsombi ka mokonda.

Mphaniɔ 15:2

Nê phɔtɔ ɔɔna kema ɓea oɓenge n'aɔbɛnya ɓea kiyɔa n'adaɗokeani na nsa. Nɛ́ɔ̌ɓɔna ɓundɔ ɗáɓánkíndí nyama, iii akɛ na mɔɔmba á ina akɛ n'amame gǔ á oɓenge á kiyɔa na ɓábɛɗi ɓaphíí ndea Mokonga.

Mphaniɔ 15:7

Ka ɓanyama gena ndɔ, moci áǒɓopha ɓamalaéka ndea Mokonga ngianjaga iɓɛ (7) cǎ ngianjaga iɓɛ (7) á láté n'atúmi n'esúia ndea Mokonga Mɛyɔ.

Mphaniɔ 19:4

Ɓagbɛga nkama iɓɛ na gena (24), na econji á enda gena, ɓáogbúka muanku mosá á Mokonga ka ɗokomisa akɛ ɓî aiki ka kankaanga á koɓoamɛ. Ɓáɔyɔnga: «Mokonga áɓɛ n'obebɔ, áɓɛ ɓó!»

Mphaniɔ 21:11

Ntanga-nji kau áophenuaga ka ɓophombia ndea Mokonga. Owanga á ntanga-nji áoɓá ɓea ɛtɛ á esombi akpɛ, Yáspi nnde áɔbɛnya ɓea ngaɛ́.

Mphaniɔ 21:18

Ɗáɓáphɛ̌ki ɓǔkendu ndɔ na Yáspi. Ntanga-nji sasakɛ áoɓá jǎi á láté n'aophénuaga ɓea ngaɛ́.

Mphaniɔ 21:21

Kǐo nkama na iɓɛ (12) ndɔ ɗátú ɛtɛ nde ɓáɔɔphana nsángá, nkama na iɓɛ (12). Kǐo moci áoɓá nsángá moci. Ntanga-nji áoɓá jǎi á láté n'aophénuaga ɓɛa ngaɛ́.

Mphaniɔ 22:1

Mpɔ, malaéka ndɔ, aómophangia oɓenge á enda n'aophénuaga ɓea ngaɛ́, áojuana ka kankaanga ndea Mokonga na Muna-mɔgɔgɔ.

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 5:11

Ɗɛ́ɔnji, na ɗɛ́ɔ́ki ɛsɔ á usɛsɛ á ɓamalaéka ndea Mokonga ɓunde ɓátimbi kankaanga á koɓoamɛ, na ɓamakɛlúbi ndɔ gena na ɓagbɛga ndɔɔ. Mɔɔmba aɓɔ ɗátú ɛlɛphu na ɛlɛphu, miliɔni na miliɔni.

Mphaniɔ 5:14

Mpɔ, ɓamakɛlúbi gena ndɔ, ɓáogea: «Áɓɛ ɓó!» Ɓagbɛga ndɔ, ɓáogbúka muanku aɓɔ, ɓáobeba.

Mphaniɔ 5:6

Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.

Mphaniɔ 5:8

Mbenɔ nde ɗábɛɗi ɓuku, ɓamakɛlúbi gena na ɓagbɛga nkama iɓɛ na gena (24), ɓáogbúka muanku mosá á Muna Mɔgɔgɔ. Ɓagbɛga ɓɔbu ɓáoɓá na ɓaphíí, na cǎ nde ɓáɓɔngisigi na láté, n'atúmi na nkoki, nnde ande ɛmɛmi ndea ɓato á kanga ɓojeɗe.

Mphaniɔ 6:1

Mbusa, Nɛɔmɔna Muna-Mɔgɔgɔ, n'akoɗi ngoi á mutúti á k'ama mosá-mosá ka mutúti ngianjaga iɓɛ (7) ndɔɔ. Wa, nɛ́ɔmɔ́ka ka ɓamakɛlúbi gena ndɔ, n'aɔyɔnga n'ɛsɔ ɓea ɓáoka á mbua: «Bika!»

Mphaniɔ 6:6

Nɛ́ɔɔ́ka ɓea ɛsɔ n'aotóka sɔsɔɓɛ á ɓamakɛlúbi gena ndɔ, n'aogea: «Kilɔ moci á nganɔ ande ophendɔ á ekuma á esa moci. Kilɔ isaɔ á saíli ande ophendɔ á ekuma á esa moci. Cɔ, ɓókotúkatúkɛmbɛ gǎkɛ gamba na divai.»

Mphaniɔ 7:11

Cɔ, ɓamalaéka ndea Mokonga ɓɔbu ɗáɓátimbi kankaanga á koɓoamɛ ndɔ, ɓáǒtimba ɓagbɛga na ɓamakɛlúbi gena. Ɓáogbúka muanku na ka ɓî endóndó aɓɔ agbondu oɗo mosá á kankaanga á koɓoamɛ, ɓáombeba Mokonga,

Mphaniɔ 7:17

Ka nyɔngɔ nde, Muna-Mɔgɔgɔ, mmbé aiki ka měme á kankaanga á koɓoamɛ, ěambande ɓea mɓondigi-ɓamɔgɔgɔ. Ɛ̌sɔndɔɛande ka ntogɔ á iɓo á ɓoamia. Mokonga akɔmbɛande iɓo á ngamɔ bui á k'íso aɓɔ.»