Mphaniɔ 22:6 - Ɔngana á Kɛ̌kɛ

⁶ Mpɔ malaéka áomongoɗea te: «Nyɔngɔ nde ande á seɓea í nga, ande ɗoni. Mɔkɔta Mokonga mmbé Měma akɛ ɗáɔ̌sɔndɔɛa ɓaɔtu-nyɔngɔ nɛkɛ, yɛ aámbé anteki malaéka nɛkɛ gea, ágɛ áephangiɛgɛ ɓabɛɗanigi nɛkɛ nyɔngɔ nde aobika kɛ̌kɛnde.»

Mphaniɔ 22:6 Iomraidhean Croise

Matáyɔ 13:41

Muna-Nkpa aetekande ɓamalaéka nɛkɛ, ɓáǒdondanisaga ɓakpa ɓɔbu ɓundɔ ɓáǒdemaga ɓadaɓɔ na ɓundɔ ɓáogea ájeɗe ɓáǒɓeaga ka koɓoamɛ nɛkɛ.

Lóka 1:70

A tɔ ɓíndɔ ɗátɔ̌mi kala k'aphenɔkɔ á ɓaɔtu-nyɔngɔ nɛkɛ.

Lóka 16:16

Matú ɛ́ɔphi ndea Mósa na ɓuku á ɓaɔtu-nyɔngɔ ndea Mokonga ɗáge osungiaga ka saga ndea Yoáni-Mɓatisi. Kpangea esa ndɔ unge Mbino-Ánjá á koɓoamɛ ndea Mokonga aúbikani, mpɔ nkpa buakɛ a tɔ ǒkukumisa ka gea ángiɛ kau.

Ekuma á ɓateki 12:11

Pɛ́tɛɛ aúbaphi ye, áɔyɔnga te: «Neúbi ye tɔ ɗoni gea, Mɔkɔta anteki malaéka nɛkɛ ka phúia ani ka njaga á Ɛlɔ́dɛ, na ka kanisia ájeɗe bui nde Ɓayúda ɓátú ně.»

Ekuma á ɓateki 3:18

A gǎkɛ ɓe: Mokonga atɔtɔkisi nyɔngɔ nde ɗáúbisi kala ka moyo á ɓaɔtu-nyɔngɔ nɛkɛ gea, ɓántambisagande Kiísito.

Ɓalɔ́ma 1:2

Mbino-Ánjá ndɔ, Mokonga ɗáɔku ú kala suɓi á Ɓuku ndea ɓaɔtu-nyɔngɔ nɛkɛ.

1 Ɓakɔlítɔ 14:32

Akeni mɔtu-nyɔngɔ ndea Mokonga áúbɛ éamba k'égabɔ ndɔ Měma á kanga ɓojeɗe amophi

1 Ɓakɔlítɔ 7:29

Ɓaya, nnde nɛyɔngi a ɓe: Mbenɔ kájigi ye ásii. Cɔ, kpangá á kɛ̌kɛnde, ɓakpa nde ɓána ɓake, ɓáikɛ ɓea ɓakpa nde ɓáná na ɓake.

2 Ɓatɛsalɔníka 1:7

Cɔ, ɓenu íɓunde ɓootambaga, Mokonga anóphande muumbiɔ kimoci na ɓesu mbenɔ nde Mɔkɔta Yéso asɛnɛkande. Atókande na koba, kimoci na ɓamalaéka nɛkɛ ɓunde ɓána ɓukpɛkpɛ.

Ɓaɛbulanía 12:9

Goto ɓena ɓabasu íɓunde ɓásɔɓɔkɔti, ɓunde ɓáosogoisaga, ɓɛ́ɔɓɔ́ka. Cɔ, akeni ɓɛmɔ́kɛ phɛɛ Abasu á ka měma ka gea te, ɓéɓɛ na enda á mɛyɔ.

2 Pɛ́tɛɛ 1:21

Ka nyɔngɔ nde, nna tanda na nyɔngɔ nde ɓáɔtú ka kokpa. Ɓaɔtu-nyɔngɔ ndea Mokonga ɗáɓátɔ̌migi ndiu nyɔngɔ nde ɗátóki ka Mokonga ka ɓukpɛkpɛ á Měma á kanga ɓojeɗe.

2 Pɛ́tɛɛ 3:2

Kanisiani nyɔngɔ nde ɓaɔtu-nyɔngɔ ndea Mokonga ɗáɓánógoisigi ka phɔa Mɔkɔta na Namisi.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 19:9

Mpɔ, malaéka ndea Mokonga áomongoɗea te, néɗunduɛ: «Maseye ka ɓundɔ ɓáɛɓɔphani ka jaí ɛ́kɛka ndea Muna-mɔgɔgɔ.» Â goto ɔyɔnga: «Nndɔ ande nyɔngɔ á ɗoni nnde atóki mɔtɛ á Mokonga.»

Mphaniɔ 21:5

Cɔ, mmbɔ aiki ka kankaanga á kɔkɔta áɔyɔnga te: «Nɛɓɔngisigi ye tɔ kema bui á kɛ̌kɛ.» Áomongoɗea gea: «Ɗundua nyɔngɔ nde nga, Mbino nɛmɔ aánjá áoɓá á ɗoni á ɗoni.»

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»

Mphaniɔ 22:1

Mpɔ, malaéka ndɔ, aómophangia oɓenge á enda n'aophénuaga ɓea ngaɛ́, áojuana ka kankaanga ndea Mokonga na Muna-mɔgɔgɔ.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 22:7

Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»

Mphaniɔ 4:1

Mbusa índɔ, ɗɛ́ɔni mphaniɔ nɛngbo, kǐo á na koba n'aúkukani. Ɛsɔ nde ɗɛ́ɔ́ki n'aɔyɔnga n'eme mosá, n'akengeani na ɛsɔ á mbengu, áomongoɗea: «Cɔ, ɗapha koni, neophangiande nnde akeni ákiɗianɛ mbusa.»