Mphaniɔ 20:2 - Ɔngana á Kɛ̌kɛ

² Áondunga njɔka angbóngbó, njɔka á kala n'ande nketi ímbɔ Sɛtáni, áomɓóaga ka ɓasaga ɛlɛphu moci (1.000).

Mphaniɔ 20:2 Iomraidhean Croise

Matáyɔ 19:29

Na nkpa buakɛ mmbé ɗáɗeketi endu nɛɓɔ, ɓana-amakɛ, ɓ'áwákɛ, abakɛ, amakɛ, ɓaniki nɛkɛ, na ciko nɛkɛ ka nyɔngɔ ani, ɓátɔande ú kɔnyɛ́nya mɔngɔ mia moci (100), na tɔá phɔtɔ enda á mɛyɔ.

Matáyɔ 8:29

Ɓato á kukuwa ndɔ ɓáokoga: «Muna-Mokonga hoo! Ekende ɓen'oɓɛ kau ee? Obiki osotambisaga mbenɔ nɛsu na ka kpeengeanimbɛ?»

Málikɔ 4:15

Mbó nɛngbo ɗágu ka mpɛphɛ á aphe. Mpɛphɛ á aphe ndɔ, a ɓea ɓakpa nde ɓáɔɔ́ka Nyɔngɔ á Mokonga. Kángá iphia, Sɛtáni áophúia Nyɔngɔ kau suɓi aɓɔ.

Málikɔ 5:7

áokoga akpɛ phɛɛ: «Eke nde ɓe n'ɔɓɛ kau Yéso Muna-Mokonga mmbé ana kɔkɔta bui? Nɛɔmɛmi k'ína á Mokonga, komotambisɛgɛmbɛ!»

Yoáni 12:31

Kɛ̌kɛnde unge Mokonga atenande nyɔngɔ á ka mokonda. Kɛ̌kɛnde, amɓeagande phɔtɔ moamɛ á ka mokonda ndee.

Yoáni 16:11

Aěengekisiande ɓato á ka mokonda tena á nyɔngɔ, ka nyɔngɔ nde, ɓá ye teni nyɔngɔ ndea moamɛ á ka mokonda ndee.

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

Ɓaɛbulanía 2:14

Cɔ, ɓî ɓaniki ndɔ ɓɔbu ɓásambí magia na kesuku, yɛ Yéso â phɔtɔ okengeana na ɓɔ, ka gea te, ka nyɔngɔ á kukuwa akɛ aunge agɔɓi ɓukpɛkpɛ á Nketi mmbé ɗá na kɔkɔta gǔ á kukuwa.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

2 Pɛ́tɛɛ 2:4

Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

Yúda 1:6

Cɔ, kanisiani phɔ́ nyɔngɔ á ɓamalaéka: Ɓunde ɗáɓákákondi bɛɗanaga na kɔkɔta nde Mokonga ɗéɓophi, ɓâ ndiu oɗeketa sasaɓɔ ɔma ndeaɓɔ. Mokonga ɗáeɓóege na ngɔi á ngɔa, áǒbisa kusi ɔma á kaiphiɔ á mɛyɔ ka ɓondeaga esa ángbó á tena nyɔngɔ.

Mphaniɔ 12:13

Ɓî njɔka angbóngbó ɗáúbi gea, ɓámmaki ka mokonda, áokpanga ɓeá á nke mmbé ɗámɓɔkɔti miki-mǒko.

Mphaniɔ 12:15

Njɔka ndɔ â gǎkɛ osúa iɓo ásii k'aphenɔkɔ akɛ, mbusa á nke ndɔɔ, áoɓá ɓea oɓenge ka gea, án'yokisɛ.

Mphaniɔ 12:17

Njɔka ndɔ, áɔmɓɛɛa nke ndɔ phɛɛ. Áoga ǒmanisa ɓana-nke ndɔ ɓuangbo. Ɓaniki ndɔ ɓáunge ɓáoamba ɛɔphi ndea Mokonga na ɓeá á ɓɔphɛi ndea Yéso.

Mphaniɔ 12:3

Mpɔ, mphangiɔ nɛngbo áɔsɛnɛka na koba: Njɔka angbóngbó ánjɛ n'ana mɔ̌ ngianjaga iɓɛ (7) na ndeka nkama (10). Mɔ̌ ngianjaga iɓɛ (7) ndɔ bui ɗátú na kekombó moci-moci.

Mphaniɔ 12:4

Moci ka isaɔ á ɓasɛɛngɔa, nkondo á njɔka angbóngbó ndɔ, áoɓota, áomaka ú ka mokonda. Yɛ, áomama mosá á nke á ɓoaé ka ɓondea miá á mɔɛmba mbenɔ nde aɓɔkɔtɛanande.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:2

Nyama kayɛ ɗátú tɔ ɓea mabianga. Ecinji akɛ â gǎkɛ oɓá ɓ'índe á dubu. Aphenɔkɔ akɛ áoɓá ɓ'índe á simba. Njɔka angbóngbó áomopha nyama ndɔ ɓukpɛkpɛ, kɔkɔta ángbó na kankaanga nɛkɛ á koɓoamɛ.

Mphaniɔ 13:4

Kaɓondɔ, ɓakpa ɓɔbu ɓáombeba njɔka angbóngbó ka nyɔngɔ á opha á nyama kɔkɔta nɛkɛ. Ɓâ phɔtɔ ombeba nyama na gea: «Ani mmbé akengeani phɔ́ na nyama ndee? Ani mmbé aɔtɔka n'ammanisi ee?»

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 20:7

Mbenɔ nde ɓasaga ɛlɛphu moci (1.000) akpeengeanande, aunge ɓánjuanisande Sɛtáni suɓi á mekakɔ.

Mphaniɔ 9:11

Moamɛ nɛɓɔ ande malaéka á mininga, ina akɛ ka Kiɛbulanía ande «Abidáni», ka Kigiíki, ande «Apɔliɔ́ni», n'ande gea: «Ntúkatuki».