Mphaniɔ 2:5 - Ɔngana á Kɛ̌kɛ

⁵ Cɔ, kanisia phɔ́ tambea akɔ á mosá, kɛ̌kɛnde gǎkɛ, ogu. Cɔ, kětia tambea akɔ ájeɗe, ótambeɛ ɓíndɔ ɗótú otambea mosá. Kaɓɛ na kókěti tambea akɔ ájeɗe, ámbé nekobikiande, néophúia ɔbɛa nɛkɔ k'ɔ́ma í.

Mphaniɔ 2:5 Iomraidhean Croise

Matáyɔ 5:14

Ɓonde owanga á ka mokonda. Ntanga-nji nde ɓáphɛ̌ki gǔ á mamba, nnaɔtɔka nɛ̌sɔmɛani.

Matáyɔ 5:15

Ɓákáotoɓoa ɔbɛa ka bisa kusi á mbungu, ɓá ndiu obisa ka ngeɔ ka gea te, ábɛnyɛ ka phɔa ɓakpa ɓunde ɓá suɓi éndu.

Málikɔ 12:9

Cɔ, nenoúsi ɓe: Mɛna-ciko ndɔ, ageande ɓo? Kábikɛku ǒma ɓabɛɗanigi ka ciko ndɔ, áɔbɛɗa ciko, áǒɓopha ɓabɛɗanigi ɓunɛngbo?

Lóka 1:17

Ammɛande Mɔkɔta mosá, atambande na měma á ɓukpɛkpɛ ɓíndɔ Elía mɔtu-nyɔngɔ ndea Mokonga ɗátú ně. Abikande k'aphe á ɔnganisa á ɓaɓɔkɔti na ɓ'anaɓɔ, ɓaɗakekanigi-kecue ɓáúbaphande ɓea ɓato á koɗoni. Abisande měma ánjá suɓi á ɓakpa ka ɓondea á Mɔkɔta nɛɓɔ.»

Lóka 20:16

Abikande, áǒmowa ɓagubi ndɔ. Mbusa í, aeɓophande ɓakpa ɓunɛngbo ciko ndɔ.» Ɓakpa ɓáɔ́ki ye ɓó, ɓáɔyɔnga gea: «Kaɓɛmbɛ tanda ɓó.»

Ɓagalatía 5:4

Ɓenu íɓundɔ ɓookaɓa ɔnɛkana ɓato á koɗoni mosá á Mokonga ka nyɔngɔ á ɛɔphi, ɓo ye katani na Kiísito. Ɓonde ɗanga na ɓonjánja-ékondi ndea Mokonga.

Ɓaphilípi 2:15

ka gea, ɓóɓɛ kángá oyeyɔ na kángá ɓojeɗe, ɓóɓɛ ɓana-Mokonga kángá kisɛki ka ɔlɔ á ɓato á odemayɔ na ɓakpa ɓájeɗe á ka mokonda ndee. Akeni ɓɔ́bɛnyɛ ka ɔlɔ aɓɔ ɓea ɓasɛɛngɔa á na koba,

Ɓaɛbulanía 10:32

Kanisiani phɔ́ kema nde ɗátɔtɔkɛani ka ɓenu mbenɔ nde ɗóɓotɔi owanga ndea Mokonga. Mbusa índɔ ábɔa ɓôtambaga akpɛ phɛɛ, ɓô gǎkɛ ophiphia ú.

2 Pɛ́tɛɛ 3:17

Cɔ, ɓenu ɓadani ékondi, nɛnɔ́nyɔtɛi ye gǎkɛ nyɔngɔ ndɔɔ. Kaɓondɔ, ɛ́ngɛphani, ɓókǒdemisɛmbɛ ye ka nyɔngɔ á odemayɔ ndea ɓagoisigi á mbɛa. K'aphe ndɔ unge ɓǒdoɗeande ka měma.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 1:20

Kantíti á ɓɔsɔmɛa ka ɓasɛɛngɔa ngianjaga iɓɛ (7) ndɔ ɗɔ́ɔni ka njaga ani á mǔku, na tɛta á ɔbɛa ngianjaga iɓɛ (7) nde ɓáɓɔngisigi na láté a ɓe: Ɓasɛɛngɔa ngianjaga iɓɛ (7) ande ɓamalaéka ndea Mokonga á ka kanisa ngianjaga iɓɛ (7) ndɔɔ. Ɓatɛta á ɔbɛa ngianjaga iɓɛ (7) ndɔ, ande kanisa ngianjaga iɓɛ (7).

Mphaniɔ 16:9

Ɓɛta á maní akpɛ áǒsiɗisa ɓakpa, ɓáombóma Mokonga mmbé ana ɓukpɛkpɛ gǔ á tambaga. Ɓákákondɛ gǎkɛ kětia á tambea aɓɔ na ɗokomisa á Mokonga.

Mphaniɔ 2:16

Cɔ, kětiani tambea anu. Kaɓɛ na nna ɓó, nekamisagande bika á mɔtɛ-anu, néomana na ɓakpa ndɔ na píndí ndɔ aotóka k'aphenɔkɔ ani.

Mphaniɔ 2:19

neoúba ekuma nɛkɔ, ekondi nɛkɔ, ɓeekea nɛkɔ, tambea nɛkɔ, na phiphia á tambaga nɛkɔ. Neúbi phɔtɔ gea ǒyamei ka bɛɗaneaga ani kɛ̌kɛnde kɔnyɛ́nya mosá.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 3:19

Eme, neóphekeaga na sɛka á ɓakpa ɓɔbu ɓundɔ někondi. Cɔ, ɓá na moíngí na kětia tambea akɔ.