Mphaniɔ 21:2 - Ɔngana á Kɛ̌kɛ

² Néɔɔna ntanga-nji á kanga ɓojeɗe, Yɛusalɛ́ma á kɛ̌kɛ n'aodida ka toka na koba mɔtɛ á Mokonga n'aɛphɔni ɓea nke n'aomɓondeaga munyakɛ.

Mphaniɔ 21:2 Iomraidhean Croise

Yoáni 3:29

Munya-mpakai, aámbé ande munya nke. Dakɛ na mǒko gǎkɛ a tɔ bíbí akɛ, áotúma na maseye ɓî aɔɔ́ka ɛsɔ á mǒko ndɔɔ. Kaɓondɔ, netúmi na maseye phɛɛ.

2 Ɓakɔlítɔ 11:2

Nena nsengo ka ɓenu ɓíndɔ Mokonga aně ka nyɔngɔ anu ka nyɔngɔ nde ɓenu ɓonde ɓea nseka nde nekondi ɔmanisa akɛ na mǒko moci. Mǒko kayɛ ande Kiísito.

Ɓaɛbulanía 11:10

nga, Abalaámu ɗáoɓondeaga nji nde Mokonga ɗáangi na ɗácumi ngeɔ í akpɛ mbenɔ á mɔphɛkɔ í.

Ɓaɛbulanía 11:16

Eya, ɗáɓákondi ndiu nji ánjá phɛɛ, ande gea, nji á n'ego. Kaɓondɔ unge Mokonga nnaokuwa na soni á ɔphana akɛ Mokonga nɛɓɔ. A ɓó ka nyɔngɔ nde Mokonga ɗáɓɔngisigi ka ɓɔ nji.

Ɓaɛbulanía 12:22

Cɔ, ɓenu, ɓobîmisi ndiu mamba nde ɓáɔɔphana Sayúni, nji ndea Mokonga mmbé aoenda. Ina á nji ndɔ ande Yɛusalɛ́ma nnde á na koba. Ɓamalaéka ɓásii phɛɛ ɓáogua jaí kó.

Ɓaɛbulanía 13:14

nga, ka mokonda nde ɓéké na nji nde aoiphia, ɓe ndiu okáɓa nji ndɔ aobika.

Mphaniɔ 1:1

Ɓuku nde ana mphaniɔ nde Mokonga ɗámophi Yéso Kiísito ka gea, áúbisɛ ka ɓabɛɗanigi nɛkɛ kema nde ambe átɔtɔkɛanɛ kángá iphia. Cɔ, Kiísito ɗánteki malaéka nɛkɛ ka úbisa á mbɛɗanigi nɛkɛ Yoáni nyɔngɔ ndɔɔ.

Mphaniɔ 1:4

Eme Yoáni nenóɗundui ɓenu ɓato á kanisa ngianjaga iɓɛ (7), nnde a ka nji á ka Asía. Ambe Mokonga mmbé aɓei, mmbé ɗátú na mmbé abikande ánóphɛ ɓonjánja-ékondi na ɓujɛjɛ. Ɓonjánja-ékondi na ɓujɛjɛ ndɔ átókɛ phɔtɔ ka měma ngianjaga iɓɛ (7), ɓunde ɓáoika mosá á kankaanga á koɓoamɛ nɛkɛ áɓɛ na ɓenu.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 11:2

«Cɔ, kɔbɛɗɛmbɛ gǎkɛ ɓondanda á ntanga éndu ndea Mokonga, ka nyɔngɔ nde, kó, ande ɔma á ɓunde ɓáná Ɓayúda. Ɓɔ, ɓáɗɛtɛagande nji á kanga ɓojeɗe ka ɓasonge nkama gena na iɓɛ (42).

Mphaniɔ 21:10

Mpɔ, Měma á Mokonga áɔmɔgɔna, malaéka ndɔ áomokumba súa ntɔnga á mamba éndǎ phɛɛ. Áomophangia ntanga-nji á kanga ɓojeɗe, Yɛusalɛ́ma, n'aodida ka toka na koba mɔtɛ á Mokonga.

Mphaniɔ 21:9

Ka Ɓamalaéka ndea Mokonga ngianjaga iɓɛ (7), ɓundɔ ɗáɓábɛɗi cǎ n'atúmi na tambaga á sungiaga ngianjaga iɓɛ (7) áobika omongoɗea gea: «Bika, nekophangiande nke á mbanje, nke-éyamani ndea Muna-mɔgɔgɔ.»

Mphaniɔ 22:17

Měma á Mokonga na Nke-éyamani ɓáɔyɔnga te: «Bika!» Mmbé aɔ́ki, áyɔngɛ phɔtɔ: «Bika!» Mmbé a n'ɛnyɔta, ábikɛ, mmbé ana siki á iɓo á enda ábɛɗɛ ecici.

Mphaniɔ 22:19

Aoɓá nkpa n'aphúi ka nyɔngɔ nde a suɓi á ɓuku nde á ɓaɔtu-nyɔngɔ ndea Mokonga, Mokonga aphúiande phɔtɔ ka keɓu ínɛkɛ á mbuka á me á enda na á ntanga-nji á kanga ɓojeɗe ɓíndɔ a suɓi á ɓuku ndee.

Mphaniɔ 3:12

Mmbé akíndande, nembisande ka ngeɔ suɓi éndu ndea Mokonga nɛmɔ na kájuanɛeka ye tanda. Neɗunduande ina á Mokonga nɛmɔ na ina á ntanga-nji ndea Mokonga nɛmɔ gǔ akɛ. Ina á ntanga-nji ndɔ ande Yɛusalɛ́ma á kɛ̌kɛ, nnde adidi ka toka na koba mɔtɛ á Mokonga nɛmɔ. Neɗunduande phɔtɔ ina ani á kɛ̌kɛ gǔ akɛ.