Mphaniɔ 3:8 - Ɔngana á Kɛ̌kɛ

⁸ Neoúba ekuma nɛkɔ. Neoúba gea, o tɔ na ɓukpɛkpɛ ábɔa. Kaɓondɔ unge, neúku kǐo mosá akɔ, nnde nkpa nnaɔtɔka n'aphati, ka nyɔngɔ nde, ɗóambi nyɔngɔ nɛmɔ na ɗókóngani ina ani.

Mphaniɔ 3:8 Iomraidhean Croise

Lóka 12:9

Mmbé amoyé mosá á ɓakpa, nen'yáeka phɔtɔ mosá á ɓamalaéka ndea Mokonga.

Yoáni 15:20

Kanisiani phɔ́ nyɔngɔ nde ɗénóngoɗi gea: ‹Nna na mbɛɗanigi nde, ana ɓoombia kɔnyɛ́nya mɔkɔta nɛkɛ.› Ɓî ɓámotambisigi, ɓánotambisagande phɔtɔ ɓó. Atúoɓá na ɓáambi nyɔngɔ nɛmɔ, ámbé ɓáambande phɔtɔ nɛnu.

Yoáni 17:6

Ɗéúbisi ina akɔ ka ɓakpa íɓunde ɗɔ̌sɔmbu ka mokonda, ômopa. Ɓakpa ndɔ, ɗáɓátú ɓuakɔ, ômopa, ɓáoamba nyɔngɔ nɛkɔ.

Ekuma á ɓateki 14:27

Ɓájú ye na Antiɔkía, ɓáǒdondanisa ɓato á kanisa, ɓáǒngoɗea kema bui nde Mokonga ɗági kimoci na ɓɔ, na ɓî Mokonga aekoɗei phɔtɔ ɓakpa nde ɓáná Ɓayúda aphe á ɓeekea á Mokonga.

1 Ɓakɔlítɔ 16:9

Nga, Mokonga amokoɗei aphe ka bɛɗanaga ekuma ángbó nanga ɓaɓiɓia ɓáɓika.

2 Ɓakɔlítɔ 2:12

Cɔ, ka kiɗia ani ka Tɔ́a ka tɔ̌miaga á Mbino-Ánjá ndea Kiísito, ɗɛ́ɔni gea, Mɔkɔta ɗámokoɗei aphe ka bɛɗanaga kó.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

1 Timɔtɛ́ɔ 5:8

Aoɓá nkpa na káǒamba ɓakpa nɛkɛ na amba phɛɛ ɓato á k'ékombo nɛkɛ, mmbɔ ayé ɓeekea nɛkɛ. Kaɓondɔ, yɛ ande nkpa ájeɗe phɛɛ kɔnyɛ́nya mmbé káɓeeki.

2 Timɔtɛ́ɔ 4:7

Ɗémani emani ánjá, ɗéjú ka sungiaga á njoko á gǎ mbangɔ, ɗéambi ɓeekea nɛmɔ.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 22:7

Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»

Mphaniɔ 3:1

Nɗunduia malaéka á ka kanisa ndea ka Sáadi ɓe: Mmbé ana měma ngianjaga iɓɛ (7) á Mokonga na ɓasɛɛngɔa ngianjaga iɓɛ (7) ayɔngi ɓe: Neoúba ekuma nɛkɔ, ne phɔtɔ oúba gea oúbikani te ooenda, na o ye ku gǎkɛ.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 3:15

Neoúba ekuma nɛkɔ na neoúba gea, kó adɛdɛ̌, kó ajó. Atókeni óɓɛ adɛdɛ̌, kaɓɛ ajó!

Mphaniɔ 3:7

Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe: