Mphaniɔ 20:3 - Ɔngana á Kɛ̌kɛ

³ Malaéka ndea Mokonga ndɔ, áommaka suɓi á mininga, áophembeketea ú na ɓɛta á mutúti gǔ akɛ ka gea te, njɔka ndɔ kaetombɛgɛmbɛ ye ɓato á ka mokonda na ka ɓî ɓasaga ɛlɛphu moci (1.000) akpeengeanaeka. Mbusa índɔ, ɓánkoɗande ka mbenɔ ábɔa.

Mphaniɔ 20:3 Iomraidhean Croise

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 27:66

Ɓáoga ka bóta, ɓáoamba ú, mbusa ɓáophembeketea bóta n'etae ángbó, ɓáǒbisa ɓato émani ka amba á bóta ndɔɔ.

Málikɔ 4:15

Mbó nɛngbo ɗágu ka mpɛphɛ á aphe. Mpɛphɛ á aphe ndɔ, a ɓea ɓakpa nde ɓáɔɔ́ka Nyɔngɔ á Mokonga. Kángá iphia, Sɛtáni áophúia Nyɔngɔ kau suɓi aɓɔ.

Lóka 8:31

Ɓansombo ɓáonɗengemisaga Yéso te: Aoɓá n'osóɓǐgi, kǒsososeɛmbɛ ɓégɛ ka Mininga.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Pɛ́tɛɛ 3:8

Ɓenu gǎkɛ ɓadani ékondi, ana kema moci nnde kákeni ɓóɓoseɛ nyɔngɔ ndee: K'íso á Mɔkɔta, esa moci a ɓea saga ɛlɛphu moci (1.000). Saga ɛlɛphu moci (1.000), a ɓea esa moci.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 17:2

Ɓaamɛ á ka mokonda ɗáɓánɗege ně na ɓato á ka mokonda, ɓáonoa makana á komusɔngɔ nɛkɛ áɔ̌bɛɗa.»

Mphaniɔ 17:8

Nyama ndɔ ɔmɔnima, ɗátú na enda mosá, nna ye gǎkɛ ɓei. Ajuanande suɓi á mininga, â gǎkɛ oga oɓúngaga. Ɓato á ka mokonda ɓunde ina á ɓɔ nna suɓi á ɓuku á enda kpanga á ɓî ɗáɓáconji mokonda, ɓáyayamande ka ɔna nyama nga, yɛ ɗátúoenda, áokuwa n'asɛnɛkande goto!

Mphaniɔ 20:1

Mpɔ, Nɛɔmɔna malaéka ndea Mokonga n'aodida ka toka na koba, n'abɛɗi phembekete á mininga na ngoi á ngɔa átete.