Mphaniɔ 22:9 - Ɔngana á Kɛ̌kɛ

⁹ Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»

Mphaniɔ 22:9 Iomraidhean Croise

Matáyɔ 4:9

Áongoɗea Yéso te: «Nekophande kema nde bubui, akoɓá n'ogbuki muanku akɔ mosá ani ka ɗokomisa ani.»

Lóka 4:7

Cɔ, aoɓá n'ogbuki muanku mosá ani, bubui áɓá tɔ akɔ.»

1 Yoáni 5:20

Ɓeoúba gea, Miki-mǒko ndea Mokonga ɗábiki, áosópha úbapha nde aosóúbisa Mokonga á ɗoni. Ɓɛɔngani na Mokonga á ɗoni ka nyɔngɔ á Miki-mǒko nɛkɛ Yéso Kiísito mmbé ɓa Mokonga á ɗoni, mmbé ande enda á mɛyɔ.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 14:7

Malaéka ndea Mokonga áɔyɔnga n'ɛsɔ akpɛ te: «Mɓángani Mokonga, ɓónɗokomisɛ, ka nyɔngɔ nde mbenɔ nɛkɛ ka tena á nyɔngɔ ajú. Mbebani nconji á koba, mokonda, oɓenge na ntoɔ á iɓo.»

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»

Mphaniɔ 22:10

Mpɔ, áomongoɗea te: «Kɔsɔmɛɛ mɔnɔ nyɔngɔ nde ɓáɔtú suɓi á ɓuku ndee. Nga, mbenɔ átɔtɔkɛana á nyɔngɔ ndɔ, abîmani.

Mphaniɔ 22:18

Eme Yoáni, nenóngoɗi ɓakpa ɓɔbu ɓunde ɓɔɔmɔɔ́ka gea, ɔ́ɛnjiani ánjá ka phɔa nyɔngɔ nde ɓáɔtú suɓi á ɓuku ndee. Aoɓá nkpa n'adaɗu nyɔngɔ nɛngbo gǔ índe, Mokonga andaɗoeande tambaga nde ɓáɗundu suɓi á ɓuku ndee.

Mphaniɔ 22:7

Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»

Mphaniɔ 4:10

ɓagbɛga nkama iɓɛ na gena (24) ndɔ, ɓáogbúka muanku mosá á mmbé aiki ka kankaanga á koɓoamɛ, ɓáombeba mmbé aoenda mɛyɔ. Ɓáophúia kekombó nɛɓɔ mosá á kankaanga, ɓáɔyɔnga gea:

Mphaniɔ 9:20

Cɔ, ɓakpa nde ɗáɓákáku ka nyɔngɔ á tambaga ndɔ, ɗáɓákáɗeketi gǎkɛ ɗokomisa á ɓansombo, na ɗokomisa á ɓamokonga á mbɛa nnde ɓáɓɔngisigi ɓɔ sasaɓɔ na láté, ngɔa, nsoɓe, ɛtɛ, na me, nnde nnaɔɔnapha, nnaɔɔ́kapha, nnaotamba.