Mphaniɔ 2:9 - Ɔngana á Kɛ̌kɛ

⁹ Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 2:9 Iomraidhean Croise

Matáyɔ 4:10

Mpɔ Yéso áongea: «Tóka wa, Sɛtáni! Ɓáɗundu suɓi á Ɓuku á Mokonga ɓe: ‹Onɗokomisande Mɔkɔta, Mokonga nɛkɔ na yɛ sasakɛ tɔndɔ aámbé ombebande.›»

Lóka 12:21

Yéso aogea: «Ɓondɔ unge aɓande ka nkpa nde aodondanisaga nkumba ásii ka phɔakɛ sasakɛ na nna n'ɛtɔi k'íso á Mokonga.»

Lóka 22:65

Na ɓáɔyɔnga ka phɔakɛ nyɔngɔ nɛngbo á bóma akɛ phɛɛ.

Lóka 4:18

«Měma á Mɔkɔta amɔgɔni, amɔsɔmbu ka tɔ̌miaga á ɓato á ɓuyɛnɛ Mbino-Ánjá. Â phɔtɔ omoteka ka úbisa á ɓato á mekakɔ esa á juana aɓɔ na koɗa iso á ɓakeíme-íme, na phúia á ɓakusi ka kɔkɔɓɛ,

Lóka 6:20

Yéso áɔ̌ɔnjia ɓagoigi nɛkɛ áǒngoɗea: «Maseye ka ɓenu ɓato á ɓuyɛnɛ nga, koɓoamɛ ndea Mokonga ande anu.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ekuma á ɓateki 14:22

Ɓî ɗáɓáotamba ka nji ndɔ bui, ɓáogbagisaga měma á ɓagoigi gea, ɓáendɛ ka ɓeekea nɛɓɔ. Ɓáǒgea te: «Akeni ɓásotambisɛgɛ phɛɛ mosá á ngia asu ka koɓoamɛ ndea Mokonga.»

Ekuma á ɓateki 26:11

Mɔngɔ ásii, suɓi éndu bui á madondanɔ ndea Ɓayúda ka nyɔngɔ á Mokonga, ɗéǒtambisaga ɓaɓêki na sosea aɓɔ gea ɓánganɛ ɓeekea nɛɓɔ. Ɗɛ́ɔ̌ɓɛɛa phɛɛ na ka ɓî ɗé phɔtɔ oga ǒtambisaga ka ntanga-nji á ɓakɛni.»

Ɓalɔ́ma 12:12

Ɓáni na maseye ka nyɔngɔ nde ɓoseɓei, ɓáni na měma áɗokǒ suɓi á tambaga. Mɛmani na moíngi ka koɗoni.

Ɓalɔ́ma 2:17

Cɔ, oɓɛ ímbe ogi te, onde Moyúda, oseɓei ɛɔphi ndea Mósa, na ébeba na Mokonga.

Ɓalɔ́ma 5:3

Nanga ɓéotambaga, ɓena maseye nga, ɓeoúba gea, tambaga aobikisa moíngí,

Ɓalɔ́ma 8:35

Ekende áɔtɔka katanisa asu n'ekondi ndea Kiísito? Tambaga, kema ájeɗe nde aoúja měma á nkpa, kisoni, nja, ɓuyɛnɛ á ngɔ́mbɛ, ɓiá, kukuwa?

Ɓalɔ́ma 9:6

Kégi gǎkɛ te, mɔkɔ ndea Mokonga ɗákátɔtɔkɛani ka nyɔngɔ nde, nna ɛɓɔkɔti bui á Ɓaisilaɛ́li aunge ɓánde Ɓaisilaɛ́li á ɗoni á ɗoni,

2 Ɓakɔlítɔ 6:10

Ɓáɔsɔ́ɓɛisa na ɓe gǎkɛ na maseye esa bui. Ɓáokanisia te ɓende ɓaúki, na ɓendiu ɔ̌tɔisa ɓakpa ɓunɛngbo. Ɓáokanisia te ɓéké na ka kema, na ɓe ndiu na kema bubui.

2 Ɓakɔlítɔ 8:2

Nanga ɓî ɓaɓêki ndɔ ɗáɓáotambaga, ɓâ tɔ oɓá na maseye phɛɛ suɓi í. Nanga ɓî ɗáɓátú ɓato á ɓuyɛnɛ, ɗáɓátú ogaba phɛɛ.

2 Ɓakɔlítɔ 8:9

Nga, ɓo ye oúba ɓonjánja-ékondi ndea Mɔkɔta nɛsu Yéso Kiísito: Yɛ, ɗátú ntɔi, áǒbisa nto á ɓuyɛnɛ ka nyɔngɔ anu, ka gea te, ɓóɓɛ ɓatɔi ka ɓeana na ɓuyɛnɛ nɛkɛ.

1 Ɓatɛsalɔníka 3:4

Ɗéɓenóngoɗi nyɔngɔ á tambaga mosá, ɓî ɗéɓetú mɔtɛ-anu, tambaga ndɔ na kánódondimbɛ. Ɓî anódondi ye gǎkɛ, ɓo ye tɔ oúba.

1 Timɔtɛ́ɔ 1:13

Nanga mosá ɗétú ombóma Mokonga, néontambisaga, néoɓá nto á kampápa mosá akɛ, kíndɔ bui â gǎkɛ tɔ omokuia ngomi nga, ɗébóbóki ka kanga á ɓeekea akɛ.

1 Timɔtɛ́ɔ 6:18

Óngoɗea phɔtɔ ɓágeɛ ɓonjánja, ɓábɛ ɓatɔi ka tɔtɔkisa á kema ánjánja, ɓágabɛ na měma ánjá, na ɓábɛɗaneɛgɛ nkumba nɛɓɔ kimoci na ɓakpa ɓuangbo.

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 2:24

Cɔ, ka ɓenu ɓato á ka kanisa á ka Tuatɛ́a, ɓunde ɓókótóɓeeki ɓɔphɛi ndea nke ndɔ Yɛjɛbɛ́li, na ɓókóoúba kema nde ɓakpa ndɔ ɓáɔɔphana ‹kema á ɓɔsɔmɛa ndea Sɛtáni›, nenóngoɗi gea, kénokumbisɛku nkumba nɛngbo.

Mphaniɔ 3:9

Cɔ, nekophande ɓato á k'endu á madondanɔ ndea Sɛtáni. Ɓɔ, ɓáɔyɔnga sasaɓɔ mbɛa te, ɓánde Ɓayúda na ɓáná gǎkɛ Ɓayúda. Něsoseande ɓábikɛ gbukɛ muanku aɓɔ mosá akɔ ka ɗokomisa akɔ na ɓáúbande gea, eme nekokondi.

Mphaniɔ 7:14

Néonsikisia te: «Mɔkɔta nɛmɔ, oɓɛ aámbé ooúba.» Áomogea: «Ɓundɔ, ɓáunge ɓátóki ka tambaga ángbó. Ɓásokosi bɔngɔ éndǎ nɛɓɔ na magia á Muna-Mɔgɔgɔ, ka ɓondɔ, bɔngɔ nɛɓɔ áoɓá ábu.