Mphaniɔ 2:13 - Ɔngana á Kɛ̌kɛ

¹³ Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:13 Iomraidhean Croise

Matáyɔ 10:23

Aoɓá na ɓáonótambisaga ka ntanga-nji moci, ɓôtea ka ntanga-nji nɛngbo. Nenóngoɗi ɗoni gea, ɓɔ́kɔ́gɔɓɛku tɔmba á ntanga-nji bui á ka Isilaɛ́li na Muna-Nkpa kábikimbɛ.

Matáyɔ 24:9

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani.

Matáyɔ 4:10

Mpɔ Yéso áongea: «Tóka wa, Sɛtáni! Ɓáɗundu suɓi á Ɓuku á Mokonga ɓe: ‹Onɗokomisande Mɔkɔta, Mokonga nɛkɔ na yɛ sasakɛ tɔndɔ aámbé ombebande.›»

Lóka 21:17

Ɓakpa ɓɔbu ɓánokangeande ka nyɔngɔ á ina ani.

Ekuma á ɓateki 22:20

Mbenɔ nde ɗáɓámowe Sɛtɛphánɔ mmbé ɗátú nɗigimisi nɛkɔ, eme ɗétú ɓei. Ɗéɓeeki kukuwa akɛ, néoamba bɔngɔ ndea ɓundɔ ɗáɓáommowa.›

Ekuma á ɓateki 9:14

Ɓagbɛga á ɓatoɓeigi-phɛ́a, ɓámophi kɔkɔta ka bika dunga á ɓakpa ɓɔbu ɓunde ɓáɔmɛma Mokonga k'ína akɔ.»

1 Ɓatɛsalɔníka 5:21

Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

1 Timɔtɛ́ɔ 5:8

Aoɓá nkpa na káǒamba ɓakpa nɛkɛ na amba phɛɛ ɓato á k'ékombo nɛkɛ, mmbɔ ayé ɓeekea nɛkɛ. Kaɓondɔ, yɛ ande nkpa ájeɗe phɛɛ kɔnyɛ́nya mmbé káɓeeki.

2 Timɔtɛ́ɔ 1:13

Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

2 Timɔtɛ́ɔ 2:12

Aoɓá na ɓeophiphia tambaga kimoci na Kiísito, ɓemameande nji kimoci na yɛ. Kaɓɛ na ɓen'yé Kiísito, yɛ phɔtɔ, asóyande.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Yakɔ́ɓɔ 2:7

Nna phɔtɔ ɓɔ ɓáunge ɓáobóma ina ánjá nde Mokonga ɗánóphi?

Mphaniɔ 1:5

Ɓonjánja-ékondi na ɓujɛjɛ ndɔ átokɛ phɔtɔ ka Yéso Kiísito, nɗigimisi á ɗoni, ánge ka ɓunde ɓájujúki ka kukuwa, na moamɛ á ɓaamɛ á ka mokonda. Yɛ, Kiísito asókondi, magia akɛ aunge ɗásóphúi ka ɓojeɗe nɛsu.

Mphaniɔ 11:3

Nětekande ɓaɗigimisi nɛmɔ ɓaɓɛ na ɓáɔ́li ngɔ́mbɛ á kekusa. Ɓáɔtɔande nyɔngɔ á Mokonga ka ɓ'esa ɛlɛphu moci mia iɓɛ na nkama ngianjaga (1.260).»

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 13:2

Nyama kayɛ ɗátú tɔ ɓea mabianga. Ecinji akɛ â gǎkɛ oɓá ɓ'índe á dubu. Aphenɔkɔ akɛ áoɓá ɓ'índe á simba. Njɔka angbóngbó áomopha nyama ndɔ ɓukpɛkpɛ, kɔkɔta ángbó na kankaanga nɛkɛ á koɓoamɛ.

Mphaniɔ 14:12

Cɔ, ka ɓondɔ unge, ɓato á Mokonga, ɓunde ɓáoamba ɛɔphi nɛkɛ, na ɓeekea á Yéso, akeni ɓáphiphiɛ tambaga.»

Mphaniɔ 17:14

Ɓɔ, ɓámanande na Muna-Mɔgɔgɔ. Muna-Mɔgɔgɔ aékíndande ka nyɔngɔ nde ande Mɔkɔta ndea ɓakɔta na Moamɛ ndea ɓaamɛ. Akíndande kimoci na ɓunde ɗáɛɓɔphani, ɗáesombi na ɓunde ɓámɓeeki.»

Mphaniɔ 17:6

Nɛ́ɔɔna gea, magia á ɓato á kanga ɓojeɗe n'índɔ á ɓunde ɗáɓátú ɓaɗigimisi ndea Yéso ambɛɗi. Ɓî nɛmɔni nke ndɔ, néoyayama phɛɛ.

Mphaniɔ 2:2

Neoúba ekuma nɛkɔ, na tambea nɛkɔ, na phiphia á tambaga nde ophiphíí. Ne phɔtɔ oúba gea kɔ́ɔtɔka n'ogamani na ɓato á ɓojeɗe. Ɗóǒtombigi ɓunde ɗáɓáǒgea sasaɓɔ, ɓánde ɓateki na ɓáká gǎkɛ ɓateki, ɗóǒɓúbi gea, ɓánde ɓato á mbɛa.

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.