Mphaniɔ 4:11 - Ɔngana á Kɛ̌kɛ

¹¹ «Mɔkɔta nɛsu Mokonga, okeni na opha akɔ ɓoombia, ɓokutú, na ɓukpɛkpɛ. Nga, oɓɛ aámbé ɗóconji kema bui, Ka nyɔngɔ á mɔphɛ nɛkɔ aunge, kema bui ɓácɔnji na a ɓei.»

Mphaniɔ 4:11 Iomraidhean Croise

Ekuma á ɓateki 14:15

«Ɓadani, ɓogi ɓondɔ ka ɓo? Ɓe phɔtɔ ɓakpa ɓea ɓenu, ɓekengeani tɔ na ɓenu ka kema bui. Ɓeonóphɛa Mbino-Ánjá ka gea, ɓóɗeketɛ ɗokomisa á kema á jǎi-jǎi, ɓókětiɛ ka Mokonga mmbɔ mɛyɔ, mmbɔ aconji koba, mokonda, oɓenge na kema bubui nde a kau.

Ekuma á ɓateki 17:24

Yɛ ande Mokonga, mmbé aconji mokonda na kema bubui nde a kau. Ande Mɔkɔta á na koba na oɗo. Nnaoika suɓi éndu nde nkpa aphɛ̌ki na njaga.

Ɓalɔ́ma 11:36

Nga, yɛ aámbé ande nconji á kema bui, kema bui aiki ka ɓukpɛkpɛ nɛkɛ na ka phɔakɛ. Obebɔ áɓɛ ka yɛ esa bui! Áɓɛ ɓó.

Ɓaɛphɛ́sɔ 3:9

Ne phɔtɔ óɓúbisa ɓakpa ɓɔbu base kantíti á ɓî Mokonga aɔtɔtɔkisa moangɔ nɛkɛ á ɓɔsɔmɛa. Yɛ Nconji á kema bui ɗásɔ̌mi moangɔ ndɔ kpanga kala.

Ɓaɛbulanía 1:10

Mokonga ɗáyɔngi phɔtɔ: «Ka nkpangeɔ, Mɔkɔta oɓɛ aámbé ɗóconji oɗo, ego ande ekuma á ka njaga akɔ.

Ɓaɛbulanía 1:2

Cɔ, ka ɓ'esa nde á sungiaga, ɗáyɔngi gǎkɛ na ɓesu k'aphe ndea Miki-Mǒko ndeakɛ. Miki ndɔ aámbé yɛ ɗámbisi mɛna-ɓotukɔ á kema bubui, na k'aphe á Miki ndɔ unge Mokonga ɗáconji mokonda bui.

Mphaniɔ 1:6

Kaɓondɔ, áosóbisa ɓato á koɓoamɛ nɛkɛ, na ɓatoɓeigi-phɛ́a ka bɛɗaneaga Abakɛ Mokonga. Cɔ, ɓoombia na ɓukpɛkpɛ, áɓɛ ka Yéso Kiísito ka saga na saga! Áɓɛ ɓó.

Mphaniɔ 10:6

Áɔɔpha k'ína á Mokonga mmbé aoenda mɛyɔ, mmbé aconji koba na kema bui nde ana koba, mmbé aconji mokonda na kema bui nde a ka mokonda, mmbé aconji oɓenge na kema bui nde asuɓi í, na kema nde a suɓi í bui. Malaéka ndea Mokonga ndɔ áɔyɔnga gea: «Mbenɔ nna ye ɓei.

Mphaniɔ 14:7

Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 19:1

Mbusa índɔ, nɛ́ɔɔ́ka ógoma ɓea ógoma á ɓakpa ɓásii na koba áogea: «Obebɔ ka Mokonga nɛsu! Yɛ ande mɛna-ɓoamia, ɓophombia na ɓukpɛkpɛ.

Mphaniɔ 5:12

Ɗáɓáoemba n'ɛsɔ akpɛ gea: «Muna-mɔgɔgɔ, mmbé ɗáɓámowe, akeni áɓɛ na okuu, ɛtɔi, kɔɓɔɔngɛ na ɓukpɛkpɛ ɓokutú, ɓoombia na obebɔ!»

Mphaniɔ 5:2

Mpɔ, Nɛɔmɔna malaéka akpɛkpɛ n'aɔyɔnga n'ɛsɔ akpɛ ɓe: «Ani mmbé akeni koɗa á ngoi á mutúti nde na úkuwa á ɓuku ndee?»

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.