Mphaniɔ 2:23 - Ɔngana á Kɛ̌kɛ

²³ Kaɓɛ na ɓákáɗeketi, němowande ɓakpa nde ɓágamani na yɛ. Mpɔ, ɓato á ka kanisa ɓɔbu ɓáúbande gea, neoengekisa mɔphɛ á ɓakpa na kanisia aɓɔ. Úbani gea, nemphendande nkpa na nkpa sɔsɔɓɛ anu ka ɓeana na tambea akɛ.

Mphaniɔ 2:23 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Lóka 16:15

Kaɓondɔ, Yéso áǒngoɗea ɓe: «Ɓǒphangisia k'íso á ɓakpa gea te, ɓonde ɓato á ɗoni. Mokonga aámbé a gǎkɛ oúba měma anu. Kema nde ɓakpa ɓáoɗokomisa, aunge Mokonga aɔɔna n'ajɔɔkani.

Yoáni 21:17

Áomúsia mɔngɔ á ko isaɔ: «Simɔ́ni muna Yoáni, omokondi?» Pɛ́tɛɛ áɔɓɛa nga, Yéso ɗámúsi ka mɔngɔ á ko isaɔ: «Omokondi?» Mpɔ áonsikisia gea: «Mɔkɔta, oúba kema bui. O tɔ oúba gea nekokondi.» Yéso áongoɗea: «Ámbá ɓamɔgɔgɔ nɛmɔ.

Yoáni 4:16

Mpɔ, Yéso áongoɗea gea: «Gǎ, ɔ́mɔphanɛ munyakɔ, ɓóbikɛ na yɛ wani.»

Ekuma á ɓateki 1:24

Mpɔ, ɓáɔmɛma Mokonga ɓe: «Oɓɛ Mɔkɔta, múbi-měma á ɓakpa ɓɔbu, ósophangia phɔ́, ani mmbé ɔnsɔmbu sɔsɔɓɛ á ɓakpa nde ɓá ɓaɓɛ.

Ɓalɔ́ma 14:12

Kaɓondɔ, nkpa na nkpa sɔsɔɓɛ asu aɛ́yɔngɛande sasakɛ mosá á Mokonga.

Ɓalɔ́ma 8:27

Cɔ, Mokonga mmbé aɔɔna suɓi á měma asu, aámbé aoúba mɔphɛ á Měma á Mokonga. Měma ndɔ aámbé aɔmɛma Mokonga ka phɔa ɓaɓêki ɓíndɔ Mokonga aokonda.

2 Ɓakɔlítɔ 5:10

Nga, ɓesu ɓɔbu ɓemamande mosá á ntua nde Kiísito atenande nyɔngɔ á ɓakpa kau. Wa, amphendande nkpa na nkpa ka ɓeana na tambea akɛ, kaɓɛ ánjá, kaɓɛ ájeɗe ka enda akɛ ka mokonda.

Ɓagalatía 6:5

Nga, akeni nkpa na nkpa ákumbɛ nkumba nɛkɛ sasakɛ.

Ɓaɛbulanía 4:13

Nna na ka kema nde Mokonga ɗáconji nnde ɛ̌sɔmɛani k'íso akɛ. Kema bubui a tɔ ndúmbú mosá akɛ. Aoúba ú. Yɛ goto tɔ aámbé ɓɛtɔmiande nyɔngɔ ndeasu bubui mosá akɛ.

1 Pɛ́tɛɛ 1:17

Cɔ, akoɓá k'ɛ́mɛmi nɛnu na ɓɔɔmɔphana Mokonga «Abɛ», mmbé aotena nyɔngɔ á nkpa buakɛ kángá oɓayɔ, ka ɓeana na tambea akɛ, tambeani na kɔɓɔɓɔkɔ ka Mokonga ka mbenɔ nde ɓo phɔ́tɔ ka mokonda.

Mphaniɔ 2:11

Cɔ, mmbé ana kecue, áɔ́kɛ nyɔngɔ nde Měma á kanga ɓojeɗe angoɗi kanisa bui! Mmbé akíndande, kákuwɛku ye ka mɔngɔ á ko iɓɛ.

Mphaniɔ 2:7

Cɔ, mmbé ana kecue, áɔ́kɛ nyɔngɔ nde Měma á Mokonga angoɗi kanisa bui. Mmbé akíndande, nensoseande gea, áeɛ mbuka á me á enda, nnde a ka Paadísɔ ndea Mokonga.

Mphaniɔ 20:12

nɛ́ɔ̌ɓɔna ɓasí, ɓagbɛga na ɓaniki na ɓámamege mosá á kankaanga á kɔkɔta. Ɓuku á enda áoúkukana base. Ɓáotena nyɔngɔ á ɓasí ka ɓeana na nnde ɗáɓági ɓíndɔ ɗáɓáɗundu suɓi á ɓuku á enda.

Mphaniɔ 20:13

Oɓenge áǒjuanisa ɓasí ínɛkɛ. Kukuwa na nji á ɓasí ɓáǒjuanisa ɓasí íɓuaɓɔ. Ɓáotena nyɔngɔ á nkpa na nkpa ka ɓeana na nnde ɗági.

Mphaniɔ 22:12

Yéso áɔyɔnga te: «Cɔ, neobika kɛ̌kɛnde! Nebikande n'ophendɔ ka phenda nkpa na nkpa ka ɓeana na nnde ɗági.

Mphaniɔ 6:8

Nɛɔmɔna mponda á emani moci, nkeke akɛ n'akengeani na ebǔ. Ina á mmbé ɗákǎmbi gǔ akɛ ande Kukuwa. Nji á ɓasí ɗáobika mbusa akɛ. Ɓáǒɓopha kɔkɔta gǔ á phaeka gena á mokonda, ka mowa á ɓakpa na píndí, monganya, esambɔ, na ɓanyama akaekae á ka mokonda.