Mphaniɔ 3:17 - Ɔngana á Kɛ̌kɛ

¹⁷ Ɔɔyɔnga gea: ‹Nende ntɔi, néosikia néɓá ntɔi, kéna ka siki á kema›, kángá uba sasakɔ gea, onde nto á ɓuyɛnɛ, nto á ngomi, múki, keíme-íme na ndumbu.

Mphaniɔ 3:17 Iomraidhean Croise

Matáyɔ 5:3

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Matáyɔ 9:12

Ɓî Yéso aɔ́ki ɓó, áǒsikisia te: «Ɓakpa nde ɓánáosamba ɓáná na siki á nsaku. Ɓunde ɓáosamba ɓáunge ɓána siki akɛ.

Lóka 1:53

Ěkutisi ɓato á nja na kema ánjá, â gǎkɛ ǒjisa ɓatɔi kángá á kema.

Lóka 6:24

Ngomi ka ɓenu ɓatɔi! Nga, ɓo ye tɔí ɓonjánja ínɛnu bui.

Ɓalɔ́ma 11:20

Eya a ɓó! Mokonga ɗáetenigi ka nyɔngɔ á kanga ɓeekea nɛɓɔ. Oɓɛ oiki gǎkɛ súa ka nyɔngɔ á ɓeekea. Kǒbebɛmbɛ, ɓá ndiu na ɓánga.

Ɓalɔ́ma 11:25

Cɔ, ɓaya, nekondi úbisa anu moangɔ á ɓɔsɔmɛa ndea Mokonga ka gea, ɓóúbɛ gea ɓókó ɓato á kɔɓɔɔngɛ. Nga, Ɓaisilaɛ́li ɓuangbo ɓáikande kángá á ɓeekea. Nndɔ aiphiande na ka ɓî mɔɔmba á ɓakpa ɓunde ɓáná Ɓayúda ɓáamande ka měma.

Ɓalɔ́ma 12:3

Ka ɓeana na ɓonjánja-ékondi nde Mokonga ɗámopi, aunge nenóngoɗi ɓenu ɓɔbu gea, ká ɓenu kaɓɛmbɛ něɗokomisa phɛɛ, nkpa na nkpa áɓɛ ndiu na měma á ɛngɛpha ka ɓeana na keɓu á ɓeekea nde Mokonga ɗángabei.

Ɓalɔ́ma 7:24

Ngomi ani eme nto á ɓuyɛnɛ ee! Ani mmbé amoamisande na nyama á kukuwa ndee?

2 Pɛ́tɛɛ 1:9

A gǎkɛ oɓá nkpa na nna na kema ndɔ, ande gea, nnaɔɔnapha ánjá, a ɓea keíme-íme, aɓosei gea, ɗáɓásokosei ɓojeɗe nɛkɛ á kala.

Mphaniɔ 16:15

«Cɔ, ɔ́kani, nebiki ɓea nkukuɓa. Maseye ka mmbé aɔphɛa tɔ̌ na ámbá bɔngɔ nɛkɛ, kágɛku ndúmbú na kuwa na soni mosá á ɓakpa.»

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 3:16

Cɔ, ka nyɔngɔ nde kó ajó, kó adɛdɛ̌, o áɔmbɔɔmbɔɔ, nɛkɔɔkagande k'aphenɔkɔ ani.