Mphaniɔ 22:10 - Ɔngana á Kɛ̌kɛ

¹⁰ Mpɔ, áomongoɗea te: «Kɔsɔmɛɛ mɔnɔ nyɔngɔ nde ɓáɔtú suɓi á ɓuku ndee. Nga, mbenɔ átɔtɔkɛana á nyɔngɔ ndɔ, abîmani.

Mphaniɔ 22:10 Iomraidhean Croise

Matáyɔ 10:27

Ambe ɓóyɔngɛ sɔmani, nyɔngɔ nde neonongoɗea ka kaiphiɔ. Nnde neonongoɗea ka kɔsɔ-kɔsɔ, yɔngani ú ka ntanga.

Ɓalɔ́ma 13:11

Mbenɔ nde ɓokau ɓooúba gea, a ye tɔ mbenɔ á jujúka ka tɔ̌ nde ɓo suɓi í. Cɔ, mbenɔ nde ɗéɓemɓeeki Yéso, ɓoamia á ka měma n'a phɔ́ ɗanga aunge asódondi ye tɔ.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

2 Ɓatɛsalɔníka 2:3

Ka nkpa kanódemɛ mɔnɔ k'aphe bubui. Ka nyɔngɔ nde mosá á esa ndɔ, ɓakpa ɓásii ɓán'yande Mokonga, na Nto á otúkɔtúkɔ áɔsɛnɛka, mmbé sungiaga akɛ ande ɓúngaga.

1 Pɛ́tɛɛ 4:7

Cɔ, sungiaga á kema bui a ye tɔ bíbí. Kaɓondɔ, koɗani iso na ɓáni na kɔɓɔɔngɛ ka gea, ɓóɓɛ na ɓukpɛkpɛ á mɛma á Mokonga.

Mphaniɔ 1:11

Ɛsɔ ndɔ ɗáɔyɔnga ɓe: «Kema nde ɔɔna, ɗundua ú suɓi á ɓuku, ótekɛ ɓuku ndɔ ka kanisa ngianjaga iɓɛ (7) ndee: Ɛphɛ́sɔ, Smúna, Pɛɛgámɔ, Tuatɛ́a, Sáadi, Philadɛlphía, na Laɔdikía.»

Mphaniɔ 1:3

Cɔ, maseye ka nkpa nde aotanga ɓuku ndee, maseye ka ɓunde ɓáɔɔ́ka na tɔtɔkisa á nyɔngɔ nde Mokonga ɗáyɔngi, nnde ɓáɗundu wani. Nga, mbenɔ á tɔtɔkɛana á nyɔngɔ ndɔ bui a ye tɔ bíbí.

Mphaniɔ 10:4

Mbusa á ɔ́kɛkana á ɛsɔ á ɓaoka á mbua ngianjaga iɓɛ (7) ndɔ, néogea néɗunduɛ nyɔngɔ ndɔɔ. Nê gǎkɛ ɔɔ́ka ɛsɔ, n'atóki na koba, gea: «Koɗunduɛmbɛ nyɔngɔ ndɔ ɓáoka á mbua ngianjaga iɓɛ (7) ayɔngi, áɓɛ ndiu kema á ɓɔsɔmɛa.»

Mphaniɔ 22:16

«Eme Yéso, nentekima malaéka nɛmɔ ka úbisa anu nyɔngɔ ndɔ bui ka kanisa ɗanga-ɗanga. Neɓɔkɔtɛani k'ékombo ndea Moamɛ Daúdi, Sɛɛngɔa á bɛnya á kamɓimba.»

Mphaniɔ 22:18

Eme Yoáni, nenóngoɗi ɓakpa ɓɔbu ɓunde ɓɔɔmɔɔ́ka gea, ɔ́ɛnjiani ánjá ka phɔa nyɔngɔ nde ɓáɔtú suɓi á ɓuku ndee. Aoɓá nkpa n'adaɗu nyɔngɔ nɛngbo gǔ índe, Mokonga andaɗoeande tambaga nde ɓáɗundu suɓi á ɓuku ndee.

Mphaniɔ 22:20

Mmbé amamei nyɔngɔ á suɓi á ɓuku ndee, ayɔngi ɓe: «Eya, neobika kɛ̌kɛnde.» Áɓɛ ɓó, Mɔkɔta Yéso, bika!

Mphaniɔ 22:7

Yéso áɔyɔnga te: «Ɔ́kani phɔ́! Neobika kɛ̌kɛnde. Maseye ka nkpa nde aoamba nyɔngɔ nde ɓaɔtu-nyɔngɔ ndea Mokonga ɓáɔtú suɓi á ɓuku ndee.»

Mphaniɔ 22:9

Yɛ, â gǎkɛ omongoɗea te: «Caa! Kógeɛmbɛ ɓó! Nga, eme nende mbɛɗanigi ɓea ɔɓɛ, ɓea ɓadakɔ ɓaɔtu-nyɔngɔ ndea Mokonga na ɓea ɓɔbu ɓunde ɓáotétemisa nyɔngɔ nde a suɓi á ɓuku ndee. Mokonga ndiu aámbé ómbebɛ.»

Mphaniɔ 5:1

Cɔ, nɛ́ɔɔna ɓuku ka njaga á mǔku á mmbé ɗáiki ka kankaanga á koɓoamɛ. Ɓuku ndɔ, ɗáɓáɗundu ka ngɔngɔ í na suɓi í, na ɓáɓɛti ú na mutúti ngianjaga iɓɛ (7).