Mphaniɔ 20:4 - Ɔngana á Kɛ̌kɛ

⁴ Mpɔ nɛ́ɔɔna kankaanga á kɔkɔta. Ɓunde ɗáɓáoikiɗia ú, ɗáɓátɔi kɔkɔta á tena á nyɔngɔ. Nê phɔtɔ ɔɔna měma á ɓunde ɗáɓáeteni ka nyɔngɔ nde Yéso ɗáengekisi na Mbino-Ánjá ndea Mokonga. Ɓɔ, ɗáɓákágbúki muanku aɓɔ mosá á nyama kaɓɛ tɔnkɛngɛ akɛ. Ɗáɓákábisi phɔtɔ mphangiɔ á nyama ndɔ k'éndóndó kaɓɛ ka njaga aɓɔ. Ɓɔ, ɓáunge ɗáɓájujúki ka kukuwa, ɓáomamea nji kimoci na Kiísito suɓi á ɓasaga ɛlɛphu moci (1.000).

Mphaniɔ 20:4 Iomraidhean Croise

Matáyɔ 19:28

Yéso áǒngoɗea: «Nenóngoɗi ɗoni gea, mbenɔ nde Muna-Nkpa aikande ka kankaanga á ɓoombia ka mokonda nde abikande, ɓenu íɓunde ɗóɓomoɓǐ, ɓoikande phɔtɔ ka kankaanga nkama na iɓɛ (12) ka tena á nyɔngɔ á ekuna nkama na iɓɛ (12) ndea Isilaɛ́li.

Matáyɔ 24:10

Ka mbenɔ ndɔ, ɓakpa ɓásii ɓásagande ɓeekea nɛɓɔ. Ɓátɔnganande na kangeana.

Málikɔ 6:16

Ɛlɔ́dɛ, ɓî aɔ́ki ye na ɓáɔyɔnga nyɔngɔ á Yéso, áogea te: «Ai! Ande Yoáni-Mɓatisi! Mmbɔ netenisima mɔ̌ akɛ aámbɔ ajujúki ka kukuwa!»

Málikɔ 6:27

Kɛ̌kɛndɔ tɔ áonteka nto émani moci ka ɓunde ɗáɓáonamba. Áonsosea gea te, ábikɛ na mɔ̌ á Yoáni-Mɓatisi. Nto émani ndɔ áoga, áotena mɔ̌ akɛ ka mekakɔ,

Málikɔ 9:11

Mpɔ, ɓáomúsia Yéso: «Eke nde ɓaɗundu-ɛɔphi ɓági te, Elía abikande phɔ́ mosá?»

Lóka 1:17

Ammɛande Mɔkɔta mosá, atambande na měma á ɓukpɛkpɛ ɓíndɔ Elía mɔtu-nyɔngɔ ndea Mokonga ɗátú ně. Abikande k'aphe á ɔnganisa á ɓaɓɔkɔti na ɓ'anaɓɔ, ɓaɗakekanigi-kecue ɓáúbaphande ɓea ɓato á koɗoni. Abisande měma ánjá suɓi á ɓakpa ka ɓondea á Mɔkɔta nɛɓɔ.»

Lóka 14:14

Kaɓondɔ, oɓande na maseye nga, ɓakpa ndɔ ɓáká na kema á sikisia akɔ. Mokonga akosikisiande mbenɔ nde ɓato á koɗoni ɓájujukande ka kukuwa.»

Lóka 22:30

Ka gea, ɓóeɛgɛ na noa ka mɛja nɛmɔ suɓi á koɓoamɛ nɛmɔ, phɔtɔ ɓoikande ka kankaanga á kɔkɔta ka tena nyɔngɔ á ekuna nkama na iɓɛ (12) á Ɓaisilaɛ́li.»

Yoáni 14:19

Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande.

Ɓalɔ́ma 11:15

Ɓî Mokonga ɗáephaphi Ɓayúda, ɗáɔnganisi mokonda na yɛ. Cɔ, mbenɔ nde aeseseande goto, ekende aɓande? Aɓande ɓea ɓasí na ɓájujúki ka kukuwa!

Ɓalɔ́ma 8:17

Cɔ, kaɓɛ na ɓende ɓaniki, ɓeɓande phɔtɔ na ka ɓotukɔ nde Mokonga aɛɓɔku ɓakpa nɛkɛ. Ɓɛtɔande ɓotukɔ ndɔ kimoci na Kiísito nga, ɓî ɓeotambaga kimoci na yɛ, ɓeɓande phɔtɔ kimoci na yɛ ka ɓoombia nɛkɛ.

2 Timɔtɛ́ɔ 2:12

Aoɓá na ɓeophiphia tambaga kimoci na Kiísito, ɓemameande nji kimoci na yɛ. Kaɓɛ na ɓen'yé Kiísito, yɛ phɔtɔ, asóyande.

Mphaniɔ 1:2

Yoáni ɗáɗigimisi nyɔngɔ ndɔ ɓe: «Kema bui nde ɗɛ́ɔni ande Nyɔngɔ á Mokonga n'ande ɗoni gea, Yéso Kiísito aámbé aɗigimisi ú.»

