Mphaniɔ 3:1 - Ɔngana á Kɛ̌kɛ

¹ Nɗunduia malaéka á ka kanisa ndea ka Sáadi ɓe: Mmbé ana měma ngianjaga iɓɛ (7) á Mokonga na ɓasɛɛngɔa ngianjaga iɓɛ (7) ayɔngi ɓe: Neoúba ekuma nɛkɔ, ne phɔtɔ oúba gea oúbikani te ooenda, na o ye ku gǎkɛ.

Mphaniɔ 3:1 Iomraidhean Croise

Lóka 15:24

Nga, miki nɛmɔ atóku mɔnɔ, ajujúki gǎkɛ ka kukuwa. Ɗáɓúngigi mɔnɔ, nɛmɔni gǎkɛ.› Mpɔ, ɓáokpanga gúa á jaí.

Lóka 15:32

Akeni ɓéguɛ jaí na ɓéɓɛ na maseye ka nyɔngɔ nde, mɔtɔ akɔ atóku mɔnɔ, ajujúki gǎkɛ ka kukuwa. Atóɓúngigi mɔnɔ, nɛmɔni gǎkɛ.›»

Yoáni 1:16

Eya, ɓî Moyo atúmi na ɓonjánja, áosogabea ɓesu ɓɔbu ka ɓonjánja kau, ɓonjánja ndɔ, áoɓika suɓi asu phɛɛ.

Yoáni 1:33

Cɔ, ɗékémúbi mosá á dida á Měma ndɔ. Nga, Mokonga mmbé amoteki néɓatisɛ ka iɓo, ɗámongoɗi: ‹Nɛmɔnande nkpa, Měma á Mokonga n'aodida, áoika na yɛ. Nkpa ndɔ aámbé aɓatisande ka Měma á kanga ɓojeɗe.›

Yoáni 20:22

Mbusa á yɔnga akɛ nndɔ, áǒophia mpophɛ na ngoɗea aɓɔ: «Cɔ, tɔani Měma á kanga ɓojeɗe.

Yoáni 3:34

Mmbé Mokonga anteki a tɔ ɔyɔnga nyɔngɔ á Mokonga. Nga, yɛ antúmisi na Měma akɛ.

Ekuma á ɓateki 2:33

Ɓî Mokonga antáisi na bisa akɛ ka njaga akɛ á mǔku, áoɓá na Měma á kanga ɓojeɗe nnde yɛ abakɛ ɗámɔku. Yéso aámbé aɛmbisi kema nde ɓɔɔ́ka na nnde ɓɔɔna ka ɓesu.

Ɓaɛphɛ́sɔ 2:1

Ɓenu, ɗóɓoku ka měma kala ka nyɔngɔ á kisɛki na ɓojeɗe nɛnu.

Ɓaɛphɛ́sɔ 2:5

Ɓî ɗéɓeku ye ka měma, ka nyɔngɔ á ɓojeɗe nɛsu, áosójujukisa ka kukuwa kimoci na Kiísito. Ɓoamia ndɔ ɗátú ka nyɔngɔ á ɓonjánja-ékondi ndea Mokonga.

Ɓakɔlɔsái 2:13

Cɔ, ɗóɓoku kala ka měma ka nyɔngɔ á ɓojeɗe nenu na ka nyɔngɔ nde ɗóɓókótú Ɓayúda, na ka nyɔngɔ á kowó nɛnu. Kɛ̌kɛnde gǎkɛ, Mokonga áonójujukisa ka kukuwa kimoci na Kiísito, áoíma ɓojeɗe nɛsu bui.

1 Timɔtɛ́ɔ 5:6

Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

Yakɔ́ɓɔ 2:26

Nga, ɓî nyama kángá ɛ́phɛu aku ye tɔ, ɓeekea kángá ékuma aku phɔtɔ.

1 Pɛ́tɛɛ 1:11

Měma á Kiísito ɗátú suɓi aɓɔ, ɗáɛtɔ̌mi mosá gea, Kiísito atambagaeka na mbusa á tambaga, atɔaeka ɓoombia. Ɓaɔtu-nyɔngɔ ndɔ ɗáɓákaɓi engekisa á mbenɔ na etéte sina nde kema ndɔ bui atɔtɔkɛanaeka.

Yúda 1:12

Ɓánde ephiphi ájeɗe ka nkíndí anu ka mbenɔ á eaga eea á ekondani á komunamema, ɓáoeaga n'ɛphɛɛu kángá á soni na ɓá tɔ ɔɛnjia mɔphɛ nɛɓɔ sasaɓɔ. Ɓáogea ɓó kángá kɔɓɔɓɔkɔ. Ka mbenɔ á eaga, ɓá tɔ ɔnjia nyɔngɔ nɛɓɔ sasaɓɔ. Ɓákengeani n'egugu nde aoyembia ka nyɔngɔ á maphopho nde nna kɔɔkisa mbua. Ɓá tɔ ɓea me nde nna ɔgɔmbisa mbuka nanga áɓá matú á gɔmbisa í. Cɔ, ɓá ye ophúia mǐgi í, áokuwa mɔngɔ iɓɛ.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 1:16

Ɗábɛɗi ɓasɛɛngɔa ngianjaga iɓɛ (7) ka njaga akɛ á mǔku, píndí nde aophea nci gbɔgbɔ áojúana k'aphenɔkɔ akɛ. Keongi akɛ áɔbɛnya akpɛ ɓea maní ka kantende.

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:19

neoúba ekuma nɛkɔ, ekondi nɛkɔ, ɓeekea nɛkɔ, tambea nɛkɔ, na phiphia á tambaga nɛkɔ. Neúbi phɔtɔ gea ǒyamei ka bɛɗaneaga ani kɛ̌kɛnde kɔnyɛ́nya mosá.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 3:15

Neoúba ekuma nɛkɔ na neoúba gea, kó adɛdɛ̌, kó ajó. Atókeni óɓɛ adɛdɛ̌, kaɓɛ ajó!

Mphaniɔ 3:2

Cɔ, ɛ́ngɛpha, ógbagisɛ nndɔ ajigi n'asookuwa. Nga, ɗɛ́kɛ́ɔni ekuma nɛkɔ nnde ɔtɔtɔkisi na aánjá k'íso á Mokonga nɛmɔ.

Mphaniɔ 3:8

Neoúba ekuma nɛkɔ. Neoúba gea, o tɔ na ɓukpɛkpɛ ábɔa. Kaɓondɔ unge, neúku kǐo mosá akɔ, nnde nkpa nnaɔtɔka n'aphati, ka nyɔngɔ nde, ɗóambi nyɔngɔ nɛmɔ na ɗókóngani ina ani.

Mphaniɔ 4:5

Ka kankaanga á koɓoamɛ ndɔ, ɗáojuana phenua, gbungbua, na ɓaoka á mbua. Mosá á kankaanga á koɓoamɛ ndɔ, ɔbɛa ngianjaga iɓɛ (7) á koola ɗáɔbɛnya, n'ande Měma ngianjaga iɓɛ (7) ndea Mokonga.

Mphaniɔ 5:6

Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.