Mphaniɔ 22:14 - Ɔngana á Kɛ̌kɛ

¹⁴ Maseye ka ɓundɔ ɓásokosi bɔngɔ nɛɓɔ ka gea te, ɓáesoseɛ ea á mbuka á me á enda na ngia ka kǐo suɓi á ntanga-nji.

Mphaniɔ 22:14 Iomraidhean Croise

Yoáni 10:7

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Yoáni 10:9

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Yoáni 14:15

Aoɓá na ɓomokondi, ɓoambande ɛɔphi nɛmɔ.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Yoáni 4:12

Ande gea, ona ɓoombia kɔnyɛ́nya tatasu Yakɔ́ɓɔ, mmbé ɗásóphi ntogɔ nde? Nga, yɛ, ɓ'anakɛ n'etuge nɛkɛ bui ɗáɓá phɔtɔ onoa ú.»

1 Ɓakɔlítɔ 7:19

Gúa á ganja, na kowó, nna na kantíti. Nnde ana kantíti ande gǎkɛ amba ɛɔphi ndea Mokonga.

1 Ɓakɔlítɔ 8:9

Ɛ́ngɛphani nga, ɓî ɓogbau, gbaua ndɔ, kěgúsɛ mɔnɔ gǎkɛ ɓakpa nde ɓeekea nɛɓɔ kámɔti.

1 Ɓakɔlítɔ 9:5

Kákeni néɓɛ na ɓake-ɓaɓêki ka tamba, ɓea ɓadasu ɓateki ɓunɛngbo, ɓea Pɛ́tɛɛ na ɓana-amakɛ na Mɔkɔta ee?

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.

1 Yoáni 5:3

Nga, konda á Mokonga, ande amba ɛ́ɔphi nɛkɛ. Ɛɔphi nɛkɛ nna akpɛ,

Mphaniɔ 2:7

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui. Mmbé akíndande, nensoseande gea, áeɛ mbuka á me á enda, nnde a ka Paadísɔ ndea Mokonga.

Mphaniɔ 21:12

Áoɓá na ɓǔkendu ángbó nde atáí k'égo phɛɛ na kǐo nkama na iɓɛ (12). Ɓamalaéka ndea Mokonga nkama na iɓɛ (12) ɗáɓáoɓondeaga kǐo ndɔɔ. Ɗáɓáɗundu gǔ á kǐo kau, ina á ekuna nkama na iɓɛ (12) ndea Ɓaisilaɛ́li.

Mphaniɔ 21:27

Ka kema ájeɗe-jeɗe kángieɛka gǎkɛ suɓi á ntanga-nji ndɔɔ. Nto á ɓɔjɔɔkiɔ na mbɛa, nnaɔtɔka n'angí suɓi í, tɔndɔ ɓundɔ ɓáɗundu ina aɓɔ suɓi á ɓuku á enda ndea Muna-Mɔgɔgɔ.

Mphaniɔ 22:2

Oɓenge ndɔɔ ɗáoyoka ka měme á aphe á ntanga-nji. K'ɔɓɛɛ á oɓenge ndɔ nkɛkɛɔ bui, me á enda a ɓei, aɔgɔmbisa mɔngɔ nkama na iɓɛ (12) ka saga, ande gea te, mɔngɔ ímoci ka songe. Kasa í aoenga ka amisa á ɓato á mokonda.

Mphaniɔ 22:7

Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.