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 11:11

Mbusa á esa isaɔ na gbútuka ndɔ, mpophɛ áotóka mɔtɛ á Mokonga, áongia suɓi á mǒnda á ɓaɔtu-nyɔngɔ nɛkɛ ndɔɔ, ɓâ goto omama. Ɓakpa ɓɔbu ɓunde ɗáɓɛ̌ɓɔni, ɓáoɓá na kɔɓɔɓɔkɔ phɛɛ.

Mphaniɔ 11:15

Mpɔ, malaéka ɓa ko ngianjaga iɓɛ (7), áosúa mbengu. Ɛsɔ ángbó áɔɔ́kɛkana n'aotóka na koba gea: «Koɓoamɛ á ka mokonda a ye tɔ ndea Mɔkɔta nɛsu Kiísito na koɓoamɛ nɛkɛ aɓande ka saga na saga!»

Mphaniɔ 11:3

Nětekande ɓaɗigimisi nɛmɔ ɓaɓɛ na ɓáɔ́li ngɔ́mbɛ á kekusa. Ɓáɔtɔande nyɔngɔ á Mokonga ka ɓ'esa ɛlɛphu moci mia iɓɛ na nkama ngianjaga (1.260).»

Mphaniɔ 11:7

Cɔ, ɓá ye gǎkɛ ɔgɔɓa ɗigimisa á nyɔngɔ nɛɓɔ, nyama atáiande ka mininga, amanande na ɓɔ, aekíndande na aemowande.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 14:11

Maki á nsa á tambisaga aɓɔ, aojuana ka saga na saga. Ɓunde ɓáombeba nyama na tɔnkɛngɛ akɛ na nkpa buakɛ mmbé ana mphangiɔ á ina akɛ ɓákáɓɛku na múmbiɔ kaɓɛ sɔmani kaɓɛ kǐpha.

Mphaniɔ 15:2

Nê phɔtɔ ɔɔna kema ɓea oɓenge n'aɔbɛnya ɓea kiyɔa n'adaɗokeani na nsa. Nɛ́ɔ̌ɓɔna ɓundɔ ɗáɓánkíndí nyama, iii akɛ na mɔɔmba á ina akɛ n'amame gǔ á oɓenge á kiyɔa na ɓábɛɗi ɓaphíí ndea Mokonga.

Mphaniɔ 17:8

Nyama ndɔ ɔmɔnima, ɗátú na enda mosá, nna ye gǎkɛ ɓei. Ajuanande suɓi á mininga, â gǎkɛ oga oɓúngaga. Ɓato á ka mokonda ɓunde ina á ɓɔ nna suɓi á ɓuku á enda kpanga á ɓî ɗáɓáconji mokonda, ɓáyayamande ka ɔna nyama nga, yɛ ɗátúoenda, áokuwa n'asɛnɛkande goto!

Mphaniɔ 2:26

Nkpa nde atɔkande tambaga ndɔ, na tambea ɓíndɔ nekondi, ka sungiaga nemophande kɔkɔta gǔ á ekuna bui.

Mphaniɔ 20:6

Maseye phɛɛ ka ɓunde ɓáɓande ka mɔɔmba á jujúka á k'ama mosá-mosá ka kukuwa. Kukuwa á ko iɓɛ nna na ɓukpɛkpɛ gǔ aɓɔ. Ɓáɓande ndiu ɓatoɓeigi-phɛ́a na Kiísito. Ɓámameande nji kimoci na yɛ suɓi á ɓasaga ɛlɛphu moci (1.000).

Mphaniɔ 22:5

Keiphe káɓɛeka ye na ɓákáɓɛku ye na siki á owanga á maní n'índe á ɔbɛa nga, Mɔkɔta Mokonga aɛmbisande owanga nɛkɛ gǔ aɓɔ. Ɓámameande nji ka saga na saga.

Mphaniɔ 3:21

Mmbé akíndande, neɓeekeande áikɛ kimoci n'eme ka kankaanga á koɓoamɛ nɛmɔ, ɓíndɔ eme ɗékíndi, néoika kimoci n'Abɛ ka kankaanga á koɓoamɛ nɛkɛ.

Mphaniɔ 4:4

Kankaanga nɛngbo á koɓoamɛ nkama iɓɛ na gena (24) ɗátimbi kankaanga á koɓoamɛ ndɔɔ. Ɓagbɛga nkama iɓɛ na gena (24) ɓáoika gǔ í, na ɓáɔ́li bɔngɔ ábu na kekombó á láté.

Mphaniɔ 6:9

Mbenɔ nde nɛmɔni Muna-Mɔgɔgɔ n'akoɗi ngoi á mutúti á ko ɓɔku, nɛ́ɔɔna kusi ɛ́tɛ-ɔ́phɛ́ɔ, měma á ɓakpa nde ɗáɓětenigi ka nyɔngɔ á tɔ̌miaga á Nyɔngɔ á Mokonga, na ka nyɔngɔ á ɗigimisa nde ɓakpa ɗáɓáoɗigimisa ka phɔakɛ.

Mphaniɔ 7:3

Áǒngoɗea te: «Ɓókotúkatúkɛmbɛ mokonda, n'oɓenge, na ɓame, na ka ɓî ɓɛɓɛtande mutúti k'éndóndó á ɓabɛɗanigi ndea Mokonga nɛsu.»