Mphaniɔ 19:8 - Ɔngana á Kɛ̌kɛ

⁸ Ɓáomopha bɔngɔ ánjá phɛɛ ka ɔ́la í, n'aophenuaga.» [Bɔngɔ ndɔ, ande mphangiɔ á tambea ánjá ndea ɓato á kanga ɓojeɗe.]

Mphaniɔ 19:8 Iomraidhean Croise

Matáyɔ 17:2

Kó, keongi á Yéso áǒketia mosá aɓɔ, áɔbɛnya ɓea maní. Ngɔ́mbɛ nɛkɛ áobusumana ɓea owanga.

Matáyɔ 22:12

áongea te: «Moko, ongi wani na kɔ́ɔ́li ngɔ́mbɛ ɛ́kɛka ka ɓo?» Nkpa ndɔ kásikisiɛ tanda nyɔngɔ moci.

Málikɔ 9:3

Bɔngɔ nɛkɛ â phɔtɔ ophenuaga, áoɓá ábu phɛɛ. Busumana í, ɓákáɔnimbɛ mɔnɔ kau ka mokonda ndee.

Lóka 24:4

Ɓáoyayama phɛɛ ka nyɔngɔ ndɔ. Mɔngɔ moci ɓǒko ɓaɓɛ ɓáɔ̌sɛnɛkɛa, cɛɗɛ! Na ɓáɔ́ligi ngɔ́mbɛ á phenuaga phɛɛ.

Ekuma á ɓateki 1:10

Na ɓá phɔ́tɔ otúmia iso aɓɔ na koba, kuɓî Yéso ɗáotáia, mɔngɔ moci, ɓakpa ɓaɓɛ na ɓáɔ́li bɔngɔ ábu, ɓáɔ̌sɛnɛkɛa, cɛɗɛ!

Ɓalɔ́ma 13:14

Ɓékengeanɛ ndiu na Mɔkɔta Yéso Kiísito. Ɓókoɗeketɛmbɛ mɔphɛ ájeɗe á nyama anu ánongisɛ ka ɓojeɗe.

Ɓalɔ́ma 3:22

Ɓakpa ɓɔbu ɓunde ɓámɓeeki Yéso Kiísito ɓáunge Mokonga aǒtanga ɓato á koɗoni mosá akɛ kángá oɓayɔ.

Mphaniɔ 15:4

Mɔkɔta, ani mmbé nnaɔtɔka n'akoɓángi? Ani mmbé nnaɔtɔka n'akobebi? Nga, oɓɛ aámbé o tɔ nto á kanga ɓojeɗe, ɓato á ka mokonda bui ɓábikande ogbúka muanku aɓɔ mosá akɔ nga, ekuma nɛkɔ á koɗoni, aɔnɛkani base.»

Mphaniɔ 15:6

Ɓamalaéka ndea Mokonga ngianjaga iɓɛ (7) ɓundɔ ɗáɓátú na tambaga ngianjaga iɓɛ (7), ɓáojuana suɓi éndu ndɔɔ. Ɗáɓáɔ́li bɔngɔ ésombi akpɛ ábu á phenuaga. Ɓâ phɔtɔ ɔɔ́la angeɗe á láté ka cina-kuju.

Mphaniɔ 19:14

Ekombo á ɓato émani á na koba, ɓáomɓea na ɓákǎmbi gǔ á ɓaphalási ɓábúbú na ɓáɔ́li bɔngɔ ánjá na abúbú.

Mphaniɔ 3:18

Kaɓondɔ unge, nɛɔphɛí gea, Somba láté mɔtɛ-amɔ, nnde ɓáɓɔngisigi ka nsa étombe, ka gea, óɓɛ ye tɔ ntɔi á ɗoni. Somba phɔtɔ bɔngɔ ábu ka gea, ɔ́ɔ́lɛ, ɔ́sɔmɛɛ soni á ndúmbú akɔ. Somba goto manga á siá k'íso akɔ ka gea, ɔ́ɔnaphɛ.