Mphaniɔ 21:22 - Ɔngana á Kɛ̌kɛ

²² Ɗɛ́kɛ́ɔni gǎkɛ endu ɛ́mɛmi ka ntanga-nji ndɔ nga, Mɔkɔta Mokonga, Mɛna-ɓukpɛkpɛ na Muna-mɔgɔgɔ ɓáunge ɓánde ú.

Mphaniɔ 21:22 Iomraidhean Croise

Matáyɔ 24:2

Mpɔ Yéso áǒgea te: «Ɓɔɔna kema ndɔ bui? Nenóngoɗi ɗoni gea, nna n'ɛtɛ nde aikande gǔ á dakɛ, bui angbɔɔkanande.»

Yoáni 10:30

Abɛ n'eme, ɓe tɔ nkpa mo.»

Yoáni 13:32

Aoɓá ɓoombia ndea Mokonga na ɗáɔnɛkani ka yɛ, ɓoombia nɛkɛ aɔnɛkanande phɔtɔ ka Mokonga. Ageande ú kángá á iphia.

Yoáni 4:21

Yéso áongea: «Ómoɓeekea, esa aobika, nnde ɓókóngbúkiɛku Abɛ Mokonga muanku, kaɓɛ ka mamba nde, kaɓɛ ka Yɛusalɛ́ma.

Yoáni 4:23

Cɔ, mbenɔ aobika n'a ye tɔ bíbí, ɓato á ɗokomisa á ɗoni ɓánɗokomisande Abɛ ka měma na ka koɗoni nga, ɓundɔ ɓáunge Abɛ aǒkaɓa ka ɓá ɓato á ɗokomisa akɛ.

Ɓakɔlɔsái 1:19

Nga, Mokonga yɛ sasakɛ ɗákondi kokpa akɛ buakɛ áɔnɛkanɛ ka Anakɛ.

Ɓakɔlɔsái 2:9

Nga, kema bubui nde a suɓi á Mokonga, aɔnɛkani ka nyama á Kiísito na aiki tɔ bui suɓi akɛ.

Mphaniɔ 1:8

Mɔkɔta Mokonga Mɛna-ɓukpɛkpɛ bui, mmbé aɓei, mmbé ɗátú ɓei na mmbé aobika agi te: «Nende Alpha na Ɔmɛga.»

Mphaniɔ 11:17

«Mɔkɔta Mokonga, Mɛna-ɓukpɛkpɛ, oɓɛ aámbé oɓei na ɗótú ɓei, ɓeosikisíí ɓosegi nga, omesi koɓoamɛ nɛkɔ, ɔbɛɗaneigi ɓukpɛkpɛ nɛkɔ bui!

Mphaniɔ 14:4

Ɓɔ, ɓákákondɛ jɔɔkisa á nyama aɓɔ ka dondana na ɓake, ɗáɓáambi nyama aɓɔ kángá jɔɔkisa í. Ɓáomɓea Muna-Mɔgɔgɔ ɔma bui nde aoga. Ɗáɓěsombi sɔsɔɓɛ á ɓakpa ɓunɛngbo ka ɓa ɔphɛ́ɔ á k'ama mosá-mosá ka Mokonga na ka Muna-Mɔgɔgɔ.

Mphaniɔ 15:3

Ɓáoemba embɔ ndea Mósa, mbɛɗanigi ndea Mokonga na á Muna-Mɔgɔgɔ: «Mɔkɔta Mokonga Mɛna-ɓukpɛkpɛ ooo, ekuma nɛkɔ aángbó á ketangaɔ! Moamɛ á nji bui ooo, moangɔ nɛkɔ á koɗoni aánjá.

Mphaniɔ 16:14

Ɓansombo ɓáunge ɓáɔtɔtɔkisa ketangaɔ. Ɓáoga mɔtɛ á ɓaamɛ á ka mokonda bui ka dondanisa aɓɔ ka nyɔngɔ á mana etu ángbó ndea Mokonga, Mɛna-ɓukpɛkpɛ.

Mphaniɔ 16:7

Mpɔ, nɛ́ɔɔ́ka ɛsɔ n'atóki k'ɛ́tɛ-ɔ́phɛ́ɔ áɔyɔnga te: «Eya, Mɔkɔta Mokonga Mɛna-ɓukpɛkpɛ, ootena nyɔngɔ ánjá kángá oɓayɔ.»

Mphaniɔ 19:15

Píndí á ophea áojuana k'aphenɔkɔ akɛ, nnde amanisande nji ně. Yɛ, amameande nji ka ɓukpɛkpɛ á ngɔa na akámande mbuka ka kasangɔ n'esúia ndea Mokonga Mɛna-ɓukpɛkpɛ bui.

Mphaniɔ 4:8

Ɓamakɛlúbi gena ndɔ, moci-moci áoɓá na kepupe ngianjaga (6), nnde atúmi na iso, gǔ á kepupe na kusi í. Ɓáɔyɔnga keiphe n'esa kángá á ɗeketa gea: «Nto á kanga ɓojeɗe, Nto á kanga ɓojeɗe, Nto á kanga ɓojeɗe, Mɔkɔta Mokonga, Mɛna-ɓukpɛkpɛ, mmbé ɗátú, mmbé a ɓei na mmbé aobika.»

Mphaniɔ 5:6

Mpɔ, Nɛɔmɔna Muna-mɔgɔgɔ n'aɓea mmbé ɓánteni, n'amame ka měme á kankaanga á koɓoamɛ, ɓamakɛlúbi gena na ɓagbɛga na ɓántimbi. Yɛ, ɗátú na ndeka ngianjaga iɓɛ (7), n'íso ngianjaga iɓɛ (7), nnde n'ande měma ngianjaga iɓɛ (7) ndea Mokonga nnde ɗáɓáteki ka mokonda bui.

Mphaniɔ 7:15

Kaɓondɔ unge, Ɓámamege mosá á kankaanga á koɓoamɛ ndea Mokonga. Báɔmbɛɗaneaga keiphe n'esa k'éndu nɛkɛ. Mmbé aiki gǔ á kankaanga á koɓoamɛ ěambande.

Mphaniɔ 7:17

Ka nyɔngɔ nde, Muna-Mɔgɔgɔ, mmbé aiki ka měme á kankaanga á koɓoamɛ, ěambande ɓea mɓondigi-ɓamɔgɔgɔ. Ɛ̌sɔndɔɛande ka ntogɔ á iɓo á ɓoamia. Mokonga akɔmbɛande iɓo á ngamɔ bui á k'íso aɓɔ.»