Mphaniɔ 4:5 - Ɔngana á Kɛ̌kɛ

⁵ Ka kankaanga á koɓoamɛ ndɔ, ɗáojuana phenua, gbungbua, na ɓaoka á mbua. Mosá á kankaanga á koɓoamɛ ndɔ, ɔbɛa ngianjaga iɓɛ (7) á koola ɗáɔbɛnya, n'ande Měma ngianjaga iɓɛ (7) ndea Mokonga.

Mphaniɔ 4:5 Iomraidhean Croise

Matáyɔ 25:1

Koɓoamɛ á na koba aɓande ɓea eganí á ɓaseka nkama (10) ɓundɔ ɗáɓábɛɗi ɔbɛa nɛɓɔ ka gǎ dondanisa á mǒko éyamani.

Matáyɔ 3:11

Eme, neonóɓatisa ka iɓo ka phangia base gea, ɓosagi ɓojeɗe nɛnu. Mmbé a gǎkɛ obika mbusa ani, anoɓatisande na Měma á kanga ɓojeɗe na nsa. Yɛ, amɔnyɛ́nyi ka ɓoombia, kékeni na phúia ɓiato nɛkɛ.

Ekuma á ɓateki 2:3

Mpɔ ɓáɔɔna kema ɓea ɛɛmbɛ á nsa n'ɛ̌sɛnɛkɛi. Ɛɛmbɛ ndɔ áokatanaga, áoika gǔ aɓɔ moci-moci.

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 10:3

Áokoga akpɛ ɓea simba n'aɔgɔuma! Ɓî akogi, ɛsɔ á ɓaoka á mbua ngianjaga iɓɛ (7), áɔɔ́kɛkana.

Mphaniɔ 11:19

Mbusa, endu ndea Mokonga áoúkukana na koba, sanduku á iyɔnga áɔsɛnɛka. Mpɔ, phɛnua á mbua, ndu, ɓáoka á mbua, ɓaningina na mbua ángbó á matanda áoɓá ɓei.»

Mphaniɔ 3:1

Nɗunduia malaéka á ka kanisa ndea ka Sáadi ɓe: Mmbé ana měma ngianjaga iɓɛ (7) á Mokonga na ɓasɛɛngɔa ngianjaga iɓɛ (7) ayɔngi ɓe: Neoúba ekuma nɛkɔ, ne phɔtɔ oúba gea oúbikani te ooenda, na o ye ku gǎkɛ.

Mphaniɔ 5:6

Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.

Mphaniɔ 8:5

Mpɔ, malaéka áɔbɛɗa mbeka á láté ndɔ, áotúmisa n'eká nde ɗátú k'ɛ́tɛ-ɔ́phɛ́ɔ, áomaka ka mokonda gbu! Mpɔ, ɓáoka á mbua áoɓá, eongo, phenua á mbua, na ɓaningina.