Mphaniɔ 22:17 - Ɔngana á Kɛ̌kɛ

¹⁷ Měma á Mokonga na Nke-éyamani ɓáɔyɔnga te: «Bika!» Mmbé aɔ́ki, áyɔngɛ phɔtɔ: «Bika!» Mmbé a n'ɛnyɔta, ábikɛ, mmbé ana siki á iɓo á enda ábɛɗɛ ecici.

Mphaniɔ 22:17 Iomraidhean Croise

Yoáni 1:37

Ɓî ɓagoigi ɓaɓɛ ndɔ ɓáɔ́ki ye ɓó, ɓâ ye tɔ omɓea Yéso.

Yoáni 4:10

Cɔ, Yéso áonsikisia gea: «Otúoúba egabɔ ndea Mokonga, ô phɔtɔ omúba mmbé aongoɗi: ‹Ómopa iɓo á onoa.› Oɓɛ aámbé otú ndiu ɔmmɛma yɛ, atókophande iɓo á enda.»

Yoáni 4:11

Mpɔ, nke ndɔ áongoɗea: «Mɔkɔta, kóna kema á dogea na iɓo nga, ntogɔ kau adǔmani. Otóki gǎkɛ na iɓo nde ana enda wani?

Yoáni 4:14

Mmbé a ndiu onoa iɓo nde neomopha, kákuwɛku ye tanda n'ɛnyɔta. Nga, iɓo nde neomopha, aɓande suɓi akɛ ɓea ntoɔ nde aophúphutisa enda á mɛyɔ.»

Yoáni 4:29

«Cɔ, bikani, ɓɔ́mɔnɛ nkpa nde atómongoɗi kema bui nde ɗégi. Nna phɔ́ Kiísito aámbɔ?»

Yoáni 7:37

Esa á sungiaga á jaí ndɔ, esa á kau ɗátú esa ángbó phɛɛ. Esa ndɔ, Yéso áomá, áɔyɔnga n'ɛsɔ akpɛ gea: «Aoɓá nkpa n'aku n'ɛnyɔta, ábikɛ mɔtɛ-amɔ, ánoɛ iɓo.

Ɓalɔ́ma 3:24

Cɔ, ka nyɔngɔ á ɓonjánja-ékondi ndea Mokonga, Mokonga aétangi ɓato á koɗoni kángá ophendɔ ka nyɔngɔ nde Yéso Kiísito aámbé aékoɗigi.

1 Ɓakɔlítɔ 2:12

Ɓesu, ɓékétɔi měma á ka mokonda ndee, ɓɛtɔi ndiu Měma nde atóki mɔtɛ á Mokonga ka gea, ɓéúbɛ kema bui nde ɗásóphi ka ɓonjánja-ékondi ndea Mokonga.

Mphaniɔ 14:13

Mpɔ, nê goto ɔɔ́ka ɛsɔ n'atóki na koba, áogea: «Cɔ, ɗundua ɓe: Maseye áɓɛ kpanga á kɛ̌kɛnde ka ɓunde ɓáku k'ína á Mɔkɔta!» Měma á Mokonga agi: «Eya, ɓáumbiɛ mbusa ékuma nɛɓɔ akpɛ nga, ekuma nɛɓɔ aeɓeande.»

Mphaniɔ 2:7

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui. Mmbé akíndande, nensoseande gea, áeɛ mbuka á me á enda, nnde a ka Paadísɔ ndea Mokonga.

Mphaniɔ 21:2

Néɔɔna ntanga-nji á kanga ɓojeɗe, Yɛusalɛ́ma á kɛ̌kɛ n'aodida ka toka na koba mɔtɛ á Mokonga n'aɛphɔni ɓea nke n'aomɓondeaga munyakɛ.

Mphaniɔ 21:6

 goto ɔyɔnga gea: «Así! Eme nende Alpha na Ɔmɛga, nkpangeɔ na sungiaga. Mmbé ana ɛnyɔta, nemophande kema á noa ecici ka ntogɔ á iɓo á enda.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»

Mphaniɔ 22:1

Mpɔ, malaéka ndɔ, aómophangia oɓenge á enda n'aophénuaga ɓea ngaɛ́, áojuana ka kankaanga ndea Mokonga na Muna-mɔgɔgɔ.

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 7:17

Ka nyɔngɔ nde, Muna-Mɔgɔgɔ, mmbé aiki ka měme á kankaanga á koɓoamɛ, ěambande ɓea mɓondigi-ɓamɔgɔgɔ. Ɛ̌sɔndɔɛande ka ntogɔ á iɓo á ɓoamia. Mokonga akɔmbɛande iɓo á ngamɔ bui á k'íso aɓɔ.»