Mphaniɔ 21:3 - Ɔngana á Kɛ̌kɛ

³ Nɛ́ɔɔ́ka ɛsɔ akpɛ n'aotóka ka kankaanga á kɔkɔta na koba áɔyɔnga ɓe: «Ɔma á ɓoiki ndea Mokonga a ye tɔ sɔsɔɓɛ á ɓakpa. Yɛ, aikande kimoci na ɓɔ, ɓáoɓá ɓakpa nɛkɛ. Mokonga sasakɛ, aɓande Mokonga nɛɓɔ, áoɓá kimoci na ɓɔ.

Mphaniɔ 21:3 Iomraidhean Croise

Yoáni 1:14

Moyo áoɓá nkpa, áoika sɔsɔɓɛ asu. Áotúma na ɓonjánja-ékondi na koɗoni. Ɗɛ́ɓɛɔni ɓoombia akɛ, ɓoombia nde ngɔmu atɔi ka Abakɛ.

Yoáni 14:23

Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ.

2 Ɓakɔlítɔ 6:16

Endu ndea Mokonga n'endu ésomba á ɓaketi a kimoci? Nga, ɓende endu ndea Mokonga mmbé aoenda. A ɓíndɔ Mokonga ayɔngi gea: «Neikande sɔsɔɓɛ aɓɔ na netambande kimoci na ɓɔ, Neɓande Mokonga nɛɓɔ, ɓáoɓá ɓakpa nɛmɔ.»

2 Ɓakɔlítɔ 6:18

Neɓande abanu, ɓoɓande baseka na ɓaganda nɛmɔ. Mmbé ayɔngi nndɔ, ande Mokonga Mɛna-Ɓukpɛkpɛ.»

1 Ɓatɛsalɔníka 3:11

Cɔ, ɛmɛmi nɛsu ande gea, Abasu Mokonga na Mɔkɔta nɛsu Yéso Kiísito, ásókoɗeɛ aphe á dondana asu na ɓenu.

Ɓaɛbulanía 11:16

Eya, ɗáɓákondi ndiu nji ánjá phɛɛ, ande gea, nji á n'ego. Kaɓondɔ unge Mokonga nnaokuwa na soni á ɔphana akɛ Mokonga nɛɓɔ. A ɓó ka nyɔngɔ nde Mokonga ɗáɓɔngisigi ka ɓɔ nji.

Ɓaɛbulanía 8:10

Cɔ, ɔngana nde nɛɔnganande na Ɓaisilaɛ́li mbusa á esa ndɔ aungee: Nebisande ɛɔphi nɛmɔ suɓi á úbapha aɓɔ. Neɗunduande phɔtɔ ú ka měma aɓɔ. Neɓande Mɔkɔta nɛɓɔ, na ɓɔ ɓáɓande ɓakpa nɛmɔ.

Ɓaɛbulanía 8:2

Aɔbɛɗanaga ekuma nɛkɛ suɓi á ɔma á kanga ɓojeɗe. Ɔma ndɔ ande Ɛma á ɗoni nnde Mɔkɔta aámbé acumi, nna ɓakpa.

Mphaniɔ 10:4

Mbusa á ɔ́kɛkana á ɛsɔ á ɓaoka á mbua ngianjaga iɓɛ (7) ndɔ, néogea néɗunduɛ nyɔngɔ ndɔɔ. Nê gǎkɛ ɔɔ́ka ɛsɔ, n'atóki na koba, gea: «Koɗunduɛmbɛ nyɔngɔ ndɔ ɓáoka á mbua ngianjaga iɓɛ (7) ayɔngi, áɓɛ ndiu kema á ɓɔsɔmɛa.»

Mphaniɔ 10:8

Mpɔ, nɛ́ɔɔ́ka goto ɛsɔ ndɔ ɗɛ́ɔ́ki n'atóki na koba, áomogea: «Gǎ, ɔ́bɛɗɛ ɓuku ábɔa ndɔ aúkukani, a ka njaga á malaéka ndɔ amame k'óɓenge na oɗo.»

Mphaniɔ 12:10

Mpɔ, nɛ́ɔɔ́ka ɛsɔ akpɛ n'aotóka na koba, áogea ɓe: «Mpɔ ye tɔ mbenɔ á ɓoamia á ka měma, ɓukpɛkpɛ, koɓoamɛ ndea Mokonga ajú na kɔkɔta á Kiísito nɛkɛ. Nga, ɓámmaki ka mokonda ntɔngi á ɓana-amasu mmbé ɗáɔ̌tɔngaga ɓɔ keiphe n'esa mɔtɛ á Mokonga.

Mphaniɔ 21:7

Mmbé akíndande, nenkɔmande, neɓande Mokonga nɛkɛ, yɛ áoɓá miki-mǒko nɛmɔ.

Mphaniɔ 22:3

Ka kema ka Mokonga sɛmɛaga í ka ntanga-nji ndɔ, kaɓɛku ye. Kankaanga á kɔkɔta ndea Mokonga na nnde á Muna-mɔgɔgɔ aɓande suɓi á ntanga-nji ndɔɔ. Ɓabɛɗanigi ndea Mokonga ɓámbebande.

Mphaniɔ 7:15

Kaɓondɔ unge, Ɓámamege mosá á kankaanga á koɓoamɛ ndea Mokonga. Báɔmbɛɗaneaga keiphe n'esa k'éndu nɛkɛ. Mmbé aiki gǔ á kankaanga á koɓoamɛ ěambande.