Mphaniɔ 4:2 - Ɔngana á Kɛ̌kɛ

² Kɛ̌kɛndɔ tɔ, Měma á Mokonga áɔmɔgɔna. Nɛ́ɔɔna kankaanga á koɓoamɛ na koba, nkpa n'aiki gǔ í.

Mphaniɔ 4:2 Iomraidhean Croise

Matáyɔ 22:43

Yéso áǒgea te: «Ka nyɔngɔ éke nde Měma á kanga ɓojeɗe amphangi Daúdi gea ámɔphanɛ Kiísito, ‹Mɔkɔta› nɛkɛ? Daúdi áogea:

Ɓaɛbulanía 8:1

Cɔ, nyɔngɔ ángbó ka nyɔngɔ ɗanga-ɗanga nde ɓɛyɔngi aungee: Ɓena ngbɛga á ɓatoɓeigi-phɛ́a mmbé a ɓíndɔ ɓetóki ka yɔnga í. Yɛ aámbé aiki ye tɔ na koba ka njaga á mǔku á kankaanga á kɔkɔta á Mokonga Mɛna-ɓukpɛkpɛ.

Mphaniɔ 1:10

Cɔ, ɗátú esa á Mɔkɔta, Měma á Mokonga ɗámɔgɔni, nɛ́ɔɔ́ka ɛsɔ mbusa ani n'akpɛ ɓea ɛsɔ á mbengu.

Mphaniɔ 12:5

Nke ndɔ, áɔmɓɔkɔta miki-mǒko mmbé amameande nji bui na kɔkɔta á ngɔa. Miki ndɔ ɓâ gǎkɛ ontáisa na koba, ɓáombisa bíbí á kankaanga á kɔkɔta ndea Mokonga.

Mphaniɔ 17:3

Malaéka ndea Mokonga ndɔ, ɗámokumbi ka Měma á Mokonga, áomoga ně ka nkanda. Nɛ́ɔmɔna nke n'aiki gǔ á nyama ánjɛ na ɓáɗundu gǔ akɛ nyɔngɔ á bóma á Mokonga. Nyama ndɔ ɗátú na mɔ̌ ngianjaga iɓɛ (7) na ndeka nkama (10).

Mphaniɔ 19:4

Ɓagbɛga nkama iɓɛ na gena (24), na econji á enda gena, ɓáogbúka muanku mosá á Mokonga ka ɗokomisa akɛ ɓî aiki ka kankaanga á koɓoamɛ. Ɓáɔyɔnga: «Mokonga áɓɛ n'obebɔ, áɓɛ ɓó!»

Mphaniɔ 20:11

Mpɔ, nɛ́ɔɔna kankaanga ángbó á kɔkɔta ábu na mmbé ɗáikiɗíí. Koba na mokonda, áondia mosá akɛ kaɔnɛkanɛ ye,

Mphaniɔ 21:10

Mpɔ, Měma á Mokonga áɔmɔgɔna, malaéka ndɔ áomokumba súa ntɔnga á mamba éndǎ phɛɛ. Áomophangia ntanga-nji á kanga ɓojeɗe, Yɛusalɛ́ma, n'aodida ka toka na koba mɔtɛ á Mokonga.

Mphaniɔ 21:5

Cɔ, mmbɔ aiki ka kankaanga á kɔkɔta áɔyɔnga te: «Nɛɓɔngisigi ye tɔ kema bui á kɛ̌kɛ.» Áomongoɗea gea: «Ɗundua nyɔngɔ nde nga, Mbino nɛmɔ aánjá áoɓá á ɗoni á ɗoni.»

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.

Mphaniɔ 4:10

ɓagbɛga nkama iɓɛ na gena (24) ndɔ, ɓáogbúka muanku mosá á mmbé aiki ka kankaanga á koɓoamɛ, ɓáombeba mmbé aoenda mɛyɔ. Ɓáophúia kekombó nɛɓɔ mosá á kankaanga, ɓáɔyɔnga gea:

Mphaniɔ 4:5

Ka kankaanga á koɓoamɛ ndɔ, ɗáojuana phenua, gbungbua, na ɓaoka á mbua. Mosá á kankaanga á koɓoamɛ ndɔ, ɔbɛa ngianjaga iɓɛ (7) á koola ɗáɔbɛnya, n'ande Měma ngianjaga iɓɛ (7) ndea Mokonga.

Mphaniɔ 4:9

Ka mbenɔ bui ɓamakɛlúbi ndɔ ɓáombeba, ɓáonɗokomisa, na ɓáonsega mmbé aiki ka kankaanga á koɓoamɛ, n'aoenda mɛyɔ,

Mphaniɔ 5:1

Cɔ, nɛ́ɔɔna ɓuku ka njaga á mǔku á mmbé ɗáiki ka kankaanga á koɓoamɛ. Ɓuku ndɔ, ɗáɓáɗundu ka ngɔngɔ í na suɓi í, na ɓáɓɛti ú na mutúti ngianjaga iɓɛ (7).

Mphaniɔ 5:13

Nê phɔtɔ kɔ ɔ́ka ecɔnji bui nde ana koba, ka mokonda, suɓi á oɗo na suɓi á oɓenge, econji bui na ɓáoemba gea: «Ka mmbé aiki ka kankaanga á koɓoamɛ, na ka Muna-mɔgɔgɔ, ambe áɓɛ n'obebɔ, ɓokutú, ɓoombia, na ukuu ka saga na saga!»

Mphaniɔ 6:16

Ɓáɔyɔnga na mamba, na okanga te: «Ósoguiani, ɔ́sɔsɔmɛani k'íso á mmbé aoika ka kankaanga á koɓoamɛ, na ɔ́sɔsɔmɛani ka esúia ndea Muna-Mɔgɔgɔ.