Mphaniɔ 3:4 - Ɔngana á Kɛ̌kɛ

⁴ Cɔ, o gǎkɛ na ɓakpa ɓuangbo ka Sáadi, ɓunde ɓákájɔɔkisi bɔngɔ ɓó. Ɓɔ ɓáunge ɓátambande kimoci n'eme na ɓáɔ́li bɔngɔ-ábu nga, ɓákeni ně.

Mphaniɔ 3:4 Iomraidhean Croise

Matáyɔ 10:11

Aoɓá na ɓokiɗi ka ntanga-nji moci, kaɓɛ nji, nkaɓani nkpa nde anóseseande na ikani mɔtɛ-akɛ na ka ɓî ɓɔmɛande.

Málikɔ 16:5

Mpɔ, ɓáongia suɓi á bóta, ɓáɔmɔna moganda moci n'aiki ka njaga á mǔku, n'aɔ́li ngɔ́mbɛ ábu. Ɓáoyayama.

Lóka 20:35

Ɓakpa nde ɓákeni jujúka ka kukuwa ka matú ndɔ aobika, ɓǒko ɓákáeɓukɛku ye ɓake na ɓake ɓákáɔmanɛku ye.

Lóka 21:36

Cɔ, ɓókóɗɛmbɛ. Mɛmani Mokonga ka mbenɔ bui. Kaɓondɔ, ɓoɓande na ɓukpɛkpɛ á oloka nyɔngɔ bui nde akiɗianande, mpɔ ɓômama mosá ani eme Muna-Nkpa.»

Ekuma á ɓateki 1:15

K'ésa ndɔ, ɓaɓêki nde ɗáɓádondanigi, ɗáɓátú ɓea ɓakpa mia moci nkama-iɓɛ (120). Mpɔ, Pɛ́tɛɛ áoma sɔsɔɓɛ aɓɔ, áǒgeae:

2 Ɓatɛsalɔníka 1:5

Tambaga ndɔ aoúbisa base gea, Mokonga ande nteni-nyɔngɔ kángá oɓayɔ. Nga, ka nyɔngɔ á phiphia anu tambaga ndɔ unge ɓokeni na ngia ka koɓoamɛ nɛkɛ nnde ɓootambaga ka nyɔngɔ í.

Yúda 1:23

Óamisani ɓuangbo na nsa. Ɓunɛngbo goto, ókuiani ngomi índɔ ana kɔɓɔɓɔkɔ. Ɓókodungɛmbɛ ka ngɔ́mbɛ á ka nyama aɓɔ, ka nyɔngɔ nde a ye jɔɔkani n'ekuma nɛɓɔ ájeɗe.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 11:13

Ka mbenɔ ndɔ tɔ, ɓaningina akpɛ, áoɗengisa nji ndɔɔ. Phaeka á ko iɓɛ á ntanga-nji áɔngbɔɔkanaga, ɓakpa ɛlɛphu ngianjaga iɓɛ (7.000) ɓáosia ka nyɔngɔ á ɓaningina ndɔɔ. Ɓakpa nde ɓájigi, ɓáoɓá na kɔɓɔɓɔkɔ phɛɛ, ɓáonɗokomisa Mokonga, mmbé ana koba.

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.

Mphaniɔ 19:14

Ekombo á ɓato émani á na koba, ɓáomɓea na ɓákǎmbi gǔ á ɓaphalási ɓábúbú na ɓáɔ́li bɔngɔ ánjá na abúbú.

Mphaniɔ 19:8

Ɓáomopha bɔngɔ ánjá phɛɛ ka ɔ́la í, n'aophenuaga.» [Bɔngɔ ndɔ, ande mphangiɔ á tambea ánjá ndea ɓato á kanga ɓojeɗe.]

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.

Mphaniɔ 3:5

Mmbé akíndande, ɓámɔ́lisande bɔngɔ-ábu. Kéímɛku tanda ina akɛ ka ɓuku á enda. Neɓeekeande mosá á Abɛ na ɓamalaéka ndea Mokonga nɛkɛ gea, ande nkpa nɛmɔ.

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 6:11

Ɓâ gǎkɛ ǒɓopha nkpa na nkpa bɔngɔ éndǎ ábu, ɓáǒngoɗea te, ɓáɓondeɛ phɔ́ ka mbenɔ ábɔa na ka ɓî mɔɔmba á ɓadaɓɔ ɓabɛɗanigi na ɓana-amaɓɔ íɓunde ɓásiande ɓea ɓɔ, akpeengeanande.

Mphaniɔ 7:9

Mbusa á nyɔngɔ ndɔ, nɛ́ɔɔna usɛsɛ ángbó á ɓakpa, nnde nkpa nnaɔtɔka nětangi. Ɓakpa ndɔ ɗáɓátóki ka nji bui, k'ekuna bui, k'ététe á ɓakpa ɓɔbu, na k'ététe á ɛyɔngi bui. Ɗáɓámamege mosá á kankaanga á koɓoamɛ na mosá á Muna-Mɔgɔgɔ. Ɗáɓáɔ́li bɔngɔ éndǎ ábu na ɓábɛɗigi kasa á mbia.