Mphaniɔ 21:14 - Ɔngana á Kɛ̌kɛ

¹⁴ Ɗáɓáphɛ̌ki moguɓɔ á ntanga-nji ndɔ gǔ á ɛtɛ nkama na iɓɛ (12) nnde ɗáɓáɗundu gǔ í, ina á ɓateki nkama na iɓɛ (12) ndea Muna-mɔgɔgɔ.

Mphaniɔ 21:14 Iomraidhean Croise

Matáyɔ 16:18

Eme neongoɗi gǎkɛ ɓe: Onde Pɛ́tɛɛ, na gǔ á ɛtɛ ndee, aunge nɛphɛkande kanisa nɛmɔ, ɓukpɛkpɛ á kukuwa kágeɛku ú na ka kema.

Ekuma á ɓateki 1:26

Mpɔ, ɓáɔɓɛta ɓana-mɛlɔɛ ka úba ani mmbé, Mɔkɔta ansɔmbu. Ɓana-mɛlɔɛ ɓáonguia Matiási, áoɓá sɔsɔɓɛ á ɓateki ɓuangbo nkama na moci (11).

Ɓagalatía 2:9

Mpɔ, Yakɔ́ɓɔ, Pɛ́tɛɛ na Yoáni, ɓî ɗáɓáeseɓei ɓea nsukiɔ á kanisa, ɓáoengekisa ebigɔ nde Mokonga amopi. Ɓáosopha njaga eme na Baanába ka ɔnisa ɔngana. Ɓɛ́ɔɔ́kana na ɓɔ ka gea, ɓesu ɓégɛ bɛɗanɛgɛ mɔtɛ á ɓakpa nde ɓáná Ɓayúda, ɓɔ gǎkɛ ɓágɛ bɛɗanɛgɛ mɔtɛ á Ɓayúda.

Ɓaɛphɛ́sɔ 2:20

Ɓo ɓea mɔphɛkɔ nde ɓateki na ɓaɔtu-nyɔngɔ ndea Mokonga ɓácumi akpɛ. Kiísito sasakɛ ande ɓea ngeɔ á mɔphɛkɔ ndɔɔ.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓaɛbulanía 11:10

nga, Abalaámu ɗáoɓondeaga nji nde Mokonga ɗáangi na ɗácumi ngeɔ í akpɛ mbenɔ á mɔphɛkɔ í.

Yúda 1:17

Cɔ, ɓenu gǎkɛ, ɓadani ékondi, kanisiani phɔ́ nyɔngɔ nde ɓateki ndea Mɔkɔta ndeasu Yéso Kiísito ɗáɓáyɔngi kala.

Mphaniɔ 18:20

Cɔ, koba, ɓá na maseye ka gua á ntanga-nji ndɔɔ. Ɓáni phɔtɔ na maseye, ɓato á kanga ɓojeɗe, ɓateki na ɓaɔtu-nyɔngɔ ndea Mokonga. Nga, Mokonga ɗáteni nyɔngɔ nɛkɛ ka ɓeana na ɓojeɗe nde ɗági ka phɔanu.

Mphaniɔ 21:13

Nci á n'okomo ɗátú na kǐo isaɔ, oyonga kǐo isaɔ, gǔ kǐo isaɔ na kusi kǐo isaɔ.