Mphaniɔ 3:7 - Ɔngana á Kɛ̌kɛ

⁷ Nɗunduia malaéka á kanisa ndea ka Philadɛlphía ɓe: Mmbé ande nto á kanga ɓojeɗe na nto á ɗoni, mmbé ana múkuiyɔ ndea moamɛ Daúdi, mmbé áoúkua, nkpa katɔkɛ phatia na aophatia, nkpa katɔkɛ úkua, ayɔngi ɓe:

Mphaniɔ 3:7 Iomraidhean Croise

Matáyɔ 16:19

Nekophande phembekete á koɓoamɛ á na koba. Kema bui nde oyánde ka mokonda, ɓáyánde ú na koba. Kema bui nde ooɓeekea ka mokonda, ɓáɓeekeande phɔtɔ ú na koba.»

Matáyɔ 24:35

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Málikɔ 1:24

áogea: «Yéso ɓa Najalɛ́ti ekende ɓeogi ně? Obiki kosótindisa? Neokoúba, onde Nto á kanga ɓojeɗe ndea Mokonga.»

Lóka 1:32

Aɓande na ɓoombia. Ɓámɔphanande phɔtɔ Muna-Mokonga Mmbé ana kɔkɔta bui. Mɔkɔta Mokonga amophande phɔtɔ koɓoamɛ ndea tatakɛ Daúdi.

Lóka 4:34

«Hoo! Yéso ɓa Najalɛ́ti ekende ɓeogi ně? Obiki kosótindisa? Neokoúba, onde Nto á kanga ɓojeɗe ndea Mokonga.»

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ekuma á ɓateki 3:14

ɗóɓon'yé Yéso, nto á kanga ɓojeɗe na nto á koɗoni ndɔ, ɓóokonda gea, ɓánkoɗɛ kanu nto á kaiso.

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 1:18

Nende nkpa nde neoenda. Ɗéku, cɔ, kɛ̌kɛnde ne gǎkɛ oenda ka saga na saga. Nɛbɛɗi phembekete á kukuwa na nnde á nji á ɓasí.

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 16:7

Mpɔ, nɛ́ɔɔ́ka ɛsɔ n'atóki k'ɛ́tɛ-ɔ́phɛ́ɔ áɔyɔnga te: «Eya, Mɔkɔta Mokonga Mɛna-ɓukpɛkpɛ, ootena nyɔngɔ ánjá kángá oɓayɔ.»

Mphaniɔ 19:11

Mpɔ, nɛ́ɔɔna koba n'akoɗokani. Phalási abúbú áɔsɛnɛka. Mmbé akǎmbi gǔ akɛ ɓáɔmɔphana Mɓêki na Nto á ɗoni nga, aotena nyɔngɔ na mana ka koɗoni.

Mphaniɔ 19:2

Aotena nyɔngɔ ka koɗoni kángá oɓayɔ. Atenima nyɔngɔ á nke á iɛɓɛ akpɛ mmbé ɗátoɓu mokonda na iɛɓɛ nɛkɛ. Áogisia nyɔngɔ á magia á ɓabɛɗanigi nɛkɛ ka nke ndɔɔ.»

Mphaniɔ 2:1

Nɗunduia malaéka á kanisa á ka Ɛphɛ́sɔ ɓe: Mmbé ɛ̌bɛɗi ɓasɛɛngɔa ngianjaga iɓɛ (7) ka njaga akɛ á mǔku, n'aotamba sɔsɔɓɛ á tɛta á ɔbɛa ngianjaga iɓɛ (7) á láté ayɔngi ɓe:

Mphaniɔ 21:5

Cɔ, mmbɔ aiki ka kankaanga á kɔkɔta áɔyɔnga te: «Nɛɓɔngisigi ye tɔ kema bui á kɛ̌kɛ.» Áomongoɗea gea: «Ɗundua nyɔngɔ nde nga, Mbino nɛmɔ aánjá áoɓá á ɗoni á ɗoni.»

Mphaniɔ 3:14

Nɗunduia malaéka á ka kanisa ndea ka Laɔdikía ɓe: Mmbé ɓáɔmɔphana Áɓɛ ɓó, nɗigimisi nde akeni na mmbé ande ɗoni, nkpangeɔ á kema bui nde Mokonga ɗáconji ayɔngi ɓe:

Mphaniɔ 4:8

Ɓamakɛlúbi gena ndɔ, moci-moci áoɓá na kepupe ngianjaga (6), nnde atúmi na iso, gǔ á kepupe na kusi í. Ɓáɔyɔnga keiphe n'esa kángá á ɗeketa gea: «Nto á kanga ɓojeɗe, Nto á kanga ɓojeɗe, Nto á kanga ɓojeɗe, Mɔkɔta Mokonga, Mɛna-ɓukpɛkpɛ, mmbé ɗátú, mmbé a ɓei na mmbé aobika.»

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 6:10

Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»