Mphaniɔ 22:7 - Ɔngana á Kɛ̌kɛ

⁷ Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»

Mphaniɔ 22:7 Iomraidhean Croise

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 1:3

Cɔ, maseye ka nkpa nde aotanga ɓuku ndee, maseye ka ɓunde ɓáɔɔ́ka na tɔtɔkisa á nyɔngɔ nde Mokonga ɗáyɔngi, nnde ɓáɗundu wani. Nga, mbenɔ á tɔtɔkɛana á nyɔngɔ ndɔ bui a ye tɔ bíbí.

Mphaniɔ 16:15

«Cɔ, ɔ́kani, nebiki ɓea nkukuɓa. Maseye ka mmbé aɔphɛa tɔ̌ na ámbá bɔngɔ nɛkɛ, kágɛku ndúmbú na kuwa na soni mosá á ɓakpa.»

Mphaniɔ 2:16

Cɔ, kětiani tambea anu. Kaɓɛ na nna ɓó, nekamisagande bika á mɔtɛ-anu, néomana na ɓakpa ndɔ na píndí ndɔ aotóka k'aphenɔkɔ ani.

Mphaniɔ 22:12

Yéso áɔyɔnga te: «Cɔ, neobika kɛ̌kɛnde! Nebikande n'ophendɔ ka phenda nkpa na nkpa ka ɓeana na nnde ɗági.

Mphaniɔ 22:18

Eme Yoáni, nenóngoɗi ɓakpa ɓɔbu ɓunde ɓɔɔmɔɔ́ka gea, ɔ́ɛnjiani ánjá ka phɔa nyɔngɔ nde ɓáɔtú suɓi á ɓuku ndee. Aoɓá nkpa n'adaɗu nyɔngɔ nɛngbo gǔ índe, Mokonga andaɗoeande tambaga nde ɓáɗundu suɓi á ɓuku ndee.

Mphaniɔ 22:19

Aoɓá nkpa n'aphúi ka nyɔngɔ nde a suɓi á ɓuku nde á ɓaɔtu-nyɔngɔ ndea Mokonga, Mokonga aphúiande phɔtɔ ka keɓu ínɛkɛ á mbuka á me á enda na á ntanga-nji á kanga ɓojeɗe ɓíndɔ a suɓi á ɓuku ndee.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!

Mphaniɔ 22:21

Cɔ, ɓonjánja-ékondi ndea Mɔkɔta Yéso áɓɛ kimoci na ɓenu ɓɔbu!

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